Būrabōļ eo kōn Virgin ro Jon̄oul

Pojak n̄an itok eo an Jisōs

Rijilōk ro an Jisōs rej kajjitōk Ippān n̄āāt eo Enaaj ro̧o̧ltok.

Rijilōk ro an Jisōs raar jeļā bwe juon raan, ālkin An ro̧o̧lļo̧k n̄an Jemān, Jisōs enaaj bar ro̧o̧ltok n̄an laļin. Raar kajjitōk Ippān elmen aer naaj jeļā n̄āāt eo enaaj bar itok. Raar kōņaan pojak n̄an E. N̄an uwaake er, Jisōs ekar kwaļo̧k juon būrabōļ.

Matu 24:3

Jon̄oul kōrā rej etal n̄an juon kwojkwoj in pālele.

Ilo būrabōļ in, jon̄oul kōrā raar etal n̄an juon kwojkwoj in pālele. Kwojkwoj in pālele eo ekar ilo bon̄, kōn menin kōrā rein raar bōk oil n̄an lamp ko aer n̄an kōmeram iaļ eo aer. Ļalem iaan kōrā ro remāletlet raar bōktok eļap oil. Ak ro jet ļalem rebwebwe raar jab bōktok eļap oil.

Matu 25:1–4

Kōrā ro raar kiki ilo aer kōttar ļeo pālele.

Kōrā ro raar kōttar ļeo pālele im ro ilo kwojkwoj in pālele eo raar itok. Ak ļeo pālele eaar bōk iien. Ke rej kōttar, raar aolep kiki.

Matu 25:5

Juon eaar itok im ba ļeo pālele emoot tok.

Ilo bon̄on eo, juon eaar lam̧ōj bwe ļeo pālele emoot tok. Ekar iien bwe kōrā ro ren kobaļo̧k ippān ilo kwojkwoj in pālele eo.

Matu 25:6

Kōrā ro ļalem raar maron̄ kōmeram lamp ko aer. Kōrā ro ļalem jet eaar ejjeļo̧k oil ippāer.

Aolep kōrā ro raar kotak lamp ko aer n̄an kōmeram ial eo aer. Ak kōrā ro ļalem ro raar jab bōktok ebwe oil ippāer eaar jab wōr aer meram. Raar kōjerbal oil ko aer ilo aer kar kōttar tok ļeo pālele.

Matu 25:7–8)

Kōrā ro ļalem ejjeļo̧k aer oil raar kajjitōk ippān ro jet n̄an leļo̧k aer. Ak ekar jab lukkuun bwe oil n̄an leļo̧k. Kōrā ro ejjeļo̧k aer oil raar ilo̧k im wia.

Matu 25:8–9

Ļeo pālele eaar itok im kōnono n̄an kōrā ro ļalem me raar pojak.

Ke rej ilo̧k, ļeo pālele eaar itok! Kōrā ro ļalem me raar pojak raar ilo̧k ippān n̄an kwojkwoj in pālele eo.

Matu 25:10

Kōrā ro me raar ilo̧k im wia oil raar jab maron̄ itok n̄an kwojkwoj in pālele eo.

Ke kōrā ro jet rej ro̧o̧ltok, kōjem eo eaar kilōk. Raar kaḷḷaḷḷaḷ ilo kōjem eo im kajjitōk ippān ļeo pālele n̄an kōdeļo̧on̄ er. Ak rekar rum̧wij. Rekar jab itok n̄an kwojkwoj in pālele eo.

Matu 25:11–12

Jisōs ej katakin rikaļoor ro An n̄an pojak n̄e Ej ro̧o̧ltok.

Jisōs ej āinwōt ļeo pālele ilo būrabōļ in. Ejjeļo̧k juon ejeļā n̄āāt eo Enaaj bar ro̧o̧ltok. Jemedwōj Ilan̄ ejeļā. Kōn menin Jisōs ekar ba n̄an rikaļoor ro An bwe ren pojak āinwōt kōrā ro ļalem eaar bwe aer oil. Armej ro rej pokake kien ko an Irooj n̄an ļoor Jetōb renaaj pojak n̄e Jisōs Kraist enaaj bar itok.

Matu 24:36; 25:13; Katak im Bujen Ko 45:56–57