Jisōs ej Naajdik Taujin Armej

E ej Bred in Mour

Jisōs ej ron̄ ke em̧ōj mane Jon Ri peptaij im em̧ōj an jako. E eaar etal n̄an juon jikin ettoļo̧k jān jikin ko bwe En maron̄ make ļo̧k iaan.

Matu 14:13

Jisōs ej kenono ippān juon kumi in armej

Ke rej ron̄ kōn ia eo Jisōs epād ie, raar ļoor E. Jisōs eaar lo er, im en̄jake iakwe n̄an er. E eaar joļo̧k juon raan likio bwe en kemour im kōjeraam̧m̧an er.

Matu 14:13-14

Jisōs ej kajjitōk ippān Rijilōk ro An bwe ren leļo̧k kijen armej ro.

Ke ej tin jem̧ļo̧k raan eo, armej ro raar jino kwole. Rijilōk ro raar ļōm̧nak bwe Jisōs en jilkinļok er n̄an jikin ko im kappok m̧ōn̄ā. Ak Jisōs eaar kōņaan bwe ren pād. E ej kajjitōk ippān Rijilōk ro An bwe ren leļo̧k kijen armej ro.

Matu 14:15-16

Andrew ej lo juon ļaddik ewōr jidik m̧ōttan m̧ōn̄ā ippān.

Rijilōk Andrew ej lo juon ļaddik ewōr ļalem pilawā ippān im ruo ek jiddik n̄an armej ro. Ak eaar wōr 5,000 em̧m̧aan, ekoba kōrā im ajri ro rej aikuj m̧ōn̄ā. Elmen aer naajdik elōn̄ armej kōn m̧ōn̄ā jidikdik in?

Matu 14:17-21; Jon 6:8-10

Jisōs ej jar im kōjeraam̧m̧an m̧ōn̄ā ko.

Jisōs eaar kajjitōk ippān Rijilōk ro An bwe ren bōktok m̧ōn̄ā ko n̄an E. E eaar jiron̄ armej ro bwe ren jijōt ioon wūjooj ko. Innām Jisōs eaar jar im kam̧m̧oolol Jemedwōj Ilan̄ kōn pilawā im ek ko im barāinwōt n̄an kōjeram̧m̧ani. Innām Jisōs eaar ruji pilawā im ek ko ilo elōn̄ m̧ōttan ko.

Matu 14:18-19; Jon 6:10-11

Rikaļoor ro raar leļo̧k mōn̄ā n̄an armej ro.

Jisōs eaar kajjitōk ippān Rijilōk ro An bwe ren leļok pilawā im ek n̄an armej ro. Aolep raar m̧ōn̄ā im mat. Ālkin aer m̧ōn̄ā, eaar wōr 12 iep in bwe in m̧ōn̄ā!

Matu 14:20; Jon 6:11-13

Armej ro rej rool ļok im kajjitōk n̄an bar leļo̧k.

Raan eo tok juon, armej ro rekar bar itok im lo Jisōs. Ak Jisōs ejōļā bwe elōn̄ iaer raar ļoor E kōnke eaar naajdik er. Jisōs eaar kakememej er ke m̧ōn̄ā an jidik wōt iien. Ewōr Ippān juon men em̧m̧anļo̧k n̄an an leļo̧k n̄an er.

Jon 6:14, 24-27

Jisōs eaar ba, “Ña bred in mour.” Pilawā ej letok n̄an kōj mour. Ak Jisōs Kraist emaron̄ letok n̄an kōj mour indeo ippān Jemedwōj Ilan̄.

Jon 6:35-58

Armej rej illu kōn ta eo Jisōs ej katakin.

Elōn̄ armej raar dike ta eo Jisōs eaar kajjion̄ katakin kake. Rej em̧m̧akit im kālet n̄an jab bar ļoore Jisōs.

Jon 6:60, 66

Pita ej jiron̄ļo̧k Jisōs bwe Rijilōk ro reban etal jān E.

Innām Jisōs e ba n̄an Rijilōk ro An, “Kom̧ barāinwōt kōņaan ilo̧k ke?” Pita eaar uwaak, “Irooj, kōm naaj ilo̧k n̄an wōn? Ippam̧ naan ko naan in mour indeeo.” Rijilōk ro raar jab etal. Raar jeļā bwe Jisōs Kraist ej Rilo̧mo̧o̧r eo im Nejin Anij.

Jon 6:67–69