Jerbal 6–7
Stipen ej Kwaļok kōn Jisōs Kraist
Rikarijeran eo eperan ej aje mour eo an kōn an naan in kam̧ool
Kabun̄ in ekar m̧ōkaj an eddōkļok. Ekar jino pen n̄an an Rijilōk ro lale membōr ro wōj.
Jerbal 6:1-2
Rijilōk ro rekar kālet n̄an kūr jiljilimjuon em̧m̧aan ro remaron̄ jipan̄. Rekar kajjitōk ippān membōr ro n̄an lale em̧m̧aan ro remāletlet im reobrak kōn Jetōb Kwojarjar.
Jerbal 6:3
Juon iaan armej ro rekar kālet e ej Stipen. Rijilōk ro rekar leļok n̄an e juon kōjeram̧m̧an. Ekar wōr ippān Stipen eļap tōmake im ekar kōm̧m̧an elōn̄ menin bwilōn̄ ko ibwiljin armej ro.
Jerbal 6:5-8
Stipen ej katakin kōn Jisōs Kraist ilo māletlet im Jetōb Kwojarjar. Ak ritōl ro ilo iṃōn kweilọk eo ekar jab em̧m̧an ippāer ta ko ej katakin kake. Rekar ba ej kenono ņae Moses im ņae Anij. Rekar bōkļok Stipen im̧aan pris eutiej im ritōl ro jet.
Jebal 6:9-15; 7:1
Turin mejen Stipen ekar āinwōt juon enjel. E ekar kakememej ritōl ro bwe Anij ekar jilkintok Moses n̄an lo̧mo̧o̧ren ri Israel ro, ak ejjab aolep iien rej ļoore Moses. Stipen ekar ba bwe Moses ekar āinwot Jisōs Kraist. Anij ekar jilkintok Jisōs n̄an lo̧mo̧o̧ren armej ro An, ak ritōl ro rekar jab ļoor E. Ritōl ro rekar lukkkun illu ippān Stipen.
Jerbal 7:20-43, 51-54
Obrak kōn Jetōb kwojarjar, Stipen ekar reilok n̄an lan̄. E ekar lo Jisōs Kraist ej jutak itūrin Jemedwōj Ilan̄.
Jerbal 7:55–56
Ke Stipen ekar jiron̄ļo̧k ritōl ro ta eo ekar loe, ekar ļapļok aer illu. Rekar lam̧ōj ilo aer illu im kanōktok Stipen. Rekar iper nabōjļo̧k jān jikin kweilok eo.
Jerbal 7:57
Rekar likūt koba ko aer ilo iturin neen juōn likao etan Saul. Rekar kade Stipen kōn dekā im bōke mour eo an. Saul ej errā bwe men eo rekar kōm̧m̧ane ebōd. Stipen ekar jar. E ekar kajjitōk bwe Irooj en jeirļok an armej ro rekar kakure bōd. Ekar barāinwōt kajjitōk bwe Irooj en bōk an n̄an lan̄.
Jerbal 7:59-60; 8:1