1 ug 2 Mga Taga-Tesalonica

Ikonsiderar ang pagsugod pinaagi sa pagpakigbahin sa mosunod nga pamahayag ni Elder Gerrit W. Gong:

Isip mga sumusunod ni Jesukristo, tinguha nato nga makaalagad sa uban sama sa Iyang pagabuhaton kay dunay mga kinabuhi nga naghulat aron mausab. (“Pagpangalagad,” LiahonaMayo 2023, 16)

Dapita ang mga estudyante sa paghunahuna mahitungod sa ilang mga paningkamot karon sa pagpangalagad sa uban. Mahimo usab silang mokonsiderar sa ilang mga pangutana o mga kabalaka mahitungod sa pagpangalagad. Awhaga sila samtang magtuon sila sa paghatag og pagtagad kon unsa ang matudlo sa Espiritu kanila mahitungod sa pagpangalagad sa uban sama sa Manluluwas.

Aron matabangan ang mga estudyante nga makasabot sa konteksto sa mga pagtulun-an ni Pablo diha sa 1 Mga Taga-Tesalonica, ikonsiderar ang pagpakigbahin sa mosunod nga summary:

Dapita ang mga estudyante sa pagtuon sa 1 Mga Taga-Tesalonica 2:7–14; 3:6–13. Awhaga sila sa pag-ila ug pagmarka sa hugpong sa mga pulong nga naghulagway sa Kristohanong pagpangalagad. Aron matabangan ang mga estudyante sa pagpakigbahin sa unsay ilang nakaplagan, mahimong mangutana kamo nila sama sa mosunod:

• Unsa ang pipila ka panig-ingnan sa Kristohanong pagpangalagad nga nakita ninyo niini nga mga bersikulo?

• Unsay inyong nakat-onan gikan niini nga mga bersikulo mahitungod sa posibleng epekto sa Kristohanong pagpangalagad ngadto sa uban? (Kon gikinahanglan, mahimo ninyong ipabasa og balik sa mga estudyante ang 1 Mga Taga-Tesalonica 2:13–14. Ang mga estudyante mahimong moila og usa ka kamatuoran sama sa mosunod: Samtang mangalagad kita sa uban diha sa gugma, matabangan nato sila nga mahimong mas maayong mga sumusunod ni Jesukristo.)

Ipasabot nga agig dugang ngadto sa atong mga buluhaton kinahanglan kitang mangalagad diha sa atong mga ward o mga branch, kita adunay mas daghan pang mga kahigayonan sa pagpangalagad sa atong adlaw-adlaw nga kinabuhi.

• Unsa ang ubang piho nga mga paagi nga makapangalagad kita sa uban sama sa Manluluwas? (Isip kabahin sa inyong panaghisgot, ikonsiderar ang pagdapit og estudyante sa pagbasa sa mosunod nga pamahayag ni Sister Jean B. Bingham):

Ang yanong mga buhat sa serbisyo mahimong adunay lawom nga mga epekto sa uban—ingon man sa atong mga kaugalingon. Unsa ang gibuhat sa Manluluwas? Pinaagi sa Iyang balaang mga gasa sa Pag-ula ug Pagkabanhaw … “walay lain nga adunay labaw ka mahinungdanong impluwensya [diha] sa tanan kinsa nakapuyo na ug kinsa magpuyo pa dinhi sa yuta” [“Ang Buhi nga Kristo,” Librarya sa Ebanghelyo]. Apan Siya usab mipahiyom ni, nakigsulti uban ni, nakiglakaw kauban ni, naminaw ngadto ni, mihatag og oras alang ni, miawhag, mitudlo, mipakaon, ug mipasaylo. Managsama Niyang giserbisyohan ang pamilya ug mga higala, mga silingan ug dili kaila, ug gidapit Niya ang mga kaila ug mga minahal sa pagpahimulos sa buhong nga mga panalangin sa Iyang ebanghelyo. Kadtong “yano” nga mga buhat sa serbisyo ug gugma naghatag og sumbanan alang sa atong pagpangalagad karon. (“Pagpangalagad sama sa Gibuhat sa Manluluwas,” Liahona, Mayo 2018, 104)

• Unsa ang ubang mga higayon nga ang Manluluwas mahigugmaong nangalagad sa uban? (Ikonsiderar ang paghatag sa mga estudyante og panahon sa pagsiksik sa mga kasulatan aron sa pagpangita og mga panig-ingnan. Mahimo kang mag-display og pipila ka pakisayran sa kasulatan alang sa mga estudyante nga nagkinahanglan og tabang, sama sa Marcos 2:14–17; Juan 8:1–11; 3 Nephi 17:1–9. Ang mga estudyante mahimong maghisgot kauban sa gamay nga grupo kon unsa ang ilang nakaplagan.)

Dapita ang mga estudyante sa paghunahuna sa mga panahon nga ang ubang tawo mahigugmaong nangalagad ngadto nila. Makahangyo ka og pipila ka estudyante sa pagpakigbahin sa ilang mga kasinatian ug kon giunsa niadto nga mga kasinatian pagtabang kanila nga mahimong mas maayo nga mga sumusunod ni Jesukristo.

Taposa pinaagi sa pagdapit sa mga estudyante nga mainampoong magtinguha sa tabang sa Langitnong Amahan aron mahibaloan kinsa ang buot Niya nga pangalagaran nila karong adlawa ug unsaon. Dapita sila sa pagrekord sa ilang mga espirituwal nga mga impresyon.

Balik ngadto sa “Mga Opsiyon nga Kalihokan sa Pagkat-on.”

Pagpakita og hulagway nga nagpakita sa Ikaduhang Pag-anhi ni Jesukristo, sama sa anaa sa sinugdanan sa leksiyon. Dayon dapita ang mga estudyante sa paghisgot sa mosunod nga pangutana kauban sa inyong kapares o sa gamay nga grupo:

• Unsang mga hunahuna, mga pangutana, o mga kabalaka ang mosantop sa inyong hunahuna kon maghunahuna mo mahitungod sa Ikaduhang Pag-anhi ni Jesukristo?

Ipasabot nga, sama sa kadaghanan sa atong panahon, ang mga Santos nga taga-Tesalonica adunay mga pangutana ug mga kabalaka mahitungod sa Ikaduhang Pag-anhi sa Manluluwas. Base sa mga pagtulun-an ni Pablo dinhi niini nga mga kapitulo, mahimong daghan silag mga pangutana sama nianang nakalista sa mosunod nga kalihokan sa pagtuon. Ikonsiderar ang pagpakita niini nga mga pangutana ug ang nag-uban nga mga pakisayran sa kasulatan.

Dapita ang mga estudyante sa pagpili og usa o mas daghan pa nga mga opsiyon nga angay tun-an. Sa laing paagi, mahimo ninyong bahinon ang mga estudyante ngadto sa mga grupo nga tag-tulo ug hatagan ang matag estudyante og usa sa mga opsiyon nga angay tun-an. Ila dayon nga i-summarize para sa ilang grupo kon unsa ang ilang nakat-onan.

Unsay mahitabo sa buhi ug sa patay panahon sa Ikaduhang Pag-anhi ni Jesukristo?

• Mga pagtulun-an ni Pablo: 1 Mga Taga-Tesalonica 4:13–18, lakip sa Hubad ni Joseph Smith nga makita sa footnote a sa mga bersikulo 15 ug 17

• May kalabotan nga kasulatan: Doktrina ug mga Pakigsaad 88:96–98

Kanus-a man mahitabo ang Ikaduhang Pag-anhi ni Jesukristo?

• Mga pagtulun-an ni Pablo: 1 Mga Taga-Tesalonica 5:1–6

• May kalabotan nga kasulatan: Doktrina ug mga Pakigsaad 106:4–5

Unsaon nako pagpangandam sa akong kaugalingon sa paghimamat sa Manluluwas kon moanhi na Siya pag-usab?

• Mga pagtulun-an ni Pablo: 1 Mga Taga-Tesalonica 5:14–22

• May kalabotan nga kasulatan: Doktrina ug mga Pakigsaad 87:8

Kon mahuman na sa pagtuon ang mga estudyante, dapita sila sa pag-summarize kon unsa ang ilang nakat-onan, sa gi-assign nila nga grupo o kauban isip usa ka klase. Mahimo usab ninyo silang dapiton sa pagpakigbahin og mga kamatuoran nga ilang nadiskobrehan gikan sa ilang mga pagtuon. Gamit ang ilang kaugalingon nga mga pulong, mahimong silang moila sa mga kamatuoran sama sa mosunod:

• Ang matinud-anong mga Santos nga mamatay sa wala pa ang Ikaduhang Pag-anhi mabanhaw inig balik ni Kristo (tan-awa sa 1 Mga Taga-Tesalonica 4:13–14).

• Ang matinud-anong mga Santos nga buhi pa sa Ikaduhang Pag-anhi bayawon aron mosugat ni Jesukristo sa Iyang pag-abot (tan-awa sa 1 Mga Taga-Tesalonica 4:16–17).

• Kon maningkamot kita nga mahimong “mga anak sa kahayag” pinaagi sa pagsunod ni Jesukristo, mamahimo kitang andam kon Siya moanhi na pag-usab (tan-awa sa 1 Mga Taga-Tesalonica 5:4–6; Doktrina ug mga Pakigsaad 106:4–5).

Ikonsiderar ang pagpangutana susama sa mosunod aron matabangan ang mga estudyante nga mapalawman ang ilang pagsabot niini nga mga kamatuoran:

• Sa unsang paagi ang paghinumdom niini nga mga kamatuoran makahatag og kahupay niadtong adunay mga kabalaka o kahadlok kalabot sa Ikaduhang Pag-anhi sa Manluluwas?

• Unsay inyong gibati sa pagkasayod nga ang Manluluwas gusto nga ang Iyang matarong nga mga sumusunod makauban Niya kon moanhi na Siya pag-usab?

• Unsay atong mabuhat aron pagdapit og dugang nga kahayag sa Manluluwas sa atong mga kinabuhi aron kita mahimong “mga anak sa kahayag”? (1 Mga Taga-Tesalonica 5:5). Isip kabahin sa inyong panaghisgotan, mahimo ninyong dapiton ang mga estudyante sa pagpakigbahin og mga binuhatan gikan sa 1 Mga Taga-Tesalonica 5:14–22 nga sa ilang hunahuna adunay talagsaong ikatabang. Mahimo usab ninyong ipakigbahin ang mosunod nga pamahayag ni Elder Craig C. Christensen:

Ang pagkahimong mga anak sa kahayag nagpasabot sa pagdumili sa gahom sa kaaway ug sa pagpili sa matag adlaw sa pagsunod sa Kahayag ni Kristo.

Ang hugpong sa mga pulong nga mga “anak sa kahayag” naghulagway og usa ka katawhan diin ang kahayag sa ebanghelyo nagsidlak sa kahayag. Kini naghulagway og katawhan kinsa nagtinguha sa kahayag ug nadani ngadto nianang mahiyason, limpyo, ug putli. Adunay giloaoman nga ang mga anak sa kahayag alisto ug mabinantayon—dili magpangatulog, sa espirituwal nga hunahuna, sa higayon nga angay silang nagmata (tan-awa sa 2 Nephi 1:13; 1 Mga Taga-Tesalonica 5:5–8). Ang mga anak sa kahayag mangita og espirituwal nga giya; sila adunay kaisog nga mobarog ug mopaila. Kon ang kaaway moabot nga manghulga, ang mga anak sa kahayag mahibalo kanus-a mosukol, kanus-a modumili, ug kanus-a mopalayo lamang. (“Becoming Children of Light,” Ensign, Aug. 2014, 67)

Taposa pinaagi sa pagdapit sa mga estudyante sa pagpamalandong sa mga buhat nga gibati nila nga giaghat nga buhaton nga makatabang nila aron mahimong mas andam sa pag-atubang og usab sa Manluluwas. Dapita sila sa pagrekord sa ilang mga hunahuna ug mga impresyon.

Balik ngadto sa “Mga Opsiyon nga Kalihokan sa Pagkat-on.”

Ikonsiderar ang pagsugod niini nga kalihokan sa pagkat-on pinaag sa pagpakigbahin sa mosunod nga senaryo:

Dapita ang mga estudyante sa pagkonsiderar unsa sila kaandam sa pagtubag niini nga pangutana.

Ipasabot nga ang mga pagtulun-an ni Pablo ngadto sa mga Santos nga taga-Tesalonica makatabang nato nga makasabot kon ngano nga ang gipahiuli nga Simbahan sa Manluluwas gikinahanglan kaayo sa kalibotan karon. Pahinumdomi ang mga estudyante nga pipila sa mga Santos nga mga taga-Tesalonica naghunahuna nga ang adlaw sa Ikaduhang Pag-anhi sa Manluluwas “duol na” (2 Mga Taga-Tesalonica 2:2).

Dapita ang mga estudyante sa pagsiksik sa 2 Mga Taga-Tesalonica 2:1–9, mangita kon unsa ang gipanagna ni Pablo nga mahitabo sa dili pa ang Ikaduhang Pag-anhi sa Manluluwas. (Mahimong makatabang ang paghisgot sa Hubad ni Joseph Smith sa 2 Mga Taga-Tesalonica 2:2–3 [sa footnote a sa bersikulo 2 ug sa footnote a sa bersikulo 3] ug sa 2 Mga Taga-Tesalonica 2:7–9 [Librarya sa Ebanghelyo]. Alang sa dugang nga tabang niini nga mga berskulo, ipabasa sa mga estudyante ang “2 Mga Taga-Tesalonica 2:1–4. Unsa man ang gitudlo ni Pablo mahitungod sa Apostasiya” ug sa “2 Mga Taga-Tesalonica 2:3–9. Kinsa man ang ‘anak sa kapildihan?’” diha sa Mga Tabang sa Kasulatan: Bag-ong Tugon.)

• Unsa ang gitudlo ni Pablo nga mahitabo sa dili pa ang Ikaduhang Pag-anhi ni Jesukristo? (Ang mga estudyante mahimong moila sa usa ka kamatuoran sama sa mosunod: Gipanagna na sa karaan nga sa dili pa ang Ikaduhang Pag-anhi ni Jesukristo, may mahitabo nga apostasya gikan sa Iyang Simbahan. Kon gikinahanglan, ipasabot nga ang “pagbiya sa kamatuoran” nga gihulagway ni Pablo mao ang Dakong Apostasiya, nga nahitabo human sa kamatayon sa Apostoles ni Jesukristo.)

Ipasabot nga tungod kay ang Langitnong Amahan nahibalo sa tanang mga butang (tan-awa sa 2 Nephi 9:20), ang Dakong Apostasiya wala makapahingangha Kaniya. Sa Iyang gugma ug kaalam, Siya mihatag og paagi sa pagbuntog niining Dakong Apostasiya pinaagi sa Pagpahiuli sa Simbahan ni Jesukristo (tan-awa sa Mga Buhat 3:19–21; Mga Taga-Efeso 1:10).

Ikonsiderar ang paggamit sa usa o mas daghan pa sa mosunod nga mga ideya sa pagtudlo aron matabangan ang mga estudyante nga mapalawman ang ilang pagsabot sa Dakong Apostasiya ug sa Pagpahiuli:

• Dapita ang mga estudyante sa pagtuon sa “Ang Pagpahiuli sa Kahingpitan sa Ebanghelyo ni Jesukristo: Usa ka Pamahayag ngadto sa Kalibotan sa Ikaduhang Siglo nga Kasaulogan” (Librarya sa Ebanghelyo), o tan-awa ang bidyo ni Presidente Russell M. Nelson nga nagbasa sa pamahayag. Mahimo dayon nga hisgotan sa mga estudyante ang ilang mga panabot ngadto sa ilang kauban o sa gamay nga grupo.

  

  9:23

• Dapita ang mga estudyante sa pagpangita og dugang nga mga tudling sa kasulatan nga nanagna sa Dakong Apostasiya ug sa Pagpahiuli. Makagamit ang mga estudyante sa mga artikulo sa pagsiksik [search feature] nga anaa sa Librarya sa Ebanghelyo o magtuon sa mga entry mahitungod sa “Apostasiya” ug “Pagpahiuli sa Ebanghelyo” diha sa Giya ngadto sa mga Kasulatan. Makasugyot kamo nga gamiton nila ang mga artikulo sa pag-tag [tagging feature] diha sa Librarya sa Ebanghelyo aron i-tag ang mga tudling sa kasulatan nga ilang makit-an. Dapita ang mga estudyante sa pagpakigbahin nga magpares o sa gagmay nga mga grupo sa mga kasulatan nga ilang nakaplagan.

• Ipasalida ang video nga “Dispensations: The Pattern of Apostasy and Restoration” (6:52) o ang “Jesus Christ’s Church” (1:27). Dapita ang mga estudyante sa paghisgot unsa ang natabang nila niini nga mga bidyo aron mas maayong pagsabot o pagbati mahitungod sa Langitnong Amahan ug ni Jesukristo.

  

  6:56
  

  1:28

Mahimo usab ninyong ikonsiderar ang paghisgot sa mga pangutana sama sa mosunod:

• Sa unsa nga paagi nga ang pagsabot sa Dakong Apostasiya nakatabang ninyo nga makasabot sa panginahanglan sa Pagpahiuli?

• Sa unsang paagi naapektohan ang inyong kinabuhi sa ebenghelyo ni Jesukristo nga ania na sa kalibotan?

Taposa pinaagi sa pagpakigbahin sa inyong pagpamatuod sa gipahiuli nga ebanghelyo ni Jesukristo.

Balik ngadto sa “Mga Opsiyon nga Kalihokan sa Pagkat-on.”