Ilo Bōro Kuk an Tōmak

Rijilōk ro an Jisōs raar kwaļo̧k gospel eo An ilo elōn̄ laļ ko. Armej ro me raar tōmak gospel eo raar peptaij. Rijilōk Paul ekar kōņaan bwe aolep ren en̄jake ruwainene ilo Kabun̄ eo an Rilo̧mo̧o̧r eo, jekdo̧o̧n eļan̄n̄e raar jān jikin ko rooktak jān doon.

Matu 28:19–20; Epesōs 2:19

Paul ekar je juon leta n̄an Armej ro Rekwojarjar ilo Epesōs. Paul ekar ba bwe ke Jisōs ekar mej kōn kōj, ekar āinwōt E ekar rupe juon wall me ekar kōjepel ajri ro nejin Anij. Jekdo̧o̧n ta ia eo raar itok jān e, ejako aer kar ruwaimejet. Remaron̄ bōk gospel eo im erom m̧ōttan “nukun Anij,” āinwōt juon baam̧le kileplep.

Epesōs 2:11–19

Paul ekar ba bwe Kabun̄ eo ej āinwōt juon em̧ epen. M̧ōko rej aikuji juon pedped ekijin̄en̄e. Dekā eo aorōk tata ilo juon pedped ej lukkuun dekā in jabōn em̧ eo. Aolep dekā ko jet rej ekkarļo̧k n̄an dekā in jabōn em̧ eo. Jisōs Kraist ej lukkuun dekā in jabōn em̧ eo an Kabun̄ eo An.

Epesōs 2:20

Aolepān pedped eo an Kabun̄ eo ej rikanaan ro im rijilōk ro, ro rej kwaļo̧k naan in kam̧ool kōn Jisōs Kraist. Irooj ej barāinwōt kūr kōj aolep n̄an jipan̄ kalōk Kabun̄ eo An—kōn katakin, kōn jerbal in karejar, kōn kwaļo̧k gospel eo, im ilo elōn̄ bar wāween ko jet.

Epesōs 2:20; 4:11–12

Kabun̄ in ej aikuji, Paul ekar ba, n̄an jipan̄ aolep armej jeļā kōn Jisōs Kraist. Kabun̄ eo an Jisōs Kraist ej pād ioon laļ in rainin, kōn juon pedped edim an Jisōs Kraist im rikanaan ro im rijilōk ro An. Kōn Kabun̄ eo An, jemaron̄ eddōkļo̧k “ilo bōro kuk in tōmak” im eromļo̧k āinwōt Jisōs.

Epesōs 2:21–22; 4:13