Matu 21:1–16
Jisōs ej Iuweļo̧k n̄an Jerusalem
Armej ro rej karuwineneik Rilo̧mo̧o̧r eo aer
Enan̄in kar iien eo n̄an Kwojkwoj in Kijone eo, juon iien m̧ōn̄ā aorōk n̄an Riju ro. Elōn̄ armej ro raar ilo̧k n̄an Jerusalem n̄an Kwokwoj in Kijone eo. Jisōs im rikaļoor ro An raar ilo̧k barāinwōt. Ke armej ro raar ron̄ bwe Jisōs ekar etal, raar ilo̧k n̄an iioon E.
Matu 21:1; Jon 12:12–13
Ke Jisōs im rikaļoor ro An raar epaakeļo̧k Jerusalem, E ekar kajjitōk ippāer n̄an bōktok juon tan̄ki n̄an E. Elōn̄ iiō ko m̧oktaļo̧k, juon rikanaan ekar ba bwe Rilo̧mo̧o̧r eo enaaj kar itok ilo an ettā, iuwe ioon juon tan̄ki edik.
Matu 21:1–7; lale bar Zekaraia 9:9
Jisōs ekar deļo̧n̄ļo̧k jikin kweilo̧k eo iuwe ion juon tan̄ki. Armej ro raar lukkuun m̧ōņōņō n̄an lo E. Raar karuwaineneik E āinwōt juon kiin̄. Raar door raan wōjke palm ko im nuknuk ko ioon laļ n̄an an tan̄ki eo etetal ioon. Raar kam̧m̧oolol Anij im kar lam̧ōj, “Hosana, E m̧ōņōņō Eo ej itok ilo etan Irooj.”
Matu 21:8–9; Luk 19:36–38; Jon12:13
Elōn̄ armej ro ilo Jerusalem raar ļōmņak ta eo ekar waļo̧k. “Wōn in?” raar kajjitōk. Jet raar uwaak bwe ekar Jisōs RiNazeret.
Matu 21:10–11
Eo tok juon, Jisōs ekar ilo̧k n̄an tampeļ eo. Jet armej ijo raar jānij jāān im wia kake mennin mour ko n̄an kein katok. Jisōs ekar jeļā raar jab m̧o̧ol.
Matu 21:12
Jisōs ekar jab kōņaan bwe ren kōm̧m̧an jāān jān armej ro me raar kōņaan kabun̄-jar ilo tampeļ eo. E ekar kōm̧m̧an bwe ren ilo̧k jān tampeļ eo im kar ukōj tebōļ ko aer. E ekar ba, “Naaj likūt etan m̧weo im̧ō im̧ōn jar; ak kom̧ij kōm̧m̧an ro̧n̄ an ro rikowadon̄.”
Matu 21:12–13; lale bar Aiseia 56:7; Jeremaia 7:11
Armej ro me raar pilo ak ro me raar jab maron̄ etetal kar itok n̄an Jisōs ilo tampeļ eo, im E ekar kōmour er. Ajri ro raar ekkelo̧k “Hosana,” nebar Jisōs im ba bwe E ekar Rilo̧mo̧o̧r eo.
Matu 21:14–15
Jet iaan pris ro im scribe ro raar inepata ke raar lo ta eo Jisōs ekar kōm̧m̧an im kar ron̄ ta eo ajri ro raar ba. Jisōs ekar kakeememej er kōn juon eoon ilo jeje ko rekwojarjar me ej ba Anij enaaj kar kōm̧m̧an bwe nebar weppāān en itok jān lo̧n̄iin ajri ro.
Matu 21:15–16; lale bar Sam 8:2