Rilo̧mo̧o̧r Eļotak

Josep im Meri raar joke ilo Nazeret. Meri eaar epaak an tin ļotak. Aolep raar aikuj ro̧o̧l n̄an ijoko jikier bwe ren kōļļā tax. Meļeļein ke Josep im Meri rekar aikuj ro̧o̧l n̄an Betleem, ijo jikin Josep. Ebwe an kar aetok iaļ eo aer n̄an jibadōk ijeņ.

Luk 2:1–5

Iaļ eo eaar jab pidodo n̄an Meri Kōnke elōn̄ armej rekar etal n̄an Betleem, Meri im Josep rekar jab maron̄ elolo jikin aer pād bwe Meri en keotak ie.

Luk 2:6–7

Raar lo juon jikin menin mour. Jisōs eaar ļotak ilo juon jikin ettā. Meri im Josep raar iakwe im kōjparok nin̄nin̄ Jisōs. Raar kūtimtimi kōn juon nuknuk n̄an jipan̄ kōmāāņāņe im kōkm̧anm̧ane kōjāllin. Raak kōbabuiki ilo juon jikin m̧ōn̄a an kidu, ijo jikin najidik menin mour.

Luk 2:6–7

Iturin tok ijo, rilale jiip ro rej lale jiip ko ilo bon̄. Innām, juon meram eaar rome ipeļaakier, im juon enjeļ ej waļo̧ktok. Rilale jiip ro raar mijak.

Enjeļ eo eaar jiron̄ er bwe ren jab mijak, kōnke ippān ej boktok juon nuuj em̧m̧an! Rilo̧mo̧o̧r eo eaar ļotak ilo Betleem, im renaaj loe an babu ilo juon jikin m̧ōn̄ā an kidu. Innām elōn̄ļo̧k enjeļ raar itok im ba, “Aiboojoj n̄an Anij ilo utiejtata, im aenōm̧m̧an ioon laļ, ippān armej raņ.”

Luk 2:10–15

Rilale jiip ro raar kair n̄an Betleem im loe nin̄nin̄ Jisōs, āinwōt an enjeļ eo kar ba. Raar ba n̄an armej ro kōn men ro rem̧m̧an rekar loi im ron̄. Raar jeļā ke Jisōs eaar juon ajri eo ejnoļo̧k.

Luk 2:16–17

Meri im Josep rej bōk nin̄nin̄ Jisōs n̄an tampeļ eo n̄an kwaļo̧ke n̄an Anij. Rej ioone juon em̧m̧an etan Simeon. Jetōb Kwojarjar eaar jiron̄ Simean bwe enaaj ioone Rilo̧mo̧o̧r eo m̧okta jān an jako. E eaar jibwe nin̄nin̄ eo im ba Jisōs enaaj lo̧mo̧o̧ren aolep ro nejin Anij. Josep im Meri raar bwilōn̄ kōn ta eo eaar ba.

Luk 2:22–35

Ilo tampeļ eo eaar bar wōr joun armej etan Anna. Leo pāleen eaar jako elōn̄ iiō remootļok. Kiiō Anna eaar wūjlepļo̧k aolepen an nan kabun̄jar n̄an Anij ilo tampeļ eo. E eaar kam̧moolol Anij kōn juon iien em̧m̧an n̄an an lo Rilo̧mo̧o̧r. N̄e ej ioone jabdewōt eo ej kōttar Rilo̧mo̧o̧r eo, ej ba kake Jisōs n̄an er.

Luk 2:36–38

Ke Jisōs eaar ļotak, ri kanpil ro raar itok jān reaar raar lo juon iju ekāāl. Raar jeļā ke juon ajri ejnolok eaar ļotak eo im enaaj Nejin Anij im Rilo̧mo̧o̧r an laļ. Raar jino etal ilo ial eo aer aetok n̄an loļok ajri in im kabun̄jar n̄an E. Raar kōņaan boktak n̄an E mennin leļok ko n̄an aer kwaļok aer iakwe E.

Matu 2:1-7; lale ukook eo an Josep Smith ilo kakeememej ko, 2a

Ālikin ial eo aer aetok, ri kanpil ro raar itok n̄an Jerusalem. Raar ba bwe juon kiin̄ ekāāl an ri ju ro, Rilo̧mo̧o̧r eo, eaar ļotak, im raar itok n̄an kabun̄jar n̄an E. Raar kajjitōk ia eo remaron̄ loe kiin̄ in ekāāl.

Matu 2:1–2

Juon Kiin̄ etan Herod eaar ron̄ bwe ri kanpil ro raar pukot kiin in ekāāl. Eaar lukkuun inepata. Pris im rijeje ro an raar jiron̄ e bwe jeje ko raar ba bwe juon kiin̄ ekāāl enaaj ļotak ilo Betleem. Herod eaar jiron̄ ro kanpil ro n̄an lale ilo Betleem innem itok im ba n̄an e n̄e reloe kiin eo ekāāl.

Matu 2:3-8

Rri kanpil ro rej itok n̄an Betleem. Raar ļoore iju eo, eo im eaar tōl er n̄an Jisōs. Ke rej loe E im Meri im Josep, Raar leļok n̄an Jisōs jilu mennin leļok raorōk im̧ kabun̄jar n̄an E. Anij eaar kakkōl er bwe ren jab ro̧o̧l n̄an Herod, kōn menin eaar oktak aer ial.

Matu 2:9–12

Ālikin an ri kanpil rein em̧m̧akūt, Josep eaar tōņak juon tōņak. Ilo ettōņak in, juon enjeļ ej jiron̄ Josep bwe Herod ellu. Josep eaar aikuj bōk Meri im Jisōs n̄an Egypt n̄an kōjparok er.

Matu 2:13

Josep eaar kajju jerkak. E eaar em̧m̧akūt n̄an Egypt ippān Meri im Jisōs ke ej bon̄ wot.

Matu 2:14

Meri, Josep, im Jisōs raar pād ilo Ijipt m̧ae iien eo enjeļ eo eaar ba n̄an er Herod em̧ōj an jako im remaron̄ bar rool. innām raar bar rool im jokwe ilo Nazeret.

Matu 2:15, 19-23