Bwebwenato ko an Jeje ko Rekwojarjar
Mour kōn Tōmak ilo Jisōs Kraist—E ej “Ri tōl im Ri koweeppān tōmak eo ad”

Hibru 11–12

Mour kōn Tōmak ilo Jisōs Kraist

E ej “Ri tōl im Ri koweeppān tōmak eo ad”

Juon em̧m̧aan im juon leddik rej lale an armej ro kakkure pottery eo aer.

Ekar jab aolep iien pidodo n̄an erom juon rikaļoor an Jisōs Kraist ilo raan ko m̧okta an Kabun̄ in. Armej ro jet iien raar dike ro uwaan Kabun̄ eo ak kar kōm̧m̧an kōjak kōn er kōnke kōn tōmak ko aer. Paul ekar kōņaan jipan̄ er dāpij wōt tōmak eo aer ilo Jisōs Kraist.

Hibru 10:32–39

Em̧m̧aan eo im leddik eo rej jar, kōn Paul ilo tulik eo.

Paul ekar je juon leta n̄an Armej ro Rekwojarjar in Hibru ak RiJu ro. Ekar katakin bwe tōmak ej meļeļe in n̄an tōmak im kōjatdikdik kōn juon men, jekdo̧o̧n n̄e jejjab maron̄ loe. N̄an waanjon̄ok, n̄an tōmak ilo Jisōs Kraist ej meļeļe in lōke E im kallim̧ur ko An, jekdo̧o̧n eļan̄n̄e jejan̄in de bōk kōjeraam̧m̧an ko jej kōjatdikdik kaki.

Hibru 11:1,6

Leddik eo ej ettōn̄ ilo an em̧m̧aan eo riiti bwebwenato ko kōn armej ro me ekar wōr aer tōmak.

N̄an jipan̄ Armej ro Rekwojarjar in Hibru ro jelm̧ae apan̄ ko aer kōn tōmak, Paul ekar kakeememej er kōn bwebwenato ko kōn armej ro ilo jeje ko rekwojarjar me ekar ļap aer tōmak.

Hibru 11:4–40

Noa ej lale naan in kōmeļeļe ko kōn kilen jōk wa (ark) eo.

N̄an waanjon̄ok, Paul ekar ba kōn Noa. Anij ekar jiron̄ Noa n̄an jōk juon wa (ark) n̄an lo̧mo̧o̧ren baam̧le eo an jān juon ibwijleplep. Noa ekar wōr an tōmak n̄an pokake, m̧okta jān an kar lo an wōt.

Hibru 11:17

Ebream im Sara rej em̧m̧akūt jān m̧weo im̧wer.

Paul ekar ba kōn Ebream im Sara, ro ekar wōr aer tōmak n̄an em̧m̧akūt jān m̧weo im̧wer kōnke Anij ekar kallim̧ur n̄an tōl er n̄an juon jikin em̧m̧anļo̧k. Ekar barāinwōt wōr aer tōmak ilo kallim̧ur eo an Anij bwe enaaj kar wōr juon aer baam̧le elukkuun in kilep, jekdo̧o̧ņ n̄e raar rūtto im kar jan̄in kar wōr nejier ajri.

Hibru 11: 8–16

Jinen Moses im leddik eo jein rej ņooj e ilo juon iep.

Paul ekar ba kōn jinen Moses, Jochebed. Liin ekar wōr an tōmak n̄an ņooj Moses, ke ekar juon nin̄nin̄, n̄an kōjparok e jān kiin̄ nana eo.

Hibru 11:23

Moses ej lale an juon Riegypt nana an kōm̧m̧an n̄an juon RiIsrael.

Moses ekar rūttoļo̧k ilo Egypt. Emaron̄ in kar m̧weie im em̧m̧an kōjeien. Bōtaab ekar julo̧k aolep men ko bwe kōnke ekar wōr an tōmak ilo Anij im kōjeraam̧m̧an ko An.

Hibru 11:24–27

Moses ej kōjepeļļo̧k Lom̧aļo Ekilm̧ūr.

Kōnke kōn an tōmak, Moses ekar tōl armej ro doon Anij jān kōm̧akoko. Jon̄an raar etetal ilo Lom̧aļo Ekilm̧ūr ioon āne em̧ōrā!

Hibru 11:29

Reab ippān ajri ro nejin.

Paul ekar barāinwōt ba kōn Reab. Liin ekar wōr an tōmak n̄an jipan̄ armej ro doon Anij, jekdo̧o̧n n̄e ejjeļo̧k juon ilo jikin kweilo̧k (city) eo an raar tōmak ilo Irooj. Tōmak eo an ekar lo̧mo̧o̧ren baam̧le eo an.

Hibru 11:30–31

Em̧m̧aan eo im leddik eo rej kalimjōk pot eo raar bar kōm̧m̧ane.

Paul ekar ba bwe waanjon̄ok kein rellōn̄ kōn tōmak emaron̄ jipan̄ kōj wōr tōmak ilo Jisōs Kraist barāinwōt, jekdo̧o̧n̄ n̄e mour ej pen. Jemaron̄ ukweļo̧k jān jerawiwi ko ad im kappukot Jisōs, “Ri tōl im Ri koweeppān tōmak eo ad.” E ekar m̧ōņōņō in mej kōn kōj kōnke E ekar jeļā bwe Pinmuur eo An enaaj kar bōktok eļap lan̄lōn̄ im kemour!

Hibru 12:1–2