Bwebwenato ko an Jeje ko Rekwojarjar
Marta im Meri—Kaālet ta eo aorōk tata

Luk 10:38–42

Marta im Meri

Kaālet ta eo aorōk tata

Marta ej karuwaineneiktok Jisōs im rikaļoor ro An.

Marta ekar jokwe ilo juon bukwōn kar ņa etan Bethany. Ke Jisōs im rikaļoor ro An raar itok n̄an Bethany, Marta ekar karuwaineneik er ļo̧k n̄an m̧weo im̧ōn.

Luk 10:38

Marta ej jerbal n̄an riloļo̧k ro an.

Ke Jisōs ekar katakin, Marta ekar lukkuun poub jerbal n̄an riloļo̧k ko an. Sister eo an, Meri, ekar jijet epaakeļo̧k Jisōs im kar ron̄jake naan ko An.

Luk 10:39–40

Marta ej kōnono n̄an Jisōs.

Marta ekar jab m̧ōņōņō bwe liin ekar kōm̧m̧ane aolep jerbal ko make. Liin ekar ļōmņak Meri ej aikuj jipan̄ ijeļļo̧kin ron̄jake Jisōs. Marta ekar kajjitōk ippān Jisōs n̄an jiron̄ Meri n̄an jipan̄ e.

Luk 10:40

Jisōs ej uwaake Marta.

Jisōs emaron̄ kar lo ewi jon̄an an Marta kar lukkuun jerbal. E ekar jiron̄ liin bwe E ekar kile liin ke kar inepata kōn elōn̄ men ko.

Luk 10:41

Jisōs ej katakin Marta im Meri.

Jisōs ekar kōmeļeļeik bwe jet men ko rej aorōkļo̧k jān ko jet. Meri, E ekar ba, ekar kōm̧m̧ane juon kāālet em̧m̧an n̄an ron̄jake naan ko An. Men ko liin ekar katak jān Jisōs naaj jamin bōke jān ippān.

Luk 10:42