Bwebwenato ko an Jeje ko Rekwojarjar
Jisōs Ej Kajjitōk Ippān Rijilōk ro n̄an Naajdik An Sip—Kwaļo̧k iakwe n̄an Jisōs n̄an katakin ro jet kōn E.

Jon 21; Matu 28:16–20; Mark 16:15–19

Jisōs Ej Kajjitōk ippān Rijilōk ro n̄an Naajdik An Sip

Kwaļo̧k iakwe n̄an Jisōs n̄an katakin ro jet kōn E

Piter im Rijilōk ro jet rej ilo̧k im eo̧n̄od.

Ālkin an Jisōs kar jerkakpeje, Piter im jet iaan Rijilōk ro raar ilo̧k im eo̧n̄od. Men̄e raar eo̧n̄od aolepen bon̄on eo, ekar ejeļo̧k kwoņaer.

Jon 21:1–3

Jisōs ej kajjitōk ippān Rijilōk ro n̄e eaar wōr kwoņaer ek.

Jibbon̄on eo juon, Rijilōk ro raar lo Jisōs ioon parijet, ak raar jab jeļa ke E eo. Eaar kajjitōk n̄e eaar wōr kwoņaer ek. Raar ba ejjeļo̧k.

Jon 21:4–5

Rijilōk ro raar kajjieon̄ in lelōn̄tak o̧k eobrak kōn ek n̄an wa eo.

Jisōs ekar ba n̄an Rijilōk ro bwe ren leļo̧k o̧k eo n̄an tuanbwij maron̄ ilo wa eo im remaron̄ eo̧n̄ode elōn̄ ek. Rijilōk ro raar kōm̧m̧ane ta eo Jisōs ekar ba, innām eļapļo̧k jān bukwi ek ekar kobrak o̧k eo! O̧k eo ekar lukkuun in eddo kōn ek bwe epen an Rijilōk ro kotak lōn̄tak bwe eobrak.

Jon 21:6

Piter ekar aaō āne ļo̧k n̄an ippān Jisōs.

Innām Jon ekar kile wōn em̧m̧aan eo. Ekar ba n̄an Piter, “Irooj en.” Piter eaar keļak im aaō āne ļo̧k n̄an ippān Jisōs. Rijilōk ro jet raar bōktok wa eo im ek ko n̄an āne. Jisōs ekar kōm̧at jet pilawā im ek, im Eaar kajjitōk ippān Rijilōk ro n̄an m̧ōn̄a Ippān.

Jon 21:7–13

Jisōs ej ba n̄an Piter n̄an naajdik lamb ko An.

Ālkin aer m̧ōn̄a, Jisōs ekar kajjitōk ippān Piter, "Kwōj yokwe Eō ke eļap jān rein ke?" Piter ekar ba aaet. Innām Jisōs ekar ba: “Kwōn naajdik sip ko aō..”

Jon 21:15

Piter ej jiron̄ļok Jisōs bwe e ej iakwe E.

Innām Jisōs eaar bar kajjitōk ippān Piter eļan̄n̄e ej iakwe E. Piter eaar bar uwaak, aaet. Jisōs ekar ba n̄an e, “Naajdik aō sip.”

Jon 21:16

Jisōs ej katakin Piter n̄an kōjparok armej ro me renaaj ļoor E.

Jisōs eaar kajjitōk ippān Pieter jilu alen eļan̄n̄e ej iakwe E. Piter ekar ba, “Aaet, Irooj kwōjeļā men otemjej; kwōjeļā bwe ij yokwe eok." Jisōs ekar bar ba n̄an e, “Naajdik aō sip.” Ekar kōnaan bwe Piter en kōjparok armej ro renaaj ļoor Jisōs.

Jon 21:17

Jisōs ekar ba n̄an Rijilōk ro n̄ān kwaļo̧k gospel eo.

Tokālik, Jisōs ekar kajjitōk ippān Rijilōk ro An n̄an iioon E ilo to̧l eo. Ijo Ekar jiron̄ er n̄an kwaļo̧k gospel eo An n̄an aolepen laļin, katakin armej ro kien ko An, peptaji aolep ro renaaj tōmak. “Koṃ naaj aō ri kōnnaan,” Eaar ba. Eaar kallim̧ur Enaaj pād ippāer im leļo̧k n̄an er kajoor eo an Jetōb Kwojarjar.

Matu 28:16–20; Mark 16:15–19; Jerbal 1:8

Jisōs ej wanlōn̄ļo̧k n̄an lan̄.

Innām Jisōs eaar wanlōn̄ļo̧k ilo kōdo̧ ko. Eaar jepļaakļo̧k n̄an ippān Jemān ilo Lan̄. Ke Rijilōk ro raar lale An ilo̧k, ruo enjeļ raar waļo̧ktok. Raar ba bwe ilo wāween in an Jisōs weaklōn̄ļo̧k n̄an lan̄, E enaaj bar wāween rot in an jepļaaktok juon raan.

Jerbal 1:9–11