Menin bwilon̄ ko ilo Iaļ eo an Paul n̄an Rom

Jetōb eo ekar jiron̄ Paul n̄an etal n̄an Jerusalem. Elōn̄ armej ijo raar jab kōņaan ta eo Paul ekar katakin kōn Jisōs Kraist. Raar kalibuuji e im lukwōj e kōn to mede ko. Paul ekar jiron̄ aolep kōn iien eo ekar lo juon meram jān lan̄, kar ron̄ ainikien Jisōs, im kar peptaij.

Jerbal 21:4, 12–13, 27–40; 22:1–16

Kar likūt Paul ilo kalbuuj. Ke ekar pād ijo, Jisōs ekar waļo̧k im ba, “Kwōn peran, Paul.” E ekar ba bwe Paul enaaj kwaļo̧k naan in kam̧ool kōn E ilo Rom.

Jerbal 23:10–11

Kar bōkļo̧k Paul n̄an im̧aan kabna ro im juon kiin̄. Ekar peran ilo an kam̧ool kōn Jisōs Kraist n̄an rikien rein rekajoor. Ekar kōņaan bwe aolep ren tōmak ilo Jisōs.

Jerbal 24:10–27; 25:6–8, 17–19; 26:1–29

Kiin̄ ekar jilkinļo̧k Paul n̄an Rom bwe en ekar ekajet jān Caeaar, emperor eo. Paul ekar ilo̧k ilo tim̧a eo ippān rikalbuuj ro jet, kōm̧m̧an bōjrak ilo iaļ eo ļo̧k. Ilo juon bōjrak, Paul ekar jeļā bwe ejjab to enaaj kar iien m̧ōļo. Eļan̄n̄e renaaj jerakļo̧k wōt, renaaj kar ioon kauwōtata eļap. Ekar jiron̄ļo̧k rijerbal in tim̧a eo n̄an kōttar m̧ae iien eo katu eo ekar em̧m̧anļo̧k.

Jerbal 27:1–10

Ejjeļo̧k juon ekar tōmak Paul, kōn menin raar jerakļo̧k wōt. Juon ļan̄ eļap ekar itok, im ņo ko rekar joto jotak tim̧a eo ium̧win elōn̄ raan ko. Rekar jab maron̄ lo aļ ak iju ko. Raar ļōmņak renaaj kar mej ilo lan̄ eo.

Jerbal 27:11–20

Juon bon̄, juon enjeļ an Anij ekar loļo̧k Paul im kar ba, “Jab mijak, Paul.” Enjeļ eo ekar ba bwe Paul enaaj kar tōprakļo̧k ilo Rom, āinwōt an Irooj kar kallim̧ur. Ekar ba bwe Anij enaaj kar kōjparok aolep ro ioon tim̧a eo—ejjeļo̧k iaer enaaj kar mej.

Jerbal 27:23–24

Paul ekar jiron̄ aolep ta eo enjeļ ekar ba. “Kom̧win peran,” Paul ekar ba, “bwe ij lōke Anij.”

Jerbal 27:21–25

Raan ko tokālik, tim̧a eo ekar itaak im rum̧ļo̧k. Ak ejja wōt eo an enjeļ eo kar kallim̧ur, ejjeļo̧k juon ioon tim̧a eo ekar mej. Raar aolep aō n̄an juon āne kar ņa etan Melita.

Jerbal 27:40–44; 28:1

Armej ro me raar jokwe ioon Melita raar jouj n̄an Paul im ro jet jān tim̧a eo. Raar kōm̧m̧ane juon kijeek bwe aolep ren maron̄ kōmmāņāņ.

Jerbal 28:2

Ejjab to, juon jinek ekar jedetok jān kijeek eo im kūj Paul ilo pein. Bōtaab Paul ekar jab metak. Ekar pikirļo̧k jinek eo. Armej ro rekar bwilōn̄!

Jerbal 28:3–6

Juon em̧m̧aan kar etan Publius ej kōtļo̧k an Paul jokwe ilo m̧weo im̧ōn. Jemān Publius ekar lukkuun nan̄inmej. Paul ekar likūt pā ko pein ioon ļein im kar kōjerbal kajoor eo an Anij n̄an kemour ļein.

Jerbal 28:7–8

Paul ekar joļo̧k jilu allōn̄ ko ilo Melita. Irooj ekar jipan̄ e kōm̧m̧ane elōn̄ menin bwilon̄ ko, kōjeraam̧m̧an im kemour armej ro me raar nan̄inmej. Innām, ejja wōt an Irooj kar kallim̧ur, Paul ekar ilo̧k n̄an Rom.

Jerbal 28:9–16

Paul ekar rikalbuuj wōt ke ekar pād ilo Rom. Bōtaab rilale kalbuuj eo raar kōtļo̧k an armej ro loļo̧k e. Paul ekar katakin kōn Jisōs Kraist n̄an jabdewōt eo ekar kōņaan ron̄jake. Ekar barāinwōt je leta ko n̄an ro uwaan Kabun̄ eo ilo elōn̄ jikin ko. Jet iaan jeje kein, ak leta ko, rej pād ilo Kallim̧ur Ekāāl

Jerbal 28:16–31