Etetal ioon Dān

Jisōs eaar kōņaan makeļok im jar. E eaar jilkinļok rikaļoor ro An ilo juon wa n̄an iturājet in Lom̧aļo in Galili. Jisōs eaar etal im jar ioon juon toļ.

Matu 14:22–33

Bon̄in eo, Kōto ekar kajoor, im ņo̧ ko rekar utiej. Rikaļoor ro an Jisōs raar jipan̄ aolepen bon̄in eo n̄an jipan̄ wa eo tōparļok turājet in lom̧aļo eo.

Matu 14:24–25

Ke ej tin jem̧ļok bon̄in eo, rikaļoor ro raar lo an juon armej etetal ļo̧k ioon dān. Raar ļōm̧nak jetōb im raar lukkun mijak. Ejjab jetōb men eo, eaar Jisōs! Jisōs eaar kōnono n̄an er im ba, “Kom̧win peran; N̄a E; kom̧win jab mijak.”

Matu 14:25-27

Jisōs eaar jiron̄ ļo̧k Piter n̄an ilo̧k n̄an Ippān ioon dān. Jisōs eaar ba, “Kwōn itok!” Piter eaar to jān wa eo im jino an etetal ioon dān, āinwōt Jisōs!

Matu 14:28–29

Ak ke Piter ej lo an kajoor kōto im ņo ko rekar utiej, e eaar lōļn̄o̧n̄. E eaar jino an tulo̧k lojet. E eaar lam̧ōj n̄an Jisōs im ba, “Irooj, Kwōn lọmọọren eō.”

Matu 14:30

Jisōs eaar erļo̧ke pein im dāpij Piter. E eaar kajjitōk ippān Piter etke eaar pere jab lōke E.

Matu 14:31

Ke Jisōs im Piter raar itok n̄an wa eo, lan̄ eo eaar bōjrak. Rikaļoor ro raaar bwilōn̄ kōn ta eo eaar waļok. Raar jeļā bwe Jisōs eaar lukkun Nejin Anij, im raar kabun̄jar n̄an E.

Matu 14:32–33