Jerbal 9:1–31
Jisōs ej Waļok n̄an Saul
Juon kūr n̄an ukweļok im ļoor Irooj
Saul ekar juon Parisi—juon ritel n̄an RiJu ro eo im ejļā kōn jeje ko. Ak Saul ekar jab tōmak bwe Jisōs ekar juon Rilo̧mo̧o̧r. Ekkā an likit rikaļoor ro an Jisōs ilo jikin kalbuuj. Juon raan ke Saul ekar etal n̄an juon jikin etan Damaskōs n̄an kalbuuji jet iaan rikaļoor ro an Jisōs im bōk er n̄an Jerusalem n̄an kaje.
Jerbal 9:1-2; 22:4-5; 26:5
Ke Saul ekar etal ilo ial eo an, juon meram ej rome e. Ekar meramļok jān aļ. Saul ekar wōtlok n̄an laļ. Ej ron̄ juon ainikien ej ba, “Saul, Saul.” Innām ainikien eo ej kajūtkin Saul etke ekar jum̧ae Jisōs im kōmetak Rikaļoor ro An.
Jerbal 9:3-4; 26:13-14
Saul ekar kajjitōk wōn eo ej kenono. Ainikien eo ekar ba, “N̄aij Jisōs Kraist.” Saul ekar ilbōk im mijak. E ekar kajjitōk ippān Jisōs ta eo ej aikuj in kōm̧m̧ane. Jisōs ekar jiron̄ļok Saul, “kwōn jerkak im deḷọñḷọk ilo jikin kweilọk en.” Ijōn enaaj katak kōn ta ej aikuj kōm̧m̧ane tok ālik.
Jerbal 9:5–6
Saul ekar pokake im jerkak. Ak ekar pilo tōre in. E ekar jab maron̄ lo jabdewōt men. Armej ro rekar etal ippān ļok rej tōl e n̄an jikin kweilok Damaskōs. Iumwin jilu raan, Saul ekar jab m̧ōn̄ā im idaak.
Jerbal 9:8–9
Juon iaan rikaļoor ro an Jisōs im ekar jokwe ilo Damaskōs ej Anenaiōs. Jisōs ekar lo ļok Anenaiōs ilo juon ettōņak im ba n̄an e bwe en etal im jipan̄ Saul.
Jerbal 9:10–12
Ak Anenaiōs ekar lukkuun pok. E ekar ron̄ kōn Saul. Ekar jeļā eo jon̄an an Saul kar jum̧ae Rikaļoor ro an Jisōs.
Jerbal 9:13-14
Jisōs ekar kajjitōk ippān Anenaiōs bwe en jipan̄ Saul ilo jabdewōt wāwein. Jisōs ekar ba bwe E ekar kālet Saul n̄an kwaļok gospel in An n̄an elōn̄ armej, ro im rejjab RiJu im rejjab jeļā kake E.
Jerbal 9:15-16
Anenaiōs ekar pokake Jisōs. E ekar loe Saul im leļok juon kōjeram̧m̧an n̄an e. Anenaiōs ekar kūri “Jatu Saul.”
Jerbal 9:17
Anenaiōs ekar ba bwe Jisōs ekar jilkinļok e bwe Saul en maron̄ mour im obrak kōn Jetōb Kwojarjar. Saul ekar kajju bar loļokjen,
Jerbal 9:17–18
Saul ekar peptaij. Innām e ekar katakin aolep ilo jikin kweilok eo kōn Jisōs Kraist. Armej ro rekar bwilon̄ ke Saul ekar lukkuun ļap oktak lo e. Ilo aolepen raan in an mour, kar kūr Saul, Paul. E ekar katakin aolep armej, RiJu im elōn̄ ro jet, n̄an tōmak ilo Jisōs Kraist. Paul ekar erom̧ juon iaan Rijilōk ro an Jisōs Kraist.
Jerbal 9:18-22, 29-31; 13:9