“Kom̧ Kar Kōm̧anm̧an N̄an Eō”

N̄e jej jerbal n̄an ro jet, jej jerbal n̄an Jisōs

Jisōs Kraist eaar ba n̄an rijilōk ro An bwe ālkin An jepļaakļo̧k n̄an ippān Jemedwōj Ilan̄, E enaaj bar jepļaaktok n̄an laļin ippāntok aolep enjeļ ro rekwojarjar. Ilo raan eo, aolep armej ro jān laļ in renaaj kuktok ippān doon im̧aan Mejen—armej ro raar ļoor E im armej ro raar jab.

Matu 25:31–33

Juon em̧m̧aan ej leļo̧k m̧ōn̄ā n̄an em̧m̧aan eo juon.

Jisōs eaar jiron̄ļo̧k armej ro me raar ļoor ļo̧k E remaron̄ deļo̧n̄e aelōn̄ in kiin̄ eo An, kōnke ke eaar kwole, raar naajdik E. Ke eaar maro, raar keidaak E.

Matu 25:34–35

Juon jiron̄ em̧m̧an ded eaar loļo̧k bar juon kōrā eo enan̄inmej.

Raar leļo̧k n̄an E nuknuk im juon jikin n̄an an pād ie n̄e Ej aikuji. Ke Eaar nan̄inmej ak pād ilo kalbuuj, raar loļo̧k E.

Matu 25:36)

Jisōs ej kwaļo̧k wāween iakwe ro jet im iakwe E.

Armej ro rej kajjitōk ippān Jisōs n̄āāt eo raar kōm̧m̧an jabdewōt iaan men kein rōm̧m̧an n̄an E. Rilo̧mo̧o̧r enaaj kōmeļeļeiki bwe n̄e jej kōm̧m̧ani men ko rōm̧m̧an n̄an armej ro jet, ej āinwōt ad kōm̧m̧ane men ko rōm̧m̧an n̄an E.

Matu 25:37–40

Juon kōrā em̧akoko in leļo̧k m̧ōn̄ā n̄an armej ro rej aikuj.

Jisōs ej ba n̄an armej ro raar jab ļoor E bwe reban deļo̧n̄e aelōn̄ in kiin̄ eo An. Ke eaar kwole im maro, raar jab leļo̧k n̄an E kijen m̧ōn̄ā ak keidaake.

Matu 25:41–42

Armej eo ej aikuj ej jijet makeļo̧k iaan.

Raar jab jipan̄ E ke Eaar aikuj nuknuk ak juon jikin pād. Ke Eaar nan̄inmej ak pād ilo kalbuuj, raar jab loļo̧k E.

Matu 25:43.

Jisōs ej kwaļo̧k kōn wāween iakwe doon im iakwe E.

Jisōs ej kōmeļeļeiki bwe n̄e jej kāālet n̄an jab jipan̄ ro jet ro rej aikuj, jej kāālet n̄an jab jipan̄ E. N̄e jej kāālet n̄an jipan̄ ro jet, jej kāālet n̄an jipan̄ Jisōs.

Matu 25:45.