Sip eo Ejabwābwe, Jāān Dekā eo Ejako, im Nejin eo Ejerwaan

Jet ritōl an Riju ro raar lo an Jisōs kōnono im m̧ōn̄ā ippān armej ro me raar ļōmņak raar rijerawiwi. Ritōl ro raar ļōmņak ekar bōd n̄an an Jisōs m̧ōn̄ā ippān rijerawiwi ro. Jisōs ekar jiron̄ ritōl ro jilu bwebwenato ko ak būrabōļ ko n̄an jipan̄ er meļeļe bwe E ej kōņaan jipan̄ aolep ukweļo̧k im ewi jon̄an An m̧ōņōņō n̄e rej ukweļo̧k.

Luk 15:1–3

Būrabōļ eo im̧aan tata ekar kōn juon em̧m̧aan eo ekar wōr 100 an sip. Juon iaan sip ko an eaar jebwābwe

Luk 15:4

Em̧m̧aan eo ekar door sip ko 99 jet im ilo̧k in kappukot juon eo ejebwābwe. Ekar kappukote m̧ae iiien ekar loe.

Luk 15:4

Ke ekar loe sip eo an ekar jebwābwe āliktata, ekar kanooj in m̧ōņōņō! Ekar ineeke sip eo n̄an kapijuknen ioon aeran im kar jiron̄ ro m̧ōttan im ro rūturin n̄an lem̧ōņōņō ippān. Jisōs ekar ba menin ej jekjek in an Jemādwōj Ilan̄ en̄jake n̄e juon ej ukweļo̧k jān jerawiwi ko aer im bar ro̧o̧l n̄an E.

Luk 15:5–7

Būraibōļ eo kein karuo ekar kōn juon kōrā eo ekar wōr an 10 jāān dekā jelba. Ke ekar jako juon iaan jāān dekā ko an, liin ekar tile juon kāāntōļ im pook m̧weo im̧ōn, kappukot jāān dekā eo ejako. Liin ekar kappukote m̧an iien ekar loe.

Luk 15:8

Ke āliktata liin ekar loe jāān dekā eo an ejako , ekar kanooj in m̧ōņōņō! Liin ekar jiron̄ ro m̧ōttan im ro rūturin n̄an lem̧ōņōņō ippān. Jisōs ekar ba menin ekōjkan an enjeļ ro ilo lan̄ en̄jake ke juon ej ukweļo̧k jān jerawiwi ko aer.

Luk 15: 9–10

Būraibōļ eo kein kajilu ekar kōn juon em̧m̧aan me ekar wōr ruo nejin ļaddik. Likao eo edik ekar jab kōņaan mour ippān eo jemān ļo̧k wōt n̄an jidik. Ekar kajjitōk ippān jemān n̄an leļo̧k n̄an e ijo an jān jāān ko an baam̧le eo kiiō. Innām ļeo nejin ekar ilo̧k jān kapijuknen eo im jibadōkļo̧k juon laļ ettoļo̧k.

Luk 15:11-13

Ļeo nejin ekar kōm̧mani jet kāālet ko rekanooj in nana. Ekar jerwane jāān ko jemān ekar liļo̧k n̄an e.

Luk 15:13

Ālkin an aolepān jāān ko an kar maat, ekar lukkuun kwōle. Ejjeļo̧k juon kar leļo̧k n̄an e jabdewōt n̄an m̧ōn̄ā. Āliktata ekar lo juon jerbal naajdik pik ko. Ļeo nejin ekar lukkuun kwōle, ekar ļōkōm̧e an m̧ōn̄ā kijen piik. Ekar jeļā ekar aikuj in bar ro̧o̧l n̄an ippān jemān.

Luk 15: 14–18

Bōtaab ļeo nejin ekar jab jeļā n̄e jemān enaaj kar bar karuwaineneikļo̧k e. Ekar jokāāle enaaj kar kajjitōk ippān jemān eļan̄n̄e emaron̄ in erom juon iaan ro rikarejeran.

Luk 15:17–19

Ke ļeo nejin ekar etetal ļo̧k n̄an m̧weo, jemān ekar loe an itok jān ettoļo̧k. Eo jemā ekar kanooj in m̧ōņōņō, ekar ettōrļo̧k n̄an ippān ļeo nejin!

Luk 15:20

Eo jemān ej likūt pein ioon ļaddik eo nejin im kar mejānmaik e. Ekar jiron̄ ro rikarejeran n̄an bōkļo̧k nuknuk ko rem̧m̧an tata n̄an ļeo nejin im kōpooj juon kōjota. Ekar kōņaan bwe aolep ren keemem im m̧ōņōņō kōnke ļeo nejin ekar jepļaak n̄an kapijuknen.

Luk 15:20–24

Aolepān iien kein, ļeo nejin erūttoļo̧k ekar jerbal ilo meļaaj ko. Ke ekar jepļaak n̄an m̧weo, ekar ron̄ al im eeb. Ekar kajjitōk ippān juon rikarejeran ta eo ej waļo̧k. Rikarejar eo ekar jiron̄ ļein bwe ļaddik eo jatin ekar ro̧o̧lļo̧k n̄an m̧weo, kōn menin raar m̧ōn̄ā im kam̧m̧oolol.

Luk 15:25–27

Ļeo erūtto jein ekar illu. Jemā ekar karuwaineneik e n̄an m̧ōn̄ā, bōtaab ekar jab etal. Ekar jiron̄ jemān bwe ekar jerbal n̄an e elōn̄ iiō ko, bōtaab ejjeļo̧k juon ekar kōm̧m̧an n̄an e juon kōjota. Jemān ekar jiron̄ e, “Elōn̄ iiō kein i ar jerbal n̄an eok,” bōtaab ekar em̧m̧an n̄an m̧ōņōņō n̄e juon ej ukweļo̧k im bar jepļaak n̄an kapijuknene.

Luk 15:28–32