Būrabōļ eo kōn Rikarejeran eo Me Kar Jab Jeorļo̧k An Bōd—Jisōs ej katakin kōn jeorļo̧k bōd.

Matu 18:21–34.

Būrabōļ eo kōn Rikarejeran eo Me Kar Jab Jeorļo̧k An Bōd

Jisōs ej katakin kōn jeorļo̧k bōd

Piter ej kajjitōk ippān Jisōs juon kajjitōk.

Juon raan, Piter ekar kajjitōk ippān Jisōs juon kajjitōk eaorōk. Ekar kōņaan jeļā jete kōttan an aikuj jeorļo̧k an armej bōd n̄e rej jerawiwi. “Jiljilimjuon alen?” Piter ekar kajjitōk. Jisōs ekar uwaake kajjitōk eo an Piter kōn jiron̄ e juon bwebwenato ak būrabōļ.

Matu 18:15–21

Juon rijerbal em̧uri jāān n̄an kiin̄ eo.

Ilo bwebwenato in, ekar wōr juon kiin̄ eo ekar lōn̄ an rijerbal. Juon iaan rijerbal ro ekar m̧uri ippān kiin̄ eo jon̄oul taujin tōļan ko. Jāān eo ekar kanooj in ļap!

Matu 18:23–24

Rikarejeran eo ejjab maron̄ kōļļāik m̧uri eo.

Rikarejeran eo eban kar maron̄ kōļļāikļo̧k kiin̄ eo. Kiin̄ eo ekar ba bwe enaaj kar wia kake rijerbal eo im baam̧le eo an n̄an kōļļāik m̧uri eo.

Matu 18:25

Rikarejeran eo ej kajjitōk kōn jeorļo̧k bōd.

Ke rikarejeran eo ekar ron̄ menin, ekar bukwelōlō ioon bukwein neen. Ekar akweļap n̄an kiin̄ eo n̄an leļo̧k n̄an e eļapļo̧k iien. “Kwōn jab kijer jidik kōn n̄a,” ekar ba, “im Inaaj kōḷḷā men otemje.”

Matu 18:26

Kiin̄ eo ej jeorļo̧k an rikarejeran eo bōd.

Kiin̄ eo ekar tūriam̧o kōn rikarejeran eo. Ekar kālet n̄an jeorļo̧k an bōd. Rikarejeran eo ekar jab aikuj in kōļļāikļo̧k jāān eo. Ekar anemkwoj n̄an ilo̧k!

Matu 18:27

Rikarejeran eo ekar kajjitōk jāān jān bar juon em̧m̧aan.

Innām rikarejeran eo ekar ilo̧k im lo juon em̧m̧aan eo ekar m̧uri ippān juon oran jāān eo edik. Ekar rakujtok em̧m̧aan eo im kar ba, “Kōļļāik eō.”

Matu 18:28

Em̧m̧aan eo ej kajjitōk ippān rikarejeran eo n̄an jeorļo̧k an bōd.

Em̧m̧aan eo ej bukwelōlō ioon bukwien neen. “Kwōn jab kijer jidik kōn n̄a,” ekar ba, “im Inaaj kōļļā men otemjej.” Bōtaab rikarejeran eo ekar jab jeorļo̧k an bōd. Ekar bōkļo̧k ļein n̄an kalbuuj.

Matu 18:29–30

Kiin̄ eo ej jiron̄ rikarejeran eo kōn jeorļo̧k bōd.

Ke kiin̄ eo ekar ron̄ kōn ta eo ekar waļo̧k, ekar kajjitōk n̄an lo rikarejeran eo. Kiin̄ eo ekar kakeememej eo karejeran bwe ekar jeorļo̧k an bōd kōn juon m̧uri eo ekanooj ļap dettan. Ekar jiron̄ eo karejeran bwe ej aikuj barāinwōt jeorļo̧k bōd an ļein ekar m̧uri jāān ippān.

Matu 18:31–33

Jisōs ej kōnono ippān Piter kōn jeorļo̧k bōd.

Jej aoolep m̧uri juon m̧uri jejjab maron̄ in kar kōļļāik kōn kōj make. Jisōs ekar kōmeļeļeik n̄an Piter bwe Anij ej jeorļo̧k ad bōd, bwe jen barāinwōt aikuj jeorļo̧k an ro jet bōd. Im jej aikuj jab bōjrak ālkin jiljilimjuon alen ak aikuj aolep iien m̧ōņōņō in jeorļo̧k bōd.

Matu 18:22, 34–35; lale bar Matu 6:14; Katak im Bujen Ko 64:9–10