Paul ej Keidi Ānbwinnid n̄an Tampeļ

Korint ekar juon jikin kweilo̧k eļap turin lo̧jet. Jikin kweilo̧k eo elōn̄ armej ro ie me raar jab kabun̄jar n̄an Anij. Paul ekar katakin armej ro ilo Korint kōn Jisōs. Elōn̄ armej rekar tōmak im kar peptaij.

Jerbal 18:8–11

Ālkin an Paul kar em̧m̧akūt, ekar ron̄ bwe ro uwaan Kabun̄ eo ekar wōr jet aer inepata. Elōn̄ armej ro ilo Korint raar jab ļoor kien ko an Anij kōn wāween kōm̧m̧an ak kōjerbal ānbwin ko ad.

1 Korint 6:13–18

Paul ekar je juon leta n̄an er. Ekar ba bwe ānbwin ko ad rej āinwōt tampeļ an Anij. Jej kōm̧m̧an n̄an tampeļ eo ilo kautiej kōnke ej im̧ōn Anij. Jej aikuj barāinwōt kōm̧m̧an n̄an ānbwin ko ad kōn kautiej kōnke rej juon menin letok jān Anij.

1 Korint 6:19–20

Jemādwōj Ilan̄ ekōņaan bwe jen kāālet n̄an kōm̧m̧ani men ko rem̧m̧an n̄an ānbwinnid. N̄e jej, Jetōb Kwojarjar eo emaron̄ pād ippād.

1 Korint 6:19

Paul ekar ba bwe Jisōs Kraist ekar kōļļāik juon wōņāān n̄an kōj kōn en̄taan eo An. Jej kwaļo̧k ad iakwe n̄an Jisōs ilo ad kōm̧m̧ani kāālet ko rem̧m̧an n̄an ānbwinnid im kōjparok kien ko An. Jej kwaļo̧k n̄an Anij bwe jej kam̧m̧oolol kōn menin letok em̧m̧anm̧ōn in an ānbwin ko ad n̄an kōm̧m̧an em̧m̧an n̄an er āinwōt juon tampeļ.

1 Korint 6:20