Bwebwenato ko an Jeje ko Rekwojarjar
Jisōs im Likao eo Eim̧weiie—“Ta eo in kōm̧m̧ane bwe en aō jolōt mour indeeo?”

Mark 10:17–31

Jisōs im Likao eo Em̧weiie

“Ta eo in kōm̧m̧ane bwe en aō jolōt mour indeeo?”

Likao eo ej ettōrļo̧k n̄an Jisōs

Ke Jisōs im rijilōk ro An rej ito-itak, juon rim̧weiie em̧an ded eaar itok n̄an Jisōs im bukwelōlō Im̧aan. Eaar kajjitōk ippān Jisōs ta eo ej aikuj kōm̧m̧ane bwe en maron̄ bar mour ippān Jemedwōj Ilan̄.

Mark 10:17

Jisōs ekar kakeememej likao in kōn kien ko.

Rilo̧mo̧o̧r ekar kakeememej likao in bwe ejeļā kadede kien ko an Anij: jab uror, jab riab ak ko̧o̧t, im koutiej jemōm̧ im jinōm̧.

Mark 10:19

Likao eo ekar uwaake Jisōs.

Likao in ekar uwaak im ba eaar aolep iien pokake kien kein, jen ke ekar dik.

Mark 10:20

Jisōs ej katakin likao in.

Jisōs ekar kalimjōk likao in kōn iakwe. Eaar ba n̄an e bwe ej aikuj bar kōm̧m̧ane juon men. Eaar aikuj in wia kake aolep men ko ewōr ippān, leļo̧k jāān n̄an ro rijeram̧ōļ, im erom̧ juon iaan rikaļoor ro an Jisōs. Innām enaaj wōr an jolet ko ilo lan̄!

Mark 10:21

Likao in ekar ilo̧k.

Likao in ekar lukkuun m̧weiie. Ekar jab kōņaan leļo̧k jabdewōt men ko ewōr ippān. Ekar etal ilo būrom̧ōj.

Mark 10:22

Jisōs ekar ba jej aikuj lōke Anij, ejjab m̧weiie.

Jisōs ekar ba epidodo an kamel delo̧n̄ ilo mejān needle jān an armej ro rej iakwe m̧weiie deļo̧n̄e aelōn̄ in kiin̄ eo an Anij. Rijilōk ro rekar bwilōn̄. Raar kajjitōk, “innām wōn e maron̄ bwe en mour?” Jisōs ekar kōmeļeļeiki bwe jej aikuj lōke Anij n̄an bōk lo̧mo̧o̧r. Eaar ba, “Anij ej maron̄ kōn men otemjej.”

Mark 10:23–30