Būrabōļ eo kōn Rijerbal ro ilo Jikin Kallib eo

Juon Ennaan kōn kōjatdikdik

Jisōs ej ba kōn juon būrabōļ kōn juon em̧m̧aan eo ej kōjerbal jet rijerbal ro n̄an jipan̄ e.

Jisōs ekar jiron̄ rikaļoor ro An juon būrabōļ ak bwebwenato n̄an jipan̄ er meļeļe ta eo aelōn̄ in kiin̄ in lan̄ ej āinwōt. Ilo būrabōļ eo, juon em̧m̧aan ekar aikuj armej ro n̄an jerbal ilo jikin kallib eo an. Kōn menin, jibbon̄ tata ilo juon raan, ekar lo jet rijerbal ro me raar errā n̄an jerbal aolepān raan eo kōn juon jāān dekā. Raar jino jerbal.

Matu 20:1–2

Em̧maan eo ej kōjerbal elōn̄ļo̧k rijerbal ro.

Jilu awa ko tokālik, em̧m̧aan eo ekar kōjerbal elōn̄ļo̧k rijerbal ro. Ekar kajjitōk ippāer n̄an jerbal ilo jikin kallib eo an aolepān raan eo. Ekar kallim̧ur n̄an kōļļāik er em̧m̧an.

Matu 20:3–4

Em̧m̧aan eo ej kōjerbal em̧ool eļōn̄ļo̧k rijerbal ro.

Jilu awa ko ālkin menin, em̧maan eo ekar lo em̧ool elōn̄ļo̧k armej ro raar aikuj jerbal. Ekar kajjitōk ippāer n̄an jerbal ilo jikin kallib eo an barāinwōt.

Matu 20:5

Em̧m̧aan eo ej lo elōn̄ļo̧k armej ro im kōjerbal er n̄an jipan̄ e.

Āliktata, epaakeļo̧k jem̧ļo̧k in raan eo, em̧m̧aan eo ekar lo elōn̄ armej ro me ejjeļo̧k men n̄an aer kōm̧m̧ane. Raar ba ejjeļo̧k juon ekar letok n̄an kōm jabdewōt jerbal aolepān raan eo. Em̧m̧aan eo ekar ba rej aikuj kar jerbal awa eo āliktata an raan eo ilo jikin kallib eo an.

Matu 20:6–7

Em̧m̧aan eo ej kōļļāik rijerbal ro, im jet raar inepata.

Ilo jem̧ļo̧k in raan in jerbal eo, em̧m̧aan eo ekar kōļļāik rijerbal ro. Ekar leļo̧k juon jāān dekā n̄an armej ro raar jerbal juon awa. Ekar barāinwōt leļo̧k juon jāān dekā n̄an kajjojo rijerbal ro jet. Armej ro me raar jerbal aolepān raan eo raar jino aer illu. Raar ļōmņak rej aikuj in bōk eļapļo̧k jāān jān aolep ro jet.

Matu 20:8–12

Em̧m̧aan eo ekar kakeememej rijerbal ro bwe raar errā n̄an jerbal aolepān raan eo kōn juon jāān dekā. Ekar ba rej aikuj kar jab inepata eļan̄n̄e ekar kāālet n̄an jouj n̄an ro jet me raar jerbal ilo jikin kallib eo an.

Matu 20:13–16