Leta ko n̄an Timote

Timote ekar juon likao eo kōn tōmak ekajoor ilo Jisōs Kraist. Eo jinen, Eunice, im eo jibūn, Lois, raar barāinwōt kōrā ro kōn eļap tōmak. Raar katakin Timote jān jeje ko rekwojarjar, jekdo̧o̧n ke ekar juon ajri wōt.

2 Timote 1:5; 3:15

Timote im Paul raar m̧ōtta. Raar jerbal im ito itak ippān doon, jerbal n̄an Irooj im kwaļo̧k gospel eo An. Paul ekar iakwe Timote āinwōt juon nejin m̧aan.

Pillipia 2:19–22; 1 Timote 1:2

Paul ekar kajjitōk ippān Timote n̄an tōl Kabun̄ eo ilo Epesōs. Paul ekar aikuj in bar etal n̄an juon jikin kweilo̧k (city). Ke ekar jako, ekar jeje n̄an Timote juon leta n̄an jipan̄ e.

1 Timote 1:1–3

Tokālik, ke Paul ekar pād ilo kalbuuj ilo Rom, ekar jeje n̄an Timote bar juon leta. Ekar kakkōl Timote bwe iien ko reppen renaaj itok. Jet armej renaaj oktakļo̧k jān m̧ool eo im iakwe men ko an laļ in eļapļo̧k jān Anij. Renaaj katakin kōn men ko me rejjab m̧ool.

2 Timote 3:1–7; 4:3–4

Paul ekar jiron̄ Timote n̄an jab mijak. Ekar ba, “Anij ear jab letok n̄an kōj jetōb in lōln̄o̧n̄; a jetōb in kajoor im yokwe.” Paul ekar jiron̄ Timote n̄an wōnm̧aanļo̧k wōt im kōm̧m̧ane men ko ekar katak. Jeje ko rekwojarjar enaaj tōl e n̄an Jisōs Kraist.

2 Timote 1:7–9; 3:14–17

Paul ekar jeļā bwe mour eo an ejjab to enaaj kar jem̧ļo̧k. Bōtaab ekar jab mijak in mej. Paul ekar jiron̄ Timote bwe jekdo̧o̧n n̄e ekar dibuk elōn̄ apan̄ ko ilo mour eo an, ekar dāpij wōt tōmak eo an epen. Ekar lōke bwe Jemādwōj Ilan̄ im Jisōs Kraist naaj kar leļo̧k n̄an e mour indeeo.

2 Timote 4:6–8