Bwebwenato ko an Jeje ko Rekwojarjar
Jisōs Kar Kalbuuji—Ekajete Nejin Anij

Mark 14–15; Luk 22–23; Jon 18–19

Jisōs Kar Kalbuuji

Ekajete Nejin Anij

Judas im jet iaar ritariņae ro raar itok n̄an Getsemane.

Ālkin an m̧ōj an Jisōs jar im en̄taan ilo Getsemane, Judas ej itok ippāntok juon jarlepju in ritariņae eļap. Judas ekar juon iaan Rijilōk ro. Ekar jeļā bwe ekkā an Jisōs etal n̄an jikin kallib in. Ritōl ro an riJu raar kōļļāik Judas n̄an jipan̄ er pukot Jisōs bwe ren jibwe ļo̧k E.

Jon 18:2–3

Piter eaar jek juon iaan rijerbal ro an pris ro routiej.

Ke ritariņae eo ej kajjieon̄ in bōk Jisōs, Piter ej kwaļo̧k jāje eo an. Eaar m̧wijit lo̧jin̄in rijerbal eo an pris eo eutiej.

1 Jon 18:10

Jisōs eaar ba n̄an Pieter bwe en do̧o̧r jāje eo an.

Jisōs eaar ba n̄an Piter bwe en do̧o̧r jāje eo an. Jisōs eaar ba Ej aikuj in kōm̧m̧ane ta eo Jemān ekar kōņaan.

Jon 18:11

Jisōs eaar kōmour lo̧jin̄in rijerbal eo.

Jisōs ekar jibwe lo̧jin̄in rijerbal eo im mour.

Luk 22:51

Kar bōkļo̧k Jisōs n̄an m̧weeo im̧ōn pris eo eutiej.

Ritariņae ro raar bōkļo̧k Jisōs n̄an m̧weeo im̧ōn pris ļapļap eo. Ritōl riJu ro jet raar bar pād ijo. Raar kōņaan pukot juon wun bwe ren m̧an Jisōs. Raar bōktok elōn̄ armej ro n̄an kwaļo̧k riab ko kōn E.

Mark 14:53–61

Pris ļapļap eo eaar kajjitōk ippān Jisōs n̄e E ej nejin Anij.

Āliktata, pris ļapļap eo eaar kajjitōk ippān Jisōs n̄e ekar E nejin Anij. Jisōs eaar ba, "N̄a E

Mark 14:61–62

Innām pris ļapļap eo im ritōl ro jet raar illu ippān Jisōs.

Menin ekōm̧m̧an bwe pris ļapļap eo im ritōl ro jet ren illu. Raar jeptake Jisōs, kapiloik E, im kōm̧man kōjak kōn E. Raar pepe bwe E eaikuj mej.

Mark 14:63–65

Piter eaar ba n̄an armej ro ke ejjab jeļā kajjien Jisōs.

Ke Jisōs ej pād ilo m̧weeo im̧ōn pris ļapļap eo, Piter eaar kōttar ņam̧ōj. Eaar jijet iturin kijeek eo n̄an kōmāņāān. Jilu alen, armej ro raar ba rej kileļo̧k Piter āinwōt juon iaan rijilōk ro an Jisōs. Ak kajjojo iien, Piter eaar uwaak ejaje kajjien Jisōs.

Mark 14:54, 66–71

Piter ej ilo̧k im jan̄.

Innam kako eo eaar ikkūr, im Piter eaar keememej ta eo Jisōs ekar ba: bwe Piter enaaj kaamejete E jilu alen. Piter ej ilo̧k im jan̄.

Mark 14:72

Ritōl ro an riJu ro raar bōkļo̧k Jisōs n̄an Pilate.

Ritōl ro an riJu ro raar bōkļo̧k Jisōs n̄an Pilate, rikien eo an Rom. Juon jarlepju in armej raar itok. Ritōl ro raar kōņaan bwe Pilate en m̧an Jisōs. Raar jiron̄ļo̧k Pilate bwe Jisōs ej ņaetan Make kiin̄ eo an riJu ro.

Mark 15:1–3; Luk 23:2; Jon 18:28–31

Jisōs ej kōnono ippān Pilate.

Pilate eaar kajjitōk ippān Jisōs eļan̄n̄e E ej kiin̄ eo an riJu ro. Jisōs eaar uwaak, “Aelōn̄ eo Aō e jab jān laļ in." Eaar kōmeļeļeiki bwe Eaar itok n̄ān laļin n̄an katakin armej ro m̧ool eo.

Jon 18:33–37

Jisōs im Pilate raar jutak im̧aan jarlepju eo.

Pilate eaar ba bwe ejjab tōmak Jisōs eaar kōm̧m̧an jabdewōt men ebōd. Ak elōn̄ armej raar lam̧ōj, "dōbwāāl E." Pilate eaar kāālet n̄an kōm̧m̧ane ta eo rej kōņaan bwe Jisōs en mej.

Mark 15:12–14; Luk 23:14–24