Luk 24:1–12, 36–49; Jon 20
Em̧ōj an Jerkakpeje
Jisōs Kraist ekar anjo̧ ioon mej n̄an aolep
Rijilōk ro an Jisōs rej likūt Ānbwinin ilo ļōb eo. Raar kōņaan kōm̧m̧an eļapļo̧k n̄an kōjparok Ānbwinin, bwe epaak raan in Jabōt. Raar pepe n̄an ro̧o̧ltok ālkin raan in Jabōt n̄an kadedeļo̧k.
Luk 23:52–56
Jibbon̄tata in raan eo kein kajilu ālkin mej eo an Jisōs, Meri Magdalini im ro jet raar ilo̧k n̄an ļōb eo.
Luk 24:1; Jon 20:1
Ke raar tōparļo̧k, raar lo bwe mejen ļōb eo eaar peļļo̧k. Raar deļōn̄ lowaan ļōb eo, ak ejako ānbwinin Jisōs ijo.
Luk 24:2–3; Jon 20:1
Meri eaar ettōrļo̧k im ba n̄an Piter im Jon bwe em̧ōj an juon bōk ānbwinin Jisōs. Piter im Jon raar ettōrļo̧k n̄an ļōb eo.
Jon 20:2–4
Ke rej tōparļo̧k ļōb eo, Piter im Jon raar deļōn̄ ilowaan. Raar lo bwe ejako ānbwinin Jisōs. M̧ōttan nuknuk eo me raar korake Ippān eaar pād wōt ijo.
Jon 20:5–7
Piter im Jon raar ro̧o̧lļok, ak Meri eaar pād wōt iturin ļōb eo, im jan̄. Eaar kalimjōk ļōb eo im kar lo ruo enjeļ. Raar kajjitōk ippan etke ej jan̄. Eaar ba em̧ōj an juon bōk ānbwinin Jisōs, im ejjab jeļa epād ia.
Jon 20:11–13
Innām Jisōs eaar itok, ak Meri ekar jab jeļa ke E eo. Jisōs ekar kajjitōk ippān, “Kōrā, etke kwoj jan̄?” Mary ekar ļōmņak E ekar juon rikallib. Eaar kajjitōk ippān n̄e ejeļā ewi ānbwinin Jisōs.
Jon 20:14–15
Jisōs eaar ba, "Meri." Eaar oktaļo̧k. Kiiō ekar jeļā bwe Jisōs eo! Ekar ba n̄an E, “M̧aajta.” Jisōs ekar kajjtōk ippān n̄an jiron̄ļo̧k rijilōk ro jet bwe E ej aikuj etal n̄an Jemān ilo Lan̄. Meri eaar lo rijilōk ro jet im kar jiron̄ er ke eaar lo Jisōs im bwe E ebar mour!
Jon 20:16–18
Joteen eo elōn̄ iaan Rijilōk ro raar ippān doon. Raar kiil aolep kōjem, mijak n̄e ritōl ro an riJu ro remaron̄ kajjieon̄ pukot er. Ālkin, raar lo an Jisōs jutak ilubwiljier. Jinoin raar mijak. Raar ļōmņak E ekar juon jetōb. Jisōs eaar ba, "Aenōm̧m̧an n̄an kom̧."
Luk 24:33–38; Jon 20:19
Jisōs eaar kūr Rijilōk ro n̄an jibwe Pein im neen. Eaar kōņaan bwe ren jeļa bwe E ewōr ānwbinin, ejjab juon jetōb. Em̧ool Eaar m̧ōn̄ā ippāer im m̧ōņōņō ippāer. Rijilōk ro raar lukkuun m̧ōņōņō in lo E!
Luk 24:39–44; Jon 20:20
Innām Jisōs eaar jipan̄ Rijilōk ro An meļeļe kōn jeje ko rekwojarjar me ekar kwaļo̧k kōn mej im Jerkakpeje eo An. Eaar kōņaan bwe ren katakin aolep bwe kōn wōt E, remaron̄ ukweļo̧k im bōk jeo̧rļo̧k bōd. Rijilōk ro raar rikam̧ool ro An.
Luk 24:44–48
Rijilōk Thomas ekar jab pād ilo ke Jisōs ekar itok. Eaar ba ejjab tōmak bwe Jisōs emour m̧ae iien enaaj lo jenkwan dila ko ilo Pein.
Jon 20:24–25
Ralitōk raan tok ālik, rijilōk ro raar bar kuk ippān doon. Jisōs eaar bar waļo̧k. IIen in Thomas ekar pād ijo.
Jon 20:26
Jisōs eaar kūrtok Thomas n̄an jibwe kinej ko ilo Pein im katin. Eaar ba n̄an Thomas, “Kwōn jab pere, a tōmak.” Thomas eaar ba, "Aō Irooj im aō Anij." Kiiō Thomas eaar tōmak bwe Jisōs ekar jerkakpeje. Jisōs eaar ba bwe armej ro rejeraam̧m̧an n̄e rej tōmak, men̄e raar jab lo E.
Jon 20:27–29