Matu 12:1-12; Luk 13:10-17
Jisōs ej Kemour juon Kōrā ilo Raan in Jabōt
Kōm̧m̧an em̧m̧an ilo raan eo An ekwojarjar
Jisōs im rikaļoor ro An raar etetal ilo jikin juon kallib grain ilo raan in Jabōt. Raar lukkun kwole, innām raar ļote jet grain im kan̄i. Jet ritōl an ri Ju ro, etaer parisi ro, raar lo er. Parisi ro raar kōm̧m̧an elōn̄ kakien ko kōn raan in Jabōt. Ļot ļot grain eaar jum̧ae kakien ko aer.
Matu 12:1–2
Parisi ro raar kajjitōk ippān Jisōs etke rikaļoor ro An rejjab kaorōk raan in Jabōt. Jisōs eaar uwaak kōnke ejjeļok men en ebōd rej kōm̧m̧ane. Anij eaar letok raan in Jabōt n̄an kōjeram̧m̧an kōj, ejjab kapenļok mour kein ad.
Matu 12:2-8; Mark 2:27
Tok ālik, Jisōs eaar katakin ilo juon im̧ōn kweilok ilo raan in Jabōt. Jisōs ej kile juon kōrā ijo. E eaar jab maron̄ jutak. Eto an en̄taan kōn men in ium̧win 18 iiō.
Luk 13:10-12
Jisōs Kraist eaar kajjitōk ippān kōrā eo bwe en itok n̄an Ippān. E eaar likit pā ko Pein n̄an ioon bōran im kōjeram̧m̧an e.
Luk 13:12-13
Ejjab to, kōrā eo ekajju jeļā jutak. Ritōl eo an im̧ōn kweilok eo eaar lukkun illu kōnke Jisōs eaar kemour ilo raan in Jabōt.
Luk 13:13-14
Jisōs eaar ba bwe jipan̄e kōrā eaar juon men ejim̧we n̄an kōm̧m̧ane. Ejimwe bwe jen kōm̧m̧an em̧m̧an ilo raan in Jabōt. Ritōl eo eaar lukkun jook, im armej ro ilo im̧ōn kweilok eo raar lan̄lōn̄ kōnke kōrā eaar mour.
Luk 13:15-17; bar lale Luk 6:9