Bwebwenato ko an Jeje ko Rekwojarjar
Tabita, juon Kōrā “Eobrak kōn Jerbal ko Reṃṃan”—Kar Karooltok mour eo an jān kajoor eo an Jisōs Kraist

Jerbal 9:36–42

Tabita, juon Kōrā “Eobrak kōn Jerbal ko Reṃṃan”

Kar Karooltok mour eo an jān kajoor eo an Jisōs Kraist

Tabita ej keke nuknuk.

Tabita ekar juon rikaļoor etiljek an Jisōs Kraist. E ekar jokwe ilo juon jikin edik tūrin lojet, etan Joppa. E ekar em̧m̧an ippān jipan̄ armej ro rejeram̧ōl.

Jerbal 9:36

Tabita ej leļok nuknuk ko n̄an ro rej aikuj.

Tabita ekar keke nuknuk im leļok n̄an kōrā ro rej aikuj. Rej iakwe Tabita.

Jerbal 9:39

Tabita ej nan̄inmej.

Juon raan, Tabita ekar lukkuun nan̄inmej. Liin ekar lukkuun nan̄inmej ke ekar mej.

Jerbal 9:37

Ruo em̧m̧aan rej kaiur n̄an kenono ippān Piter.

Membōr ro jet lo Kabun̄ in ilo Joppa rekar lukkuun būrom̧ōj. Rekar jeļā bwe Piter, juon iaan Rijilōk ro an Jisōs, ekar pād ilo bukwōn eo tok juon. Rekar jilkinļok ruo em̧m̧aan n̄an kajjitōk ippān Piter bwe en m̧ōkaj im itok n̄an ippāer.

Jerbal 9:38

Armej ro rej tōl Piter n̄an Tabita.

Piter ekar itok n̄an ijo ānbwinnin Tabita ej pād ie. Jet iaan kōrā ro Tabita ekar jipan̄ er rekar pād ijo. Rekar kwaļok n̄an Piter nuknuk ko ekar kiiji n̄an er.

Jerbal 9:39

Piter ej bukwelōlō im jar iturin Tabita.

Piter ekar kajjitōk ippān armej ro bwe ren em̧m̧akit jān room eo. E ekar būkwelōlō im jar.

Jerbal 9:40

Tabita ej bar rooltok n̄an mour.

Ālkin an Piter jar, ekar ba, , “Tabita, kwōn jerkak.” Liin ekar kōpeļļok mejen im jijet tok. Piter ekar jipan̄ kajutak Tabita. Liin ekar bar mour! Piter ekar kūri ro m̧ōttan n̄an itok im lale. Rekar lukkuun bwilōn̄! Rekar jeļā em̧ōj karooltok mour eo an jān kajoor eo an Jisōs Kraist. Elōn̄ļok armej rekar tomak ilo E.

Jerbal 9:40-42