Jisōs ej katakin kōn Bwidej, Ine, Pilawā, im Bōōr ko—Jet bwebwenato repidodo n̄an jipan̄ kōj meļeļe men ko rem̧ool an jetōb.

Matu 13

Jisōs ej katakin kōn Bwidej, Ine, Pilawā, im Bōōr ko

Jet bwebwenato repidodo n̄an jipan̄ kōj meļeļe men ko rem̧ool an jetōb

Jisōs ej katakin jān juon wa ilo an armej ron̄jake.

Jisōs ekōn kōjerbal bwebwenato ko ņa etaer būrabōļ ko Ilo būrabōļ kein, Jisōs ej keidi men ko ekkā aer waļok ilo kajojo raan n̄an m̧ool ko raorōk kōn gospel in An. N̄an meļeļe būrabōļ kein, rikaloor ro An raar aikuj lukkun ron̄jake im ļōm̧nak kōn meļeļeir. Būrabōļ kein raar jipan̄ er ekkatak kōn aelōn̄ in kiin̄ eo an Anij.

Matu 13:3, 10-15

Jisōs ijjino kōn juon būrabōļ kōn juon em̧m̧aan eo eaar ekkat ine.

Ilo juon būrabōļ, juon em̧m̧aan eaar etal n̄an juon jikin kallib jet ine. E eaar kajeplōklōk ine ko ilo jikin kallib eo. Ijo ine ko rej bun̄utti reoktak jān doon.

Matu 13:3

Jet ine rej bun̄ut ijo e dik bwidej ie, ijo reban eddōk. Bao ko raar itok im kan̄i ine ko rej jok ijin.

Matu 13:4

Jet ine raar buñut ijo edekāke. Ine ko rej m̧ōkaj aer eddōk ako okran raar jab maron̄ eddōkļok kōn dekā ko. N̄e ej bwil, mennin eddōk eo ej mej.

Matu 13:5-6

Jet ine rej bun̄ut kālōklōk ko. kōn kālōklōk kein, ine ko raar jab maron̄ eddōk.

Matu 13:7

Jet ine rej bun̄ut bwidej eo em̧m̧an. Raar kajoorļok im ājmourur. Raar ruttoļok im bwijin le er.

Matu 13:8

Jisōs ej kōmeļeļe ke ine ko rej āinwōt naan an Anij.

N̄an jipan̄ rikaļoor ro An meļeļe, Jisōs eaar kōmeļeļe kōn ta meļeļein būrabōļ eo An. Ine ko rej āinwōt naan an Anij. Bwidej ko reoktak jān doon rej āinwōt būruōn armej im kōn wāween ko rej kōm̧m̧ani n̄an ron̄jake naan eo an Anij. Bwidej eo em̧m̧an ej āinwōt armej ro rej ron̄jake naan an Anij, im meļeļe kake, im pokake E.

Matu 13:18-23

N̄an katakin kōn wāween an aelōn̄ in kiin̄ eo an Anij naaj eddōkļok, Jisōs eaar kenono kōn juon ine in mōstad. Elukkun dik, ak ej eddōkļok im erom juon wōjke kileplep bao ko remaron̄ jokwe ie.

Matu 13:31-32

Jisōs ej barāinwōt ba bwe aelōn̄ in kiin̄ eo an Anij ej āinwōt juon yeast me juon kōrā ej kōjerbale n̄an kōm̧m̧an pilawā. Kwoj aikuj wōt jidik yeast n̄an kōm̧m̧an bwe en uwe pilawā eo.

Matu 13:33

Jisōs ej bwebwenato kōn juon būrabōļ in juon bōōr.

Jisōs eaar bwebwenato bar juon bwebwenato kōn juon em̧m̧aan eaar wiak bōōr ko. E eaar loe bwe juon iaer eaar lukkun aeboojoj im aorōk. E eaar wia kake aolep men bwe en maron̄ wiaik bōōr in. Jisōs ej kwaļok bwebwenato eo n̄an katakin bwe kōjeraam̧m̧an ko an gospel in, eļap aer lukkun aorōk jej aikuj kōm̧m̧an jabdewōt jemaron̄e n̄an boki.

Matu 13:45–46