Kalētia

Fakakaukau ke vahevahe ʻa e ngaahi tūkunga ko ʻení: Fakaafeʻi e kau akó ke nau fakakaukau ki ha ngaahi taimi naʻa nau aʻusia ai ha meʻa tatau.

• ʻOkú ke pehē ko e hā e ongo ʻa Kālosí?

Fakamatalaʻi ange naʻe faʻa fehangahangai e Kāingalotu ʻi Kalētiá mo e ngaahi akonaki naʻe fepaki mo e ongoongolelei ʻo Sīsū Kalaisi naʻe akoʻi ʻe Heʻene kau palōfitá. Fakaafeʻi e kau akó ke kumi hanau hoa peá na lau fakataha e Kalētia 1:1–12. Fakaafeʻi leva ke nau aleaʻi mo honau hoá ʻa e founga ʻe lava ke fakaʻaongaʻi ai e pōpoaki ʻa Paula ki he kakai Kalētiá ki he tūkunga ʻo Kālosí.

Hili e fealēleaʻaki ʻa e kau akó, fakakaukau ke fakaafeʻi ha niʻihi ʻo e kau akó ke nau vahevahe mo e kalasí ʻa e meʻa naʻa nau akó. ʻE lava foki ke mou aleaʻi ʻa e ongo fehuʻi ko ʻení:

• ʻOku kaunga fēfē nai ʻa e faleʻi ʻa Paulá ki hoʻo moʻuí?

• Fakatatau ki he veesi 1 mo e 11–12, ko e hā te tau lava ai ʻo falala ki he meʻa ʻoku akoʻi ʻe he kau ʻAposetolo ʻa e ʻEikí? (Tokoniʻi e fānau akó ke nau ʻiloʻi ha foʻi moʻoni hangē ko ʻení: Te tau lava ʻo falala ki he kau ʻAposetolo ʻa e ʻEikí koeʻuhí naʻe hanga ʻe he ʻEikí ʻo fakahā ʻEne ongoongoleleí kiate kinautolu.)

• Ko e hā ha ngaahi founga ʻoku maluʻi ai koe ʻi he taimi ʻokú ke fakamuʻomuʻa ai e ngaahi akonaki ʻa e Kau ʻAposetolo moʻui ʻa e ʻEikí?

Fakakaukau ke vahevahe ʻa e fakamatala ko ʻeni meia Sisitā Carol F. McConkie:

ʻOku tau poupouʻi … [ʻa e Kau Palesitenisī ʻUluakí] mo e Kōlomu ʻo e Kau ʻAposetolo ʻe Toko Hongofulu Mā Uá ko e kau palōfita, kau tangata kikite, mo e kau tangata maʻu fakahā. “ʻOku nau maʻu ʻa e totonu, mālohi, mo e mafai ke talaki ʻa e fakakaukau mo e finangalo [ʻo e ʻEikí] … , ʻi he malumalu ʻo e … Palesiteni ʻo e Siasí.” ʻOku nau lea ʻi he huafa ʻo Kalaisí. ʻOku nau kikite ʻi he huafa ʻo Kalaisí. ʻOku nau fakahoko e meʻa kotoa ʻi he huafa ʻo Sīsū Kalaisí. ʻOku tau ongoʻi e leʻo ʻo e ʻEikí mo e ʻofa ʻa e Fakamoʻuí ʻi heʻenau ngaahi leá. …

ʻI heʻetau lau mo ako ʻi he faʻa lotu mo e loto fakamātoato ʻa e lea fakapalōfitá ʻi he tui kia Kalaisí, ʻe fakahā ʻe he Laumālie Māʻoniʻoní ʻa e moʻoní ki hotau ʻatamaí mo e lotó. ʻOfa ke tau fakaava hotau telingá ke ongoʻi, mo hotau lotó ke ʻiloʻi, pea mo hotau ʻatamaí ke lava ʻo fakahā kiate kitautolu ʻa e ngaahi meʻa lilo ʻa e ʻOtuá. (“Moʻui ʻo fakatatau mo e Lea ʻa e Kau Palōfitá,” Liahona, Nōvema 2014, 77, 79)

Fakaafeʻi e kau akó ke nau fakakaukau ki ha meʻa naʻa nau toki ako kimuí ni mei he kau palōfita mo e kau ʻaposetolo ʻa e ʻEikí, kuó ne tokoniʻi kinautolu. Te ke lava ke ʻeke ange:

• Kuo maluʻi fēfē koe ʻe he ngaahi akonaki ʻa e kau palōfita mo e kau ʻaposetolo ʻa e ʻEikí mei he ngaahi kākā ʻa e māmaní?

• Kuo tokoniʻi fēfē koe ʻe heʻenau ngaahi akonakí ke ke ikunaʻi ʻa e veiveiuá pe puputuʻú?

• Kuo tokoni fēfē ʻenau ngaahi akonakí ke mahino lelei ange ai kiate koe ʻa e ʻuhinga totonu ʻo e ongoongolelei ʻa e Fakamoʻuí?

Fakaafeʻi ʻa e kau akó ke vahevahe ʻenau ngaahi aʻusiá.

Fakaʻosi ʻa e ʻekitivitií ʻaki hano fakaafeʻi ha toko taha pe toko ua ʻo e kau akó ke vahevahe ʻena fakamoʻoni ki he mahuʻinga ʻo hono ako mo muimui ki he meʻa ʻoku akoʻi ʻe he kau palōfita mo e kau ʻaposetolo ʻa e ʻEikí. Fakaafeʻi e kau akó ke nau fakakaukau ki he meʻa te nau lava ʻo fai ke fakamuʻomuʻa ange ai ʻi heʻenau moʻuí e folofola ʻa e ʻEikí ʻoku ʻomai ʻe Heʻene kau palōfitá.

Foki ki he “Ngaahi ʻEkitivitī Ako ke Fili Mei Aí.”

Te ke lava ke kamata ʻa e ʻekitivitī ako ko ʻení ʻaki hano vahevahe ʻa e tūkunga ko ʻení:

• Ko e hā nai ha ngaahi fakakaukau hala naʻe maʻu ʻe Sione ki he ʻOtuá?

• Ko e hā te ke fiemaʻu ke mahino kia Sione ʻo kau ki he ʻOtuá?

Fakaafeʻi e kau akó ke nau fakakaukau ki ha ngaahi taimi naʻa nau ongoʻi tatau ai mo Sione. Fakamatalaʻi ange naʻe akoʻi ʻe Paula ʻi heʻene tohi ki he kakai Kalētiá ha ngaahi tefitoʻi moʻoni mahuʻinga ʻo kau ki he founga te tau lava ai ʻo tuʻu taʻehalaia mo loto-falala ʻi he ʻao ʻo e ʻOtuá. ʻOange ki he kau akó ʻa e laʻipepa tufa “ʻE Lava Fēfē Ke Fakatonuhiaʻi Kitautolu ʻi he ʻao ʻo e ʻOtuá?,” pea fakaafeʻi ke nau kumi e ngaahi moʻoni ʻe lava ʻo tokoni kia Sioné. ʻE lava ʻe he kau akó ke fakahoko fakafoʻituitui pe fakakulupu iiki ʻeni.

Hili hono maʻu ʻe he kau akó ha taimi ke nau fealeaʻaki ai, fakaafeʻi leva ke nau vahevahe ‘enau ngaahi talí. Tokoniʻi ke nau ʻiloʻi ʻa e moʻoni ko ia ʻoku fakatonuhiaʻi kitautolu ʻi he ʻao ʻo e ʻOtuá ʻe heʻetau tui kia Sīsū Kalaisí pea mo e faivelenga ʻa Kalaisí. (Fakakaukau ke mou lau fakataha ʻa e Kalētia 2:15–16. ʻOku fakatonuhiaʻi fēfē kitautolu ʻe he ʻtui ʻa Sīsū Kalaisíʻ?” ʻi he Ngaahi Tokoni Fakafolofolá: Fuakava Foʻoú.)

Mahalo ʻe tokoni ke vahevahe ʻa e lea ko ʻeni ʻa ʻEletā D. Todd Christofferson ko ha konga ʻo hoʻomou fealēleaʻakí:

Ko e fakatonuhiaʻí mo e fakamāʻoniʻoniʻí ko e fua ia ʻo e “angamaʻa taʻefakangatangata” ʻo e Fakaleleí ʻa ia ko e angamaʻa ʻoku tau toe ui ko e ʻaloʻofá pe manavaʻofá. …

Ko ia ai, ʻoku ʻikai ko ʻetau maʻu pē ʻa e ngaahi meʻafoaki ko ʻení, ka ʻoku tau fili ke fekumi mo tali ʻa e fakatonuhiá mo e fakamāʻoniʻoniʻí. Koeʻuhí naʻe totongi ʻe he Fakamoʻuí ʻetau ngaahi angahalá mo totongi ʻa e fakamaau totonú maʻatautolu, ʻoku tau moʻua ai kiate Ia kae ʻikai ko e fakamaau totonú. Ko ia, kuo pau ke tau feau ʻa e ngaahi fiemaʻu kuó Ne fokotuʻu ki he fakamolemolé mo e fakamaʻá. … Kuo pau ke fili ʻe ha taha ʻa Kalaisi ke ne maʻu ʻa e meʻa ʻoku foaki ʻe Kalaisí. (“Justification and Sanctification,” Ensign, June 2001, 18, 23)

Fakakaukau ki he founga ʻe lava ai ʻe he ngaahi fehuʻi ko ʻení ʻo fakalahi ai e mahino ʻa e kau akó ki he fakatonuhiaʻí:

• Te tau maʻu fēfē ha nonga mo e ʻamanaki lelei ʻi hono maʻu e mahino ki he fatongia ʻo e Fakamoʻuí ʻi he fakatonuhiaʻí kae ʻikai ko e loto-hohaʻá mo e taʻepaú?

• Ko e hā hoʻo ongo ki he Fakamoʻuí, ʻi hoʻo ʻiloʻi naʻá Ne mamahi koeʻuhí ko hoʻo ngaahi angahalá kae lava ke fakatonuhiaʻi koe ʻi he ʻao ʻo e ʻOtuá?

• Ko e hā te ke lava ʻo fai ke fakahaaʻi ai hoʻo houngaʻia kia Sīsū Kalaisí ʻi he meʻa ʻokú Ne finangalo ke fai maʻaú? (ʻE lava ke lekooti ʻe he kau akó ʻenau ngaahi fakakaukaú.)

Foki ki he “Ngaahi ʻEkitivitī Ako ke Fili Mei Aí.”

Fakaʻaliʻali ʻa e fakatātā ko ʻení pea lau fakataha ʻa e Kalētia 5:16–17. Fakaafeʻi e kau akó ke na vahevahe e founga ʻe lava ke fakaʻaongaʻi ai e fakatātā ko ʻeni ʻo ha taufusi maea ke ne fakafofongaʻi e pōpoaki ʻa Paulá.

• ʻOkú ke pehē ko e hā ʻoku foua ai ʻe he kakai kotoa pē ʻa e fefaʻuhi ʻi he kakanó mo e Laumālié?

Te mou lava ʻo lau fakataha ʻa e lea ko ʻeni ʻa ʻEletā Tēvita A. Petinā:

Koeʻuhí ko e ngaahi foha mo e ʻofefine kitautolu ʻo e ʻOtuá, kuo tau maʻu e anga fakalangí meiate Ia. Ka ʻoku tau lolotonga nofo ʻi ha māmani hinga. Ko e ngaahi meʻa ne faʻu ʻaki hotau sinó ʻoku fakanatula pē ia ke hinga mo fefaʻuhi maʻu pē mo e ivi tākiekina ʻo e angahalá, kākaá mo e maté. Ko hono moʻoní, ʻoku uesia hangatonu hotau ngaahi sino fakamāmaní ʻe he nunuʻa fakalaumālie mo fakatuʻasino ʻo e Hinga ʻa ʻĀtamá. (“ʻOku Mau Tui ki he Angamaʻá,” Liahona, Mē 2013, 42–43)

• Ko e hā naʻá ke ako meia ʻEletā Petinā ʻo kau ki he fefaʻuhi ʻa e kakanó mo e Laumālié?

Fakakaukau ke fakaafeʻi e kau akó ke nau ngāue fakahoa. ʻOange ki he hoa takitaha ha laʻipepa (pe tuku ke nau fakaʻaongaʻi ha meʻangāue fakaʻilekitulōnika). Tuku ke nau hiki ha ʻuluʻi tohi ʻe ua ʻi he laʻipepá: Ngaahi Fua ʻo e Laumālié mo e Ngaahi Holi ʻo e Kakanó. Fakaafeʻi e kau akó ke nau ako ʻa e Kalētia 5:18–26 pea hiki ha ngaahi foʻi lea pe kupuʻi lea ʻi lalo ʻi he ʻuluʻi tohi totonú. (Poupouʻi e kau akó ke nau fakaʻaongaʻi ʻa e konga ko e “Fakamatalaʻí” ʻi he Gospel Library ke tokoniʻi ke mahino kiate kinautolu ha faʻahinga foʻi lea ʻoku ʻikai ke mahino kiate kinautolu.) Tuku ke aleaʻi ʻe he kau akó mo honau hoá ʻa e ngaahi foʻi lea pe kupuʻi lea naʻe makehe kiate kinautolú pea mo hono ʻuhingá.

Fakakaukau ke aleaʻi fakakalasi ʻa e ngaahi fehuʻi ko ʻení:

• Ko e hā ʻe lava ke faingataʻa ai e fakaʻehiʻehi mei he “ngaahi ngāue ʻo e kakanó”? (veesi 19).

• Fakatatau ki he lau ʻa Paulá, te tau lava fēfē ʻo ikunaʻi ʻa e ngaahi holi ʻo e kakanó? (ʻE lava ke ʻiloʻi ʻe he kau akó ha moʻoni hangē ko ʻení: ʻI heʻetau ʻaʻeva ʻi he Laumālié, te tau lava ʻo ikunaʻi ʻa e ngaahi ʻahiʻahi ʻo e kakanó.)

• ʻOkú ke pehē ʻoku ʻuhinga ki he hā ke “ʻaʻeva ʻi he Laumālié”? (veesi 25).

ʻE lava ke fokotuʻu ʻe he kau akó ha fanga kiʻi kulupu iiki pea vahevahe ha ngaahi aʻusia ki ha taimi naʻa nau ongoʻi ai e ngaahi fua ʻo e Laumālié ʻoku lisi ʻi he veesi 22–23. Pe ko e lava ke lekooti ʻe he kau akó ha aʻusia kimuí ni ʻi he Laumālié, pea te ke lava leva ʻo fakaafeʻi ha kau ako ʻe niʻihi ʻoku nau loto fiemālie ke vahevahe ʻa e meʻa naʻa nau tohí.

• Kuo tākiekina fēfē ʻe hoʻo aʻusia e ngaahi fua ʻo e Laumālié ho vā mo e Tamai Hēvaní mo Sīsū Kalaisí?

Ke fakaʻosi ʻa e ʻekitivitií, te ke lava ʻo kole ki he kau akó ke nau fakakaukau ki he meʻa te nau fai ke fiefia lahi ange ʻi heʻenau moʻuí mei he ngaahi fua ʻo e Laumālié.

Foki ki he “Ngaahi ʻEkitivitī Ako ke Fili Mei Aí.”

Te ke lava ʻo fakaʻaliʻali ʻa e ʻīmisi ko ʻení pea fakaafeʻi ha kau ako ʻe niʻihi ke nau vahevahe ha pōpoaki ʻoku nau sio ʻoku fakafofongaʻi mai.

Fakamatalaʻi ange ʻoku poupouʻi ʻe Paula ʻi he Kalētia 6, ke ʻaʻeva ʻa e Kāingalotú ʻi he Laumālié mo tokoni ke fefuaʻaki ʻenau ngaahi kavengá. Naʻá ne akoʻi leva ha lēsoni mahuʻinga ʻo fakaʻaongaʻi ʻa e fakatātā ʻo e toó mo e ututaʻú. Fakamahinoʻi ange naʻe ngāue ʻaki ʻe Paula ʻa e ngaahi foʻi lea ko e tūtuuʻi (tō) mo e utu (ututaʻu).

Fakaafeʻi e kau akó ke nau ako ʻa e Kalētia 6:7–10, ʻo kumi ʻa e lēsoni naʻe akoʻi ʻe Paula ʻo fakaʻaongaʻi ʻa e fakatātā ʻo e tūtūʻí mo e utú.

• Ko e hā e pōpoaki ʻa Paula ʻi he veesi 7?

  Te ke lava ʻo tuku ki he kau akó ke nau hiki ʻi he palakipoé haʻanau fakaʻuhinga ki he pōpoaki ʻa Paulá. Hangē ko ʻení: ʻOua naʻá ke kākaaʻi koe. He ʻikai lava ke manukiʻi ʻa e ʻOtuá. Ko e meʻa ʻokú ke maʻu mei hoʻo moʻuí (ututaʻu) ʻa e meʻa ko ia ʻoku ke fakahū ki hoʻo moʻuí (tō).

• Ko e hā ha ngaahi sīpinga ʻo e ngaahi moʻoni ko ʻení ʻi heʻetau moʻui fakaʻahó?

• Ko e hā e faikehekehe ʻo e tūtuuʻi ke fakahōhōʻiaʻi e kakanó mo e tūtuuʻi ke fakahōifua ki he Laumālié?

• ʻOkú ke pehē ko e hā e ʻuhinga ke “ʻoua naʻa tau fiu ʻi he fai leleí”? (veesi 9).

ʻE ala tokoni ʻa e fakakaukau ki he founga ʻoku hoko ai ʻa Sīsū Kalaisi ko e sīpinga haohaoa ʻo e ʻikai ke foʻi ʻi he fai leleí.

ʻOange ha faingamālie ki he kau akó ke nau fakakaukau ki he founga te nau lava ai ʻo fakaʻaongaʻi ʻi heʻenau moʻuí ʻa e ngaahi moʻoni kuo nau akó. Ko e founga ʻe taha ke fai ai ʻení ko hono ʻoange ki he kau akó ʻa e laʻipepa tufa “ʻOku Taki Au ki fē ʻe Heʻeku Ngaahi Fakakaukaú mo e Tōʻongá?” pea ʻoange ha taimi ke nau fakakakato ia.

Foki ki he “Ngaahi ʻEkitivitī Ako ke Fili Mei Aí.”