Jisōs ej Kemour juon Kōrā im kajerkak leddik eo Nejin Jairōs

Juon em̧m̧aan etan Jairōs eaar jokwe ippān kōrā eo pāleen im leddik eo nejin ilo juon jikin epaake Lomaļo in Galili. Jairōs eaar juon ritōl ilo im̧ōn kweilok eo, ijo ri Ju rej etal im kabun̄jar n̄an Anij.

Mark 5:22

Leddik eo nejin Jairōs, eo eaar 12 iiō dettan, eaar lukkun nan̄inmej. E eaar tin mej. Jairōs eaar jeļā ke aikuj jipan̄. E eaar jeļā bwe Jisōs eaar pad ilo jikin eo rej pād ie.

Mark 5:22–23

Jairōs eaar em̧m̧akut jān m̧weo im̧ōn im lo Jisōs. E eaar bukwelōlō im̧aan neen im kajjitōk bwe En jipan̄ kemour leddik eo nejin. Jairōs eaar jeļā bwe n̄e Jisōs enaaj kōjeram̧m̧an leddik eo nejin, enaaj mour. Jisōs ej ļoor Jairōs n̄an m̧weo im̧ōn. Kumi in armej ro rej ļoor E.

Mark 5:23-24

Juon kōrā ilo ejja jikin eo wōt im aikuj jipan̄ eo an Jisōs. Juōn kōrā eaar lukkuun nan̄inmej iumin 12 iiō ko. E eaar kōļļāik elōn̄ taktō ro, ak ejjeļok emaron̄ kemour e—eaar ļapļok wōt an nan̄inmej. Liin ekar wōr an tōmak ke Jisōs emaron̄ kemouri. Ak ewi kōjkan an naaj etal n̄an E ilbwiljin jarlepju eo.

Mark 5:25-27

Liin ekar tōmak bwe eļan̄n̄e emaron̄ un̄ūr nuknuk ko an, enaaj maron̄ mour. Eaar leļok pein n̄an Jisōs ke ej etetal turinļok. Ke ej jibwe wōt jidikin nuknuk eo An, nan̄inmej eo an eaar kajju jako.

Matu 9:20; Mark 5:27-29; Luk 8:44

Jisōs eaar kajju bōjrak an etetal. E eaar en̄jake an kajoor diwōjļo̧k jān E. ”wōn ear uññūr Eō?” E eaar kajjitōk. Rikaļoor ro An raar pok. Elōn̄ armej raar jibwe E—elōn̄ armej ipeļaakier. Jisōs eaar reito reitak im lale wōn eaar jibwe E.

Mark 5:30-32; Luk 8:45

Jisōs ej lo kōrā eo eaar jibwe nuknuk ko An. E eaar ba n̄an Jisōs kōn nan̄inmej eo an, im bwe Jisōs eaar kemouri. Jisōs eaar jiron̄ e bwe en aenōm̧m̧an. E eaar mour kōn tōmak eo an kōn ilo E. “kwōn ilọk im aenōṃṃan,” E eaar jiron̄ļok e.

Mark 5:33-34; Luk 8:47-48

Innām juon em̧m̧aan ej itok jān m̧weo im̧ōn Jairōs. Ej ba bwe em̧aat iien: leddik eo nejin Jairōs em̧ōj an jako. Jairōs ejjab aikuji Jisōs kiiō.

Mark 5:35

Ke Jisōs ej kajju ron̄ men eo, E eaar ba n̄an Jairōs, “Kwōn jab lōḷñọñ, kwōn tōmak wōt.” Innām Jisōs eaar etal ippān Jairōs n̄an m̧weo im̧ōn.

Mark 5:36-38

Jairōs im kōrā eo ippān raar tōl ļok Jisōs n̄an ijo leddik eo ej babu. Jisōs ej jibwe pein leddik eo im ba n̄an e, “kwōn jerkak.”

Mark 5:41

Innām leddik eo nejin Jairōs ej kajju jerkak jān peet eo an. E eaar mour jān mej! Jisōs eaar kajjitōk ippān Jairōs im kōrā eo pāleen bwe ren kōm̧m̧an kijen leddik eo. Raar lukkun bwilōn̄ kōn ta eo Jisōs eaar kōm̧m̧ane n̄an leddik eo nejier. E eaar ba ren jab ba n̄an ro jet kōn mennin bwilōn̄ in.

Mark 5:42-43