Jisōs ej Kaenōm̧m̧an Ruo Rijilōk

Ilo raan eo Jisōs ekar jerkakepej, ruo rijilōk raar etetal ippān doon jān Jerusalem n̄an juon bukwon ņa etan Emmeōs. Raar ro rikaļooraņ Jisōs, im raar būrom̧ōj. Raar kōnono n̄an doon kōn mej eo an Jisōs im men ko jet raar waļok ilo jejjo̧ raan remootļo̧k.

Luk 24:13–14

Ke rej etetal, Jisōs eaar itok im etetal ippāer, ak raar jab jeļa ke Jisōs eo. Eaar kajjitōk ippāer ta eo rej kennaan kake im etke rej būrom̧ōj.

Luk 24:15–17

Raar bwilōn̄ Eaar jab jeļa ta eo ekar waļo̧k. Raar ba n̄an e kōn Jisōs. Raar ļōmņak En kar aer Rilo̧mo̧o̧r, ak em̧ōj An mej.

Luk 24:18–21

Raar bar ba bwe jet kōrā raar deļo̧n̄e ļōb eo An, ak ejako Ānbwinin. Enjeļ ro raar jiron̄ļo̧k kōrā ro ke Jisōs emour.

Luk 24:21–24

Innām Jisōs eaar katakin er ta ko jeje ko rej ba kōn Rilo̧mo̧o̧r. Eaar ba bwe rikanaan ro raar kwalo̧k bwe Rilo̧mo̧or enaaj mej im bar jerkakepej.

Luk 24:25–27

Ke rej etal n̄an Emmeōs, ekar bon̄. Rijilōk ro ruo raar karuwaineneik Jisōs bwe en pād ippāer. Jisōs ekar jijet im m̧ōn̄a ippāer. Eaar bōk pilawā, kar kōjeram̧m̧ane, im leļo̧k n̄an rijilōk ro. Ilo iien eo, raar jeļa ke ekar Jisōs eo. Āliktata Eaar jakoļo̧k.

Luk 24:29–31

Rijilōk ro ruo raar kōnono kōn māāṇāṇ eo raar en̄jake ilo būruweer ke Jisōs ej katakin er jān jeje ko rekwojarjar. Raar m̧ōkaj in ro̧o̧lo̧k n̄an Jerusalem n̄an jiron̄ļok rijilōk ro jet ke raar lo Jisōs.

Luk 24:32–35