Mateo 13; Lucas 8; 13

Dapita ang mga estudyante sa pagkonsiderar ug sa paghisgot sa mosunod nga senaryo, o paggamit og usa nga imong kaugalingon:

• Ngano kaha nga ang duha ka tawo sa mao ra nga miting, nga naminaw sa mao rang mga mensahe, managlahi man kaayo og kasinatian?

Dapita ang mga estudyante sa paghunahuna mahitungod kon unsa sila kaandam nga maminaw ug modawat sa pulong sa Dios. Dayon dapita sila sa pagrebyo sa sambingay sa magpupugas. Awhaga ang mga estudyante sa paghunahuna og mga paagi nga mas mahimo silang andam ug maminaw sa mga pulong sa Dios.

Mahimong drowingon sa mga estudyante kining mga butanga aron matabangan sila sa paghanduraw [visualize] sa sambingay. Mahimo dayon nilang hisgotan ang unsay paminaw nila nga gitudlo sa Manluluwas. Mahimo ninyong gamiton ang kahanas sa “Pag-imadyin sa mga Kasulatan” nga anaa sa Mga Kahanas sa Pagtuon sa Kasulatan.

4:38

Dapita ang mga estudyante sa pagbasa sa pagpasabot sa Manluluwas sa sambingay sa magpupugas diha sa Mateo 13:19–23 (tan-awa usab sa Lucas 8:12–15) ug sa paghisgot unsay ilang nakat-onan.

Ikonsiderar ang pagpakita sa mosunod nga pamahayag ni Presidente Dallin H. Oaks:

Ang lain-laing mga yuta diin ang binhi gisabod nagrepresentar sa lain-laing mga paagi sa pagdawat ug pagsunod sa mga mortal [sa mga pagtulon-an sa Agalon ug sa Iyang mga sulugoon]. …

Ang sambingay mahitungod sa magpupugas nagpasidaan kanato sa mga kahimtang ug mga kinaiya nga makapugong ni bisan kinsa nga nakadawat sa binhi sa mensahe sa ebanghelyo gikan sa paghatag og maayong ani. …

… Depende na sa matag usa kanato ang pagpahimutang sa atong mga prayoridad ug sa pagbuhat sa mga butang nga makahimo sa atong yuta nga maayo ug sa atong ani nga daghan. (“Ang Sambingay sa Magpupugas,” Liahona, Mayo 2015, 32, 35)

Aron matabangan ang mga tigkat-on nga matimbang-timbang ang ilang mga prayoridad ug kon unsay ilang gipanghimo aron “himoong maayo ang [ilang] yuta ug daghan ang [ilang] ani,” ikonsiderar ang paghatag sa mga estudyante sa mosunod nga pagsukod sa kaugalingon:

Human makompleto sa mga estudyante ang pagsukod [assess] sa kaugalingon mahimo nimo kining taposon pinaagi sa paghisgot sa mga mosunod nga pangutana:

• Unsa ang gihatag sa Manluluwas nga paagi alang sa mga sagbot nga ibtonon, mga bato nga iglalabay, ug yuta nga patambokon?

• Sa unsang paagi nga ang pagkahibalo niini maghatag kaninyo og paglaom nga kamo makaalima og maayong mga binhi diha sa inyong kasingkasing?

Ikonsiderar ang pagdapit og usa o duha ka estudyante sa pagpakigbahin kon sa unsang paagi ang pagpalambo sa ilang yuta nagpaduol kanila sa Manluluwas ug nakatabang nila nga makatagamtam sa maayong bunga sa Iyang ebanghelyo.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagpakita sa mosunod nga dili kompletong pamahayag: “Ang paghinulsol susama sa …” Dayon dapita ang mga estudyante sa paghunahuna og usa ka pisikal nga butang nga puwedeng himoong simbolo sa paghinulsol.

O mahimong ipakita nimo ang mosunod nga mga hulagway ug dapita ang mga estudyante sa pagpasabot kon sa unsang paagi ang matag hulagway susama sa paghinulsol.

• Unsa ka importe ang paggamit og mga pisikal nga butang sa pagtudlo og espirituhanong mga kamatuoran?

Ipasabot og maayo nga ang Manluluwas kanunayng mogamit og mga tawo, mga butang, ug mga buhat sa yanong mga sugilanon, o mga sambingay, “sa paghulagway ug pagtudlo og espirituhanong kamatuoran o baroganan” (Giya ngadto sa mga Kasulatan, “Sambingay,” Librarya sa Ebanghelyo).

Ipakita ang mosunod nga mga pangutana nga gipangutana sa mga disipulo sa Manluluwas Kaniya, “Nganong sambingay man ang imong gigamit sa pagtudlo kanila?” (Mateo 13:10). Dapita ang mga estudyante sa pagpangita sa tubag diha sa Mateo 13:11–17. Dayon dapita sila sa pagpakigbahin sa unsay ilang nadiskobrehan. Samtang mopakigbahin sila, ikonsiderar kon duna bay bisan unsa diha sa mosunod nga mga pangutana ang makapalawom sa ilang pagkat-on:

• Unsa ang “mga misteryo sa gingharian”? (Mateo 13:11). (Kon ang mga estudyante nagkinahanglan og tabang sa pagtubag niini nga pangutana, mahimo nimo silang dapiton sa pagbasa sa “Misteryo sa Dios, Mga” diha sa Giya sa mga Kasulatan [Librarya sa Ebanghelyo]).

• Unsa ang nagpugong sa mga tawo sa pagkahibalo sa mga misteryo sa Dios? Unsa kaha ang ipasabot sa pagkaadunay mga mata nga dili makakita, mga dunggan nga dili makadungog, o kasingkasing nga dili makasabot?

• Unsay atong mahimo aron maandam ang atong mga kaugalingon sa pagdawat sa mga misteryo sa Dios? (Ikonsiderar ang pagdapit sa mga estudyante sa pagbasa sa 1 Nephi 10:19 ug sa Alma 12:9–11. Ang mga estudyante puwedeng motino og usa ka baroganan nga susama sa mosunod: Kon bukhon nato ang atong hunahuna ug kasingkasing ngadto sa Dios, Iyang ipadayag ang mga misteryo ngari kanato.)

Ang mga estudyante mahimong magrekord og usa ka ehemplo sa misteryo sa Dios—butang nga napadayag ngadto kanila pinaagi sa Espiritu Santo—nga ilang nadawat. Mahimo usab silang magrekord og butang nga gusto nilang mahibaloan.

Sa pagtapos, ikonsiderar ang pagpakita sa mosunod nga pamahayag ni Presidente Russell M. Nelson:

Ang Dios buot ba gayod makigsulti kanimo? Oo! …

Giawhag ko kamo nga palapdan pa ang inyong kasamtangang espiritwal nga abilidad sa pagdawat og personal nga pagpadayag, tungod kay ang Ginoo misaad nga “kon kamo [mangita], kamo makadawat og pagpadayag ug dugang nga pagpadayag, kahibalo ug dugang nga kahibalo, nga kamo masayod sa mga misteryo ug malinawon nga mga butang—nga nagdala og hingpit nga kalipay, niana nga nagdala og kinabuhi nga dayon” [Doktrina ug mga Pakigsaad 42:61].

O, aduna pay daghang gusto sa inyong Amahan sa Langit nga inyong mahibaloan. Sama sa gitudlo ni Elder Neal A. Maxwell, “Alang niadtong adunay mga mata sa pagtan-aw ug mga dalunggan sa pagpaminaw, tataw kaayo nga ang Amahan ug ang Anak mihatag sa mga sikreto sa uniberso!” (“Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo 2018, 95)

Hatagi og panahon ang mga estudyante sa pagpamalandong sa pamahayag ni Presidente Nelson ug sa pagrekord sa bisan unsang anaa kanilang mga impresyon ug sa kinahanglan nilang lihokon.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagdapit sa mga estudyante sa pagsulat og tulo ka rason nga ang usa ka lawom, personal nga pasalig kang Jesukristo kinahanglan nga mahimong usa ka mahinungdanong bahin sa atong kinabuhi. Ang mga estudyante mahimong mosulat usab og tulo ka posibling mga sangpotanan kon magkulang kita sa pasalig. Mahimo nilang ipakigbahin ngadto sa kapares ang unsay ilang gisulat.

Ipasabot og maayo nga ang mga estudyante makahimo sa pag-ila og pipila ka rason nga gitudlo ni Jesukristo nga ang gingharian sa langit, nga mao Ang Simbahan ni Jesukristo sa mga Santos sa Ulahing mga Adlaw, importante. (Mahimong basahon ninyo og dungan ang “Gingharian sa Dios o Gingharian sa Langit” nga naa sa Giya ngadto sa mga Kasulatan [Librarya sa Ebanghelyo] alang sa dugang nga mga pagtulun-an mahitungod sa termino nga gingharian sa langit.)

Samtang magtuon ang mga estudyante sa mga sambingay ni Jesus mahitungod sa gingharian sa langit, mahimo nimo silang dapiton sa pagpraktis sa kahanas sa “Pagsabot sa Simbolismo diha sa mga Kasulatan” nga anaa sa Mga Kahanas sa Pagtuon sa Kasulatan. Mahimo kang magpakita ug mopakigbahin sa mosunod nga mga sugyot [tips] alang sa pagsabot sa mga simbolismo sa kasulatan:

1. Ilha ang mga simbolo pinaagi sa pagpangita og mga ikakumpara.

2. Pangita og mga timailhan mahitungod sa mga kahulogan sa mga simbolo diha sa teksto sa mga kasulatan ug sa mga footnote, sa mga ulohan sa kapitulo, sa Giya ngadto sa mga Kasulatan, ug sa uban pang mga tinubdan.

3. Hunahunaa ang mahitungod sa mga simbolismo. Mahimo ninyong pangutan-on ang inyong kaugalingon, “Sa unsang paagi ang gingharian sa langit o ang Simbahan ni Jesukristo susama sa ?”

Dapita ang mga estudyante sa pag-suhid pag-ayo sa Mateo 13:24, 31, 33, 44, 45, ug 47, mangita sa mga pagkumpara nga gihimo sa Manluluwas ngadto sa gingharian sa langit.

Mahimo usab nimong isulat sa pisara ang mosunod nga dili kompleto nga kapahayag [sentence]: Ang gingharian sa langit susama sa …

Dapita ang mga estudyante sa pagpakigbahin kon unsaon nila sa pagkompleto ang kapahayag basi sa unsay ilang nadiskobrehan samtang nagbasa sila sa mga bersikulo. (Ang mga tubag puwedeng maglakip sa mosunod: usa ka tawo nga nagsabod og maayong liso, usa ka liso sa mustasa, igpapatubo sa tinapay, nalubong nga bahandi sa usa ka umahan, usa ka magpapatigayon nga nangita og mga mutya, usa ka pukot. Isulat sa pisara ang matag usa niini samtang ilhon kini sa mga estudyante.)

Isulat sa pisara ang mosunod nga mga tudling sa kasulatan:

• Mateo 13:24–30

• Mateo 13:31–32

• Mateo 13:33

• Mateo 13:44

• Mateo 13:45–46

• Mateo 13:47–50

Dapita ang mga estudyante sa pagpili og pipila ka sambingay nga tun-an nga may kauban o sa ginagmay nga grupo. Awhaga sila sa pagpangita og mga timailhan mahitungod sa unsay mga ipasabot sa mga sambingay nga ilang gitun-an. (Mahimo sab nga tan-awon sa mga estudyante ang “Mateo 13:3–9, 18–33, 43–50. Unsay atong makat-onan gikan sa mga sambingay bahin sa pagpundok?” nga anaa sa Mga Tabang sa Kasulatan: Bag-ong Tugon.) Mahimo dayon nga hisgotan nga kauban sa grupo ang mosunod nga mga pangutana sa matag usa sa mga sambingay nga ilang gibasa:

• Sa unsang paagi ang gingharian sa langit, o ang Simbahan ni Jesukristo, susama sa gihisgotan niini nga sambingay?

• Sa unsang paagi kaha kini nga sambingay magamit ngari nato sa atong panahon karon?

• Sa unsang mga paagi ang Manluluwas nagpalig-on sa Iyang Simbahan karon?

Dapita ang mga estudyante sa pagpakigbahin sa mga panabot ug mga kamatuoran nga gihisgotan sa ilang grupo ug sa pagsulat niini sa pisara. Mahimo nimong ipamubo [summarize] ang unsay ilang natino pinaagi sa pagpakita sa mosunod nga kamatuoran: Ang Ginoo nagpundok sa mga matarong ngadto sa gingharian sa langit, nga mao ang Iyang Simbahan ug sa kataposan ngadto sa celestial nga gingharian.

Pagpili og pipila ka pagtulun-an diha sa pisara, ug hangyoa ang mga grupo nga misulat niini sa paghatag og dugang pa nga pagpasabot. Mahimong mogamit ka og dugang nga mga pangutana sama sa mosunod aron matabangan ang mga estudyante sa paggamit sa mga sambingay sa Ginoo ngadto sa ilang kaugalingon (ang mga estudyante mahimo rang motubag pinaagi sa berbal nga pagsulti sa pipila niini, pamalandongan ang uban, o gani morekord sa mga tubag sa ilang kaugalingon):

Sa pagtapos, mahimo nimong dapiton ang mga estudyante sa pagrebyo sa lista nga ilang nahimo gikan sa pagsugod niini nga kalihokan sa pagkat-on ug dugangi og laing rason kon nganong ang Simbahan importante nga bahin sa ilang kinabuhi.

Balik ngadto sa “Mga Opsiyon sa Kalihokan sa Pagkat-on.”