Ļaddik eo Jisōs

Jisōs eaar dik im ruttoļok ilo juon jikin etan Nazeret ippān Meri im Josep. Etak in iien, Ej ekkatak eļapļok kōn Jemedwōj Ilan̄. E eaar kepopo n̄an jerbal eo Jemedwōj Ilan̄ eaar kōņaan bwe E en kōm̧m̧ane.

Luk 2: 39-40; Katak im Bujen ko 93:12-14

Ke eaar jen̄oul ruo an Jisōs iiō, E eaar etal n̄an Jerusalem ippān baam̧le eo an im ro m̧ōttan n̄an kemem e kwōjkwōj eo. Er raar pād ijo iumin jet raan.

Luk 2:41–43

Ilo aer kar jepļaak n̄an m̧weo, Meri im Josep raar mejeke ke Jisōs ekar jako ippāer. Rekar ro̧o̧l ekkairir n̄an Jerusalem n̄an kappukot E. Rekar lukkuun inepata.

Luk 2:44–46

Ālikin aer pukote ium̧win jilu raan, Meri im Josep raar loe. E eaar pād ilo tampeļ eo, ej kenono ippān jet rikaki kōn jeje ko. Rūkaki ro raar kajjitōkļo̧k n̄an E kajjitōk ko. Raar lukkuun bwilōn̄ kōn jon̄an an Jisōs jeļā im meļeļe!

Luk 2:46-47; barāinwōt lale ukook eo an Josep Smith ilo kakememej eo 46c

Meri eaar ba n̄an Jisōs kōn eo jon̄an aer inepata ke rekar jab maron̄ lo E. Jisōs eaar uwaak bwe E ej kōm̧m̧ane jerbal eo an Jemen Ilan̄. Jisōs eaar rool ippān baam̧le ao An n̄an Nazeret. E eaar pokake Meri im Josep.

Luk 2:48–52

Jisōs eaar wōnm̧aanļok wōt im ekkatak. E eaar ruttoļok im kajoorļok. Jemedwōj Ilan̄ eaar iakwe E im jipan̄ E kapopo n̄an mijen eo An. Jisōs eaar iakwe armej ro ipeļaakin, im raar barāinwōt iakwe E.

Luk 2:52