Būrabōļ eo kōn RiSamaria eo Em̧m̧an

Iakwe ro rūturid āinwōt ad iakwe kōj make

Juon em̧m̧aan ej kajjitōk ippān Jisōs juon kajjitōk.

Juon rikien ekar kajjitōk ippān Jisōs ekōjkan n̄an bōk mour indeeo. Jisōs ekar kajjitōk ippān ta eo kar je ilo jeje ko rekwojarjar. Rikien eo ekar uwaak bwe jeje ko rekwojarjar rej ba iakwe Anij im iakwe ro rūturid. Jisōs eaar ba ekar jim̧we. Innām rikien eo ekar kajjitōk, “Wōn eo ej ri turū?” Jisōs ekar uwaak kōn ba juon būrabōļ ak bwebwenato.

Luk 10:25–29

Juon em̧m̧aan riJu ekar jorrāān jān riko̧o̧t ro,

Ilo būrabōļ eo, juon em̧m̧aan eo me ekar Riju ekar ilo̧k ilo iaļ eo ļo̧k jān Jerusalem n̄an Jeriko. Ejjab to, jet riko̧o̧t raar itok. Raar ko̧o̧te nuknuk ko an, kanooj kakkure, im doore e ijo.

Luk 10:30

Juon pris ej kowaan em̧m̧aan eo ejorrāān.

Ejjab to, juon pris ekar itok ilo iaļ eo. Juon pris ekar juon armej eo me ekar jerbal ilo tampeļ. Ekar lo em̧m̧aan eo ilo iaļ eo bōtaab kar eļļāļo̧k jāne ilo iturejet eo juon.

Luk 10:31

Juon Rilivai ej kowaan em̧m̧aan eo ekar jorrāān.

Eo tok juon bar juon em̧m̧aan eo ekar barāinwōt jerbal ilo tampeļ, kar ņa etan Rilivai. Ekar lo em̧m̧aan eo me ekar metak, bōtaab ekar eļļāļo̧k jāne ilo iturejet eo juon in iaļ eo barāinwōt.

Luk 10:32

Juon Risamaria ej kile em̧m̧aan in Riju eo.

Innām juon Risamaria ej etal laļļo̧k turin. Ekar lo bwe em̧m̧aan eo ilo iaļ eo ekar lukkuun metak. Risamaria ro im Riju ro ekkā aer jab kōn ippān doon. Bōtaab Risamaria eo ekar kōņaan jipan̄ em̧m̧aan eo jekdo̧o̧n ta.

Luk 10:33

Risamaria eo ej kōjparok em̧m̧aan in Riju eo.

Risamaria eo ekar kōjparok em̧m̧aan eo jān an likūt oil im wain ilo kijen ko an em̧m̧aan eo. Ej likūt em̧m̧aan eo ioon tan̄ki eo waan.

Luk 10:34

Risamaria eo ej bōk em̧m̧an in Riju eo n̄an juon im̧ōn ruwaimejet.

Innām Risamaria ekar bōktok em̧m̧aan eo n̄an juon im̧ōn ruwaimejet, ijo emaron̄ kar kakkije im kāājemoururļo̧k. M̧okta jān an Risamaria eo ilo̧k raan eo tok juon, ekar leļo̧k n̄an rilale m̧ōn ruwaimejet eo im ba, “Kwōn lale e.” Risamaria eo ekar ba enaaj bar ro̧o̧ltok jejjo raan ko kōn elōn̄ļo̧k jāān.

Luk 10:34–35

Jisōs ej jiron̄ rikien eo n̄an āinwōt Risamaria eo.

Ilo jemļo̧k in bwebwenatoeo, Jisōs ekar kajjitōk ippān rikien eo juon kajjitōk. Wōn eo ekar rūturin em̧m̧aan eo ekar metak? Pris eo, Rilivai eo, ak Risamaria eo? Rikien eo ekar ba ekar eo ekar kwaļo̧k iakwe n̄an em̧m̧aan eo—Risamaria eo. Jisōs ekar jiron̄ rikien eo n̄an ilo̧k im āinwōt Risamaria eo.

Luk 10:36–37