2 Kolinitō 8–13

Te ke lava ʻo kamata mo ha tūkunga hangē ko ʻení:

• Ko e hā ʻoku faʻa faingataʻa ai ke tau ʻiloʻi e founga ke tokoni ai kiate kinautolu ʻoku faingataʻaʻiá?

Lolotonga e fealēleaʻaki ko ʻení, fakaafeʻi e kau akó ke fekumi ki ha tataki fakalaumālie fekauʻaki mo e founga te nau lava ai ʻo fakahoko ha fakafiemālie kiate kinautolu ʻoku nau feohí.

Fakamatalaʻi ange naʻe akonaki ʻa Paula ʻi he 2 Kolinitō 8–9, ki he Kāingalotu Kolinitoó fekauʻaki mo hono tokangaekina ʻo e masivá mo e kakai kehe ʻoku faingataʻaʻiá. Fakaʻaliʻali ʻa e ngaahi fehuʻi mo e potufolofola ko ʻení. Fakaafeʻi e kau akó ke ngāue ʻi ha fanga kiʻi kulupu toko siʻi ke ako e ngaahi potufolofolá mo kumi e ngaahi moʻoni ʻoku tali ai e ngaahi fehuʻi fekauʻakí:

• Ko e hā ha meʻa te u lava ʻo ako mei he Fakamoʻuí fekauʻaki mo e foaki ki he masivá? Lau ʻa e 2 Kolinitō 8:1–5, 9.

• Ko e hā e lahi ʻo e meʻa ʻoku totonu ke u foakí? Lau ʻa e 2 Kolinitō 9:6 (vakai foki, ʻAlamā 1:30).

• Ko e hā e ʻulungaanga ʻoku totonu ke u maʻu ʻi he taimi ʻoku ou foaki ai kiate kinautolu ʻoku faingataʻaʻiá? Lau ʻa e 2 Kolinitō 8:12; 9:7 (vakai foki, Molonai 7:6–8).

• ʻOku fekauʻaki fēfē ʻa e foakí mo e loto-houngaʻiá? Lau ʻa e 2 Kolinitō 9:11–15.

Hili hono ʻoange ha taimi ki he ako fakakulupú, fakaafeʻi e kau akó ke tohi ʻi he palakipoé ʻa e ngaahi moʻoni naʻa nau maʻu ʻoku tokoni ke tali e ngaahi fehuʻí. (ʻE lava ke nau ʻiloʻi ha ngaahi moʻoni hangē ko ʻení: ʻE lava ke tokoni hono maʻu e mahino ki he meʻa kuo foaki mai ʻe he Fakamoʻuí kiate kitautolú ke tau loto-fiemālie ange ke foaki ki he niʻihi kehé. ʻOku finangalo ʻa e ʻOtuá ke tau loto-fiemālie ke foaki neongo kapau ʻoku ʻikai haʻatau meʻa ke foaki. Kapau te tau foaki lahi kiate kinautolu ʻoku faingataʻaʻiá, ʻe tāpuekina lahi kitautolu ʻe he ʻOtuá. ʻOku ʻofa ʻa e ʻOtuá ʻi he tokotaha ʻoku foaki fiefiá. Ko hono fakafiemālieʻi ko ia e fiemaʻu ʻa e niʻihi kehé ko ha founga ia ke fakahā ai ʻetau fakafetaʻi ki he ʻOtuá.)

Fakakaukau ke aleaʻi ha niʻihi ʻo e ngaahi fehuʻí ke tokoni ki he kau akó ke fakaloloto ʻenau mahino ki he ngaahi moʻoni ko ʻení.

• ʻE ueʻi fēfē nai koe ke ke foaki ki he niʻihi kehé ʻi hoʻo fakakaukauloto ki he moʻui mo e misiona ʻo e Fakamoʻuí?

• Te ke angaʻofa fēfē ki he niʻihi kehé kapau ʻoku ʻikai lahi haʻo meʻa ke foaki?

• Ko e hā ha meʻa ʻoku tokoni atu ke ke hoko ko ha tokotaha foaki fiefiá? Kuo tāpuekina fēfē koe ʻe ha tokotaha foaki fiefia?

• Ko e hā ha founga ʻoku hoko ai e foaki ki he niʻihi kehé ko hano fakahaaʻi ʻo e houngaʻia ki he ʻOtuá?

Te mou lava ʻo aleaʻi fakataha ha ngaahi founga pau te tau lava ai ʻo muimui ki he fekau ʻa e ʻEikí ke tokangaekina ʻa kinautolu ʻoku faingataʻaʻiá. Te ke lava ʻo fakaafeʻi e kau akó ke nau vahevahe ha ngaahi sīpinga kuo nau mamata ai ʻi heʻenau moʻuí, ko ha konga ʻo e fealēleaʻaki ko ʻení.

Fakakaukau ke fakaʻosi ʻa e ʻekitivitī ko ʻení ʻaki hano vahevahe ʻa e fakamatala ko ʻeni ʻa Palesiteni Sefilī R. Hōlaní:

ʻOku ʻikai ke u ʻiloʻi pau pe ʻe anga fēfē haʻamou takitaha fakahoko homou fatongia kiate kinautolu ʻoku ʻikai pe ʻikai ke nau lava ʻo tokoniʻi kinautolú. Ka ʻoku ou ʻiloʻi ʻoku ʻafioʻi ia ʻe he ʻOtuá, pea te Ne tokoniʻi mo tataki koe ʻi he ngāue ʻofa ʻo e tuʻunga faka-ākongá kapau ʻokú ke holi mo lotua mo feinga maʻu pē ke tauhi ha fekau kuó Ne toutou ʻomai kiate kitautolu. (“ʻIkai ko e Kau Kolekole Kotoa pē Kitautolu?,” Liahona, Nōvema 2014, 41)

ʻOange ha taimi ki he kau akó ke nau fakalaulauloto ki he meʻa te nau lava ʻo fakahoko fakataautaha ke tokoni ki ha taha ʻoku faingataʻaʻia. Poupouʻi e kau akó ke lekooti ʻenau palaní.

Foki ki he “Ngaahi ʻEkitivitī Ako ke Fili Mei Aí.”

Te ke lava ʻo kamata ʻaki ʻa e tūkunga ko ʻení:

• Ko e hā ha ngaahi palopalema ʻokú ke vakai ki ai ʻi he founga ʻa Melé?

• ʻE iku fēfē nai ʻa e founga ko ʻení ki he kākaá?

Fakamatalaʻi ange ʻi he kuonga ʻo Paulá, naʻe fehangahangai ha niʻihi ʻo e Kāingalotu ʻi Kolinitoó mo ha kau ʻaposetolo loi naʻa nau kākaaʻi ʻa e kakaí.

Fakaafeʻi e kau akó ke lau ʻa e 2 Kolinitō 11:3–4, 13–15, ʻo kumi e founga ʻoku feinga ai ʻa Sētane ke kākaaʻi kitautolú.

• Fakatatau kia Paula, ko e hā ha founga ʻe lava ke kākaaʻi ai kitautolu? (ʻE lava ke ʻiloʻi ʻe he kau akó ha moʻoni hangē ko ʻení: ʻOku fakaʻaongaʻi ʻe Sētane ʻa e kau faiako loí mo e ngaahi founga kākaá ke tataki kitautolu meia Sīsū Kalaisi.)

• ʻE maluʻi fēfē nai kitautolu mei he kākaá ʻe he kau ʻAposetolo ʻa e ʻEikí, hangē ko Paulá?

• Kuo tokoniʻi fēfē nai koe ʻe he kau palōfita mo e kau ʻaposetolo moʻui ʻa e ʻEikí ke ke fakaʻehiʻehi mei he kākaá? Kuo nau pukepuke fēfē koe ke ke tokanga taha kia Sīsū Kalaisí?

Fakaafeʻi e kau akó ke fakakaukauloto ko Mele kinautolu, pea ʻoku nau tafoki ki he kau palōfita mo e kau ʻaposetolo ʻa e ʻEikí kae ʻikai ke fakafanongo mo lau e ngaahi fakamatala fakafepakí. Te ke lava ʻo ʻai ke vakai ʻa e kau akó ki he Gospel Library pea fekumi ʻi he taha ʻo e ngaahi maʻuʻanga tokoni ko ʻení ke vakai ki he meʻa ʻoku akoʻi ʻe he kau palōfitá mo e kau ʻaposetoló fekauʻaki mo Sīsū Kalaisí:

• “Ngaahi Fakamoʻoni Makehe ʻo Kalaisi”

• “Ko e Kalaisi Moʻuí: Ko e Fakamoʻoni ʻa e Kau ʻAposetoló”

• Ko e tefito “Sīsū Kalaisi” ʻi he Konifelenisi Lahí

Hili ha taimi feʻunga, fakaafeʻi e kau akó ke vahevahe ʻi ha hoa pe mo e kalasí ʻa e meʻa ne nau maʻú. Te ke lava ʻo ʻeke ha ngaahi fehuʻi hangē ko ʻení:

• Ko e hā naʻe akoʻi atu ʻe he pōpoaki naʻá ke akó ʻo fekauʻaki mo Sīsū Kalaisí?

• Naʻe tākiekina fēfē ʻe he meʻa naʻá ke laú ʻa hoʻo ngaahi fakakaukau pe ongo fekauʻaki mo e Fakamoʻuí?

• Kuo tokoniʻi fēfē koe ʻi hono lau e ngaahi lea ʻa e kau palōfita mo e kau ʻaposetolo ʻa e ʻEikí ke mahino kiate koe ʻa e moʻoni fekauʻaki mo Sīsū Kalaisí? Kuó ne maluʻi fēfē koe mei he kākaá?

Ke fakaʻosí, te ke lava ʻo fakaʻaliʻali e fakamatala ko ʻeni ʻa Palesiteni Lāsolo M. Nalesoní:

ʻOku ʻikai ha ngataʻanga ia ki he ngaahi kākā ʻa e filí. Kātaki ka ke tuʻu mateuteu. ʻOua naʻá ke teitei maʻu faleʻi meiate kinautolu ʻoku ʻikai tuí. Kumi faleʻi mei he ngaahi leʻo te ke lava ʻo falala ki aí—mei he kau palōfitá, kau tangata kikité, mo e kau maʻu fakahaá pea mei he fanafana ʻa e Laumālie Māʻoniʻoní ʻa ia “te ne fakahā kiate kimoutolu ʻa e meʻa kotoa pē ʻoku totonu ke mou faí” [2 Nīfai 32:5; tānaki atu hono fakamamafaʻí]. (“Fakakaukau Fakasilesitiale!,” Liahona, Nōvema 2023, 119)

Poupouʻi e kau akó ke nau fakakaukau ki he meʻa te nau lava ʻo fai ke hoko ai e ngaahi lea ʻa e kau palōfitá mo e kau ʻaposetoló ko ha konga mahuʻinga ange ʻo ʻenau moʻuí.

Foki ki he “Ngaahi ʻEkitivitī Ako ke Fili Mei Aí.”

Fakaafeʻi e kau akó ke vahevahe ha ngaahi faingataʻa pe vaivai ʻoku fepaki mo e kakai lalahi kei talavoú. Hiki ʻenau talí ʻi he palakipoé. Hili iá pea ʻoange ha taimi ki he kau akó ke nau fakakaukau ai ki ha faingataʻa pe vaivai fakataautaha ʻoku nau feinga ke ikunaʻi. Fakaafeʻi kinautolu ke nau manatuʻi maʻu pē honau faingataʻa pe vaivai fakatāutahá lolotonga e ʻekitivitī ako ko ʻení pea lekooti ha faʻahinga ueʻi pē ʻoku nau maʻu.

Fakamatalaʻi ange naʻe fakamatala e ʻAposetolo ko Paulá ʻi he 2 Kolinitō 12:1–6, ki ha meʻa-hā-mai fakaofo naʻá ne mamata ai. Hili ʻene talanoa fekauʻaki mo e meʻa-hā-mai ko ʻení, naʻá ne talanoa leva fekauʻaki mo ha vaivai naʻá ne fehangahangai mo ia. Fakaafeʻi e kalasí ke lau ʻa e 2 Kolinitō 12:7–10, ʻo kumi e founga naʻe fakamatalaʻi ʻaki ʻe Paula hono vaivaí. ʻI hono vahevahe ʻe he kau akó ʻa e meʻa naʻa nau maʻú, fakakaukau ke fakaʻaliʻali ha fakatātā ʻo ha ʻakau talatala hangē ko ʻení:

• Ko e hā ha meʻa ʻokú ke mahuʻingaʻia ai fekauʻaki mo hono fakahoa ʻe Paula hono faingataʻá pe vaivaí ki ha “tolounua ʻi he kakanó”? (veesi 7). (Fakatokangaʻi ange: ʻE ala tokoni ke fakamatalaʻi e ngaahi lea faingataʻá mo vahevahe ʻa e fakamatala “2 Kolinitō 12:7–9: Ko e hā ʻa e tolounua naʻe faingataʻaʻia ai ʻa Paulá?” ʻi he Ngaahi Tokoni Fakafolofolá: Fuakava Foʻoú.)

Fakaafeʻi e kau akó ke lau ʻa e 2 Kolinitō 12:8–10, ʻo kumi e meʻa naʻe ako ʻe Paula ʻi heʻene kole tokoni mei he ʻEikí.

• Ko e hā naʻá ke ako fekauʻaki mo e faingataʻaʻia ʻa Paulá?

• Ko e hā e ngaahi kupuʻi lea naʻá ke mahuʻingaʻia taha aí? Ko e hā hono ʻuhingá? (Te ke lava ʻo fakaafeʻi e kau akó ke fili ha kupuʻi lea ʻokú ne tākiekina kinautolu pea fakaʻaongaʻi ha ngaahi miniti siʻi ke ako maʻuloto ia. ʻE ala hoko ʻeni ko ha feituʻu ʻaonga ke akoako ai e taukei ko e “Ko e Ako Maʻuloto ʻa e Folofolá” ʻi he Ngaahi Taukei Ako Folofolá).

• Ko e hā ha ngaahi moʻoni naʻá ke ako fekauʻaki mo e Fakamoʻuí mei he aʻusia ʻa Paulá? (ʻE lava ke ʻiloʻi ʻe he kau akó ha ngaahi moʻoni hangē ko ʻení: ʻOku feʻunga ʻa e ʻaloʻofa ʻa Sīsū Kalaisí ke fakamālohia kitautolu ʻi hotau ngaahi vaivaí. ʻOku ʻikai ke toʻo maʻu pē ʻe he ʻEikí hotau ngaahi faingataʻaʻiá, ka te Ne fakamālohia kitautolu ke tau kātakiʻi kinautolu ʻi he faivelenga.)

• ʻE tokoni fēfē hono ʻiloʻi e ngaahi moʻoni ko ʻení ki he founga hoʻo fakafeangai ki hoʻo ngaahi vaivai pe tōnounou fakatāutahá?

ʻE lava ke faʻu ʻe he kau akó ha fanga kiʻi kulupu toko siʻi pea ako ʻa e “ʻAloʻofá” ʻi he Ngaahi Tefitó mo e Ngaahi Fehuʻí (Gospel Library). Fakaafeʻi kinautolu ke kumi e ngaahi ʻuhinga ʻoku feʻunga ai e ʻaloʻofa ʻa e Fakamoʻuí kiate kinautolú. Hili hono vahevahe ʻe he kau akó ʻa e meʻa ʻoku nau maʻú, fakakaukau ke aleaʻi fakataha e ngaahi fehuʻi ko ʻení ko ha kalasi:

• Ko e hā ha meʻa kuó ke ako fekauʻaki mo e Fakamoʻuí he ʻahó ni ʻokú ne fakalotolahiʻi pe tokoniʻi koe?

• Ko e fē ha taimi kuó ke ongoʻi ai hono fakamālohia koe ʻe Sīsū Kalaisi ʻi ho ngaahi vaivaí? (Ke hoko ko ha konga ʻo homou fealeaʻaki ʻi he fehuʻi ko ʻení, fakakaukau ke mou mamata ʻi he vitiō “Let God Guide You: From Weakness to Strength” [6:06]. Fakaafeʻi e kau akó ke kumi pea aleaʻi e founga naʻe fakatātaaʻi ai e ngaahi akonaki ʻa Paula mei he 2 Kolinitō 12 mei he vitiō ko ʻení.)

  

  6:7

Te ke lava ʻo fakaʻosi ʻaki hono vahevahe ʻa e fakamatala ko ʻeni meia Pīsope Sēlati Kōseí:

Ko e ʻOtuá ʻoku ʻikai ko ha ʻOtua ia ʻo e kau moʻungaʻi tangata, pe ʻo e kakai ʻoku ʻikai haʻanau ngaahi vaivaí. ʻOku ʻikai ke ʻi ai ha faʻahinga kakai pehē! ʻOku tokoniʻi ʻe he ʻOtuá ʻa e kakai hangē ko koe mo aú, ʻa kinautolu ʻoku nau ʻiloʻi honau ngataʻangá mo e vaivai honau tuʻungá pea fekumi ki Heʻene tokoní mo e fakahinohinó. …

… ʻI hoʻo … tuku hoʻo falalá ki he ʻEikí, te ke vakai ki he liliu hoʻo ngaahi vaivaí ki he mālohingá ʻo fakafou ʻi he mālohi mo e ʻaloʻofa ʻo ʻEne Fakaleleí. (“For When I Am Weak, Then Am I Strong” [Brigham Young University devotional, Dec. 3, 2013], 3, 6–7, speeches.byu.edu)

ʻOange ha taimi ki he kau akó ke fakakaukau ki he founga te nau lava ai ʻo fakaʻaongaʻi e ngaahi moʻoni kuo nau akó ki honau ngaahi tūkunga fakatāutahá. Poupouʻi kinautolu ke lekooti ʻenau palaní mo e ngaahi ongo fakalaumālie kuo nau maʻú.

Foki ki he “Ngaahi ʻEkitivitī Ako ke Fili Mei Aí.”