Bwebwenato ko an Jeje ko Rekwojarjar
Jisōs ej Kōmour juōn Em̧m̧aan Epilo—Juon Kōmour eo me ej waļo̧k ium̧win juon tōre

Mark 8:22–25

Jisōs ej Kōmour juōn Em̧m̧aan Epilo

Juon Kōmour eo me ej waļo̧k ium̧win juon tōre

Armej ro rej bōktok juon em̧m̧aan epilo n̄an kōmouri jān Jisōs.

Ilo juon jikin kar ņa etan Betseida, armej ro raar bōktok juon em̧m̧aan epilo n̄an Jisōs. Raar kōņaan bwe Jisōs en kōjeraam̧m̧an ļein bwe en maron̄ loļo̧kjeņ.

Mark 8:22

Jisōs ej kōjeraam̧m̧an em̧m̧aan eo.

Jisōs ekar jibwe pein em̧m̧aan eo im kar tōlļo̧k e jān jikin eo. Innām Jisōs ej likūt Pein ioon em̧m̧aan eo im kar kōjeraam̧m̧an e.

Mark 8:23

Em̧m̧aan eo emaron̄ kiiō loļo̧kjeņ, bōtaab ejjab lukkuun em̧m̧an.

Jisōs ekar kajjitōk ippān em̧m̧aan eo eļan̄n̄e emaron̄ lo jabdewōt. Em̧m̧aan eo ekar reilōn̄ļo̧k. Ļein ekar ba emaron̄ kar lo jidik wōt, bōtaab ejjab kanooj lukkuun alikkar. Ļein ekar ba bwe armej raar ānwōt wōjke ko rej etetal.

Mark 8:23–24

Em̧m̧aan eo emaron̄ kiiō alikkar an loļo̧kjeņ.

Jisōs ekar bar kōjeraam̧m̧an em̧m̧aan in. Ilo iien in, ke ļein ekar reilōn̄ļo̧k, aolep men raar alikkar. Jisōs ekar kōmour e!

Mark 8:25