Enjeļ ro Rej Loļok Meri im Josep

Juon kōrā etan Meri eaar jokwe ilo juon bukwon ilo Nazeret. E eaar iakwe Anij im kōjparok kien ko An. Meri eaar tin m̧ōrāik juon em̧m̧aan etan Josep, eo im Anij eaar barāinwōt iakwe.

Matu 1:18–19; Luk 1:26–28

Juōn raan juōn enjeļ etan Gabriel eaar loļo̧k Meri. Lo jinoin, Meri eaar mijak. Ak Gabriel eaar ba bwe kar jilkintok jān Anij. Meri eaar jab aikuj in mijak. E eaar ba bwe Meri elukkun aorōk n̄an Anij im enaaj kiotak Ajri eo nejin Meri enaaj Nejin Anij, Jisōs.

Luk 1:26–33

Ako Meri eaar lukkuun pok. E ejjan̄in dedeļok an m̧areik Josep. Nej eļemen an wōr nejin ajri? Gabriel eaar kōmeļeļeiki ke enaaj kūrm̧ool jān kajoor An Anij. E eaar ba n̄an e, “Ippān Anij ejjeļo̧k men en epen.”

Luk 1:34–37

Meri eaar juon eo ettā būruōn im tiljek. E eaar jiron̄ Gabriel ke e ej rijerbal an Anij. E eaar m̧ōņōņō in erom̧ jinen Nejin Anij.

Luk 1:38

Ke Josep eaar jeļā ke Meri enaaj keotak e juon ajri, ebwe an kar inepata. E eaar ļōmņake eļan̄n̄e ej aikuj in m̧ōrāiki wōt Meri.

Matu 1:19

Ak juon bon̄ ilo juon ettōņak, Enjeļ eo eaar ļoļok josep. Enjeļ eo eaar ba n̄an Josep bwe ajri en ippān Meri ej Nejin Anij im Josep rej aikuj likit etan Jisōs. Jisōs enaaj lo̧mo̧o̧ren aolep armej jān jerawiwi ko aer. Enjeļ eo eaar ba n̄an Josep bwe en m̧areik Meri.

Matu 1:20–23

Josep eaar kōm̧m̧ane āinwōt an Enjeļ eo ba. Josep im Meri raar m̧are.

Matu 1:24

Mary eaar etal im loļo̧k eo rilikin Elisabet. Enjeļ eo eaar jiron̄ Meri bwe Elisabet eaar barāinwōt bōro̧ro, mekarta eaar lukkun rutto. Men in eaar bar juon mennin bwilōn̄ jān Anij. Ajri eo nejin enaaj rūttoļo̧k im erom̧ Jon riPeptaij. Ke Meri ej deļon̄eļok m̧weo, E eaar mejen meik Elisabet.

Luk 1:13–17, 36, 39–40

Ke Elisabet ej rōnjake Meri, Ajri eo lojeen Elisabet ej bwijbwij kōn lan̄lōn̄. Elisabet eaar obrak kōn Jetōb Kwojarjar. E eaar jeļā Meri ej ineeke Nejin Anij. Meri eaar lan̄lōn̄ ippān Elisabet. E eaar nebar Anij kōn men ko rem̧m̧an otemjej E ej kōm̧m̧ani n̄an kōjeraam̧m̧an ro Nejin.

Luk 1:41–55