Bwebwenato ko an Jeje ko Rekwojarjar
Jisōs Ej Kōmour Jon̄oul Em̧m̧aan Ro Me Ewōr Aer Lōba—Aorōk eo in kam̧m̧oolol

Luk 17:11–19

Jisōs Ej Kōmour Jon̄oul Em̧m̧aan Ro Me Ewōr Aer Lōba

Aorōk eo an kam̧m̧oolol

Jisōs ej lo juon kumi in em̧m̧aan ro me renan̄inmej.

Ke Jisōs ej ito itak, E ekar deļo̧n̄ļo̧k ilo juon bukwōn im kar lo jon̄oul em̧m̧aan ro me ekar wōr juon aer nan̄inmej elukkuun nana kar ņa etan lōba. Armej ro ewōr aer lōba raar aikuj in pād ettoļo̧k jān jabdewōt, jekdo̧o̧n baam̧le ko aer, bwe ren jab kōm̧m̧an bwe armej ro jet ren nan̄inmej.

Luk 17:11–12

Em̧m̧aan ro rej kajjitōk ippān Jisōs n̄an kōmour er.

Em̧m̧aan ro raar ikkūrļo̧k n̄an Jisōs im kar kajjitōk Ippān n̄an kōmour er. Jisōs ekar jiron̄ er n̄an etal n̄an pris ro ilo town eo. Pris ro wōt remaron̄ jokāālet eļan̄n̄e remaron̄ pād ippān armej ro jet bar juon alen.

Luk 17:13–14; lale bar Livitikōs 14:2–3

Em̧m̧aan ro raar mour.

Ke em̧m̧aan ro renan̄inmej raar etetalļo̧k n̄an loļo̧k pris ro, juon kabwilōn̄lōn̄ ekar waļo̧k. Nan̄inmej eo aer ekar jako. Raar mour!

Luk 17:14

Juon iaan em̧m̧aan ro ej kam̧m̧oolol Anij kōn an mour.

Ke juon iaan em̧m̧aan ro ekar lo bwe ekar mour, ekar bar ro̧o̧lļo̧k im kar kam̧m̧oolol Anij kōn juon ainikien eļļaaj. E ekar juon Risamaria.

Luk 17:15–16

Jisōs ej kōnono ippān em̧m̧aan eo kōn tōmak.

Em̧m̧aan ej wōtļok ilo neen Jisōs n̄an kam̧m̧oolol E kōn ta eo E ekar kōm̧m̧ane. Jisōs ekar kajjitōk ewi em̧m̧aan ro jet ruwatimjuon me raar mour. Juon wōt em̧m̧aan ekar bar ro̧o̧ltok n̄an kam̧m̧oolol E! Innām Jisōs ekar jiron̄ em̧m̧aan eo “Kwōn jerkak im ilo̧k: am̧ tōmak ear lo̧mo̧o̧rōm̧.”

Luk 17:16–19