Saimōn im Kajoor eo an Anij

Juon em̧m̧aan etan Saimōn ekar jokwe ilo Sameria. Ke ekar ron̄ kōn gosepl in an Jisōs Kraist, ekar tōmak. E ekar barāinwōt bwilōn̄ kōn menin bwilōn̄ ko rikaļoor ro an Jisōs rekar kōm̧m̧ani kōn kajoor an Anij. Saimōn ekar peptaij, im barāinwōt em̧m̧aan im kōrāin Sameria ro jet.

Jerbal 8:5-13

Rijilōk ro ilo Jeruselam rej ron̄ bwe armej in Sameria rekar peptaij. Pita im Jon rekar etal n̄an Samaria. N̄an kōjerbal kajoor an Anij, priesthood eo, rej likit peir ioon armej ro rekar peptaij im leļok er mennin letok eo an Jetōb Kwojarjar.

Jerbal 8:14–17

Ke Saimōn ekar lo an Pita im Jon kōm̧m̧ane menin, ekar leļok n̄an er jāān im ba, “Barāinwōt koṃwin letok kajoor in ñan eō.” E ekar kōņaan wiaik priesthood eo an Anij bwe en bar maron̄ leļok menin letok eo an Jetōb Kwojarjar.

Jerbal 8:18–19

Pita ekar kōmeļeļe bwe ejjeļok juon emaron̄ wiaik kajoor eo an Anij. Ej juon menin letok jān Anij. Pita ekar jiron̄ Saimōn bwe būruon ej aikuj oktak. E ekar karuwaineneik Saimōn n̄an ukweļok im jar kōn jeorļok bōd jān Anij.

Jerbal 8:20-23

Saimōn ekar būrom̧ōj. E ekar kajjitōk bwe Pita en jar kōn e bwe en jipan̄ e oktak.

Jerbal 8:24