Bwebwenato ko an Jeje ko Rekwojarjar
Jisōs Ej Peptaij—Kōm̧m̧ane juon waanjon̄ak in pokake Anij.

Matu 3

Jisōs Ej Peptaij

Kōm̧m̧ane juon waanjon̄ak in pokake Anij.

Juon pijain Jon Ripeptaij.

Anij eaar kūr Jon n̄an jipan̄ armej ro keppopo n̄an itok eo an Kraist. Jon eaar katakin armej kōn ukweļoo̧ im peptaij. Armej raar kuri Jon Ripeptaij.

Matu 3:1–12

Jisōs Kraist ej etal n̄an ippān Jon bwe en peptaij.

Jon eaar juon rūkaki ekajoor. Elōn̄ armej raar itok n̄an ron̄jake im peptaij. Juon raan, Jisōs eaar itok bwe en peptaij.

Matu 3:5–13

Jisōs im Jon rej kōnono ippān doon.

Jon eaar jeļā bwe Jisōs ej pokake Anij aolep iien. E eaar jab aikuj in ukweļok. Jon eaar ļōmņak bwe ejjab aikuj in peptaiji Jisōs. Jon eaar ļōmņak bwe Jisōs ej aikuj peptaiji e!

Matu 3:14

Jon ej peptaiji Jisōs.

Jisōs eaar ba E ej aikuj in bar peptaij. E eaar kōņaan pokake aolepen kien ko an Jemen. E eaar barāinwōt kōņaan kwaļo̧k juon waanjon̄ak n̄an kōj. Jon eaar peptaiji E.

Matu 3:13-15; 2 Nipai 31:5-7

Jisōs ej peptaij. Jetōb Kwojarjar eo ej itok ioon tok.

Ālikin an Jisōs ato jān dān eo, Jetōb Kwojarjar eaar itok Ioon āinwōt juon muļe. Jemedwōj Ilan̄ ej kōnono jān ilan̄, im ba, “Kwe Nejū jitōnbōro Ippa.” Jemedwōj Ilan̄ eaar lukkun m̧ōņōņō ippān Jisōs.

Matu 3:16–17