Būrabōļ eo kōn Taļōn ko

N̄an kwaļo̧k kōn aelōn̄ in kiin̄ eo an Anij, Jisōs ekar kwaļo̧k juon būrabōļ. Ilo būrabōļ in, juon em̧m̧aan ekar pojak in etal ettoļo̧k n̄an juon laļ. M̧okta jen an etal, eaar iioon jilu iaan ro rikarejeran im kar kajjitōk ippāer n̄an kōjparok jāān ko an ilo an jako.

Matu 25:14

Em̧m̧aan in eaar leļo̧k n̄an kajjojo iaan ro rikarejeran jon̄an eo eļap in jāān ņa etan taļōn. Eaar leļo̧k n̄an juon rikarejeran ļalem taļōn. Eaar n̄an bar juon rikarejeran ruo taļōn. Im eaar leļo̧k n̄an rikarejeran eo āliktata juon taļōn. Innām eaar ilo̧k ilo iaļ eo an.

Matu 25:15

Rikarejeran eo eaar bōk ļalem taļōn eaar lukkuun jerbal. Eaar kōjerbal taļōn ko n̄an bōk bar ļalem.

Matu 25:16

Rikarejeran eo eaar bōk ruo taļōn eaar lukkuun jerbal. Eaar kōjerbal taļōn ko n̄an bōk bar ruo.

Matu 25:17

Rikarejeran eo eaar bōk juon taļōn eaar kibwij juon ro̧n̄ im kallibwin taļōn eo ilo bwidej.

Matu 25:18)

Ālkin jidik iien, em̧m̧aan eo eaar jepļaaktok. Eaar kōņaan jeļā ta eo ro rikarejeran raar kōm̧m̧ane n̄an taļōn ko ekar liļo̧k n̄an er.

Matu 25:19

Rikarejeran eo eaar bōk ļalem taļōn im rikarejeran eo eaar bōk ruo taļōn raar jiron̄ļo̧k m̧aajta eo aer elmen aer kar bōk ruo atan ļapļo̧k ilo an kar jako. M̧aajta eo eaar m̧ōņōņō. Eaar ba bwe kōnke raar tiljek, ej lōke er n̄an bōk eļapļo̧k n̄an kōjparoki. Eaar ba n̄an er bwe ren m̧ōņōņō.

Matu 25:20–23

Rikarejeran eo eaar bōk juon taļōn eaar jiron̄ļo̧k m̧aajta eo an bwe eaar mijak, kōn menin eaar ņooj taļo̧n eo ilo bwidej. Eaar bar kōro̧o̧l taļōn eo n̄an m̧aajta eo.

Matu 25:24–25

M̧aajta eo eaar jab m̧ōņōņō ippān eo rikarejeran. Eaar ba bwe eo rikarejeran en kar kōjerbale eo ewōr ippān kar leļo̧k n̄an bōk eļapļo̧k taļōn. M̧aajta eo eaar leļo̧k taļōn n̄an eo rikarejeran eo eaar bōk jon̄oul taļōn. M̧aajta eo eaar kōņaan bwe eo rikarejeran en kōjerbal taļōn ko eaar liļo̧k n̄an er n̄an jipan̄ kalōk aelōn̄ in kiin̄ eo an.

Matu 25:26–29