Jon Ripeptaij Ej Lotak

Zakeraias im Elisabet raar armej ro retiljek im rej iakwe Anij. Raar jar bwe en wōr juon nejier. Kiiō raar lukkun ritto, ak eaar ejjeļo̧k wōt nejierro ajri.

Luk 1:5–7

Zakeraias eaar juon Pris ej jerbal ilo tampeļ eo ilo Jerusalem. Juon raan, kar kālet e bwe en tile lokatok in kōkaijurjur eo iloan juon ruum̧ ilo tampeļ eo.

Luk 1:8-10

Ejjab to, juon enjeļ eaar waļokļo̧k. Zakeraias eaar mijak. Enjeļ eo eaar ba, “Zakeraias, kwōn jab mijak, bwe eṃōj roñjake aṃ jar.” Eaar ba Zakeraias im Elisabet renaaj wōr nejier ļaddik. Rej aikuj likūt etan Jon. Enjeļ eo eaar ba bwe ewōr juon an Jon jerbal elukkun aorōk. Enaaj jipan̄ armej kapopo n̄an ioon Rilo̧mo̧o̧r eo n̄e E enaaj itok.

Luk 1:12–17

Zakeraias eaar jab tōmak ta eo enjeļ eo ej ba. E im Elisabet relukkun rutto n̄an aer jemneji. Enjeļ eo eaar ba bwe kōn an Zakeraias jab tōmak naan ko an, eban maron̄ kenono m̧ae iien Jon eļōtak.

Luk 1:18–20

Armej rej bulōn̄ etke elukkun too an Zakeraias pād iloan tampeļ eo. Ke ej em̧m̧akūt, ejjab maron̄ kenono. Rejjab maron̄ loe ta eo elukkun aorōk eaar waļok.

Luk 1:21–23

Allōn̄ tok ālik, Elisabet eaar wōr juon nejin, āinwōt an enjeļ eo kar kallim̧ur. Baam̧le eo aer im ro m̧ōttaer raar lukkun m̧ōņōņō! Raar etal im lo ļok ajri eo.

Luk 1:57-59

Raar ļōm̧nak in tin likit etan ajri eo Zakeraias, āinwōt jemen. Elisabet eba, “Etan in Jon.” Rej kajjtōkin Zakeraias eo ejjan̄in maron̄ kenono. E eaar je, “Etan in Jon.” Aolep raar bwilōn̄.

Luk 1:59-63

Innām, Zakeraias eaar maron̄ bar jino kōnono. E eaar kam̧m̧oolol Anij im kar obrak kōn Jetōb Kwojarjar. E eaar jiron̄ aolep bwe Anij eaar keememej kallim̧ur ko An n̄an ro Doon. E eaar ba bwe Jon enaaj erom̧ juōn rikanaan. Jon enaaj katakin armej kōn ukweļok im peptaij. E enaaj jipan̄ er kappopo n̄an katak jān Jisōs Kraist.

Luk 1:64–80