Mateo 6–7

Hatagi ang mga estudyante sa mosunod nga pagtimbang-timbang sa kaugalingon, ug dapita sila nga linginan ang labing tinuod nga tubag alang sa matag pamahayag:

Ipakita ang mosunod nga table ug dapita ang mga estudyante sa pagbasa sa matag tudling, nga mangita sa komon nga tema. Ipasabot nga ang tema mao ang nagbalik balik ug naghiusa nga ideya (tan-awa sa “Pagpangita og mga Tema diha sa mga Kasulatan” sa Mga Kahanas sa Pagtuon sa Kasulatan).

Dapita ang mga estudyante sa pagpakigbahin sa komon nga tema nga ilang nadiskobrehan ug sa ilang mga hunahuna ug mga panabot kabahin niini. Sila mahimong moila og usa ka tema o kamatuoran nga susama sa mosunod: Ang labing dako nga ganti sa Langitnong Amahan maadto niadtong nagserbisyo ug nagsimba Kaniya nga wala magpaabot og pagdayeg, pag-ila, o yutan-on nga ganti. (Kon makatabang, mahimo nimong rebyohon ang “Mateo 6:1–4. Sa unsang paagi ang kultura didto sa mga panahon sa Bag-ong Tugon nakaapekto kon sa unsang paagi ang mga tawo mohatag og limos?” diha sa mga Tabang sa Kasulatan: Bag-ong Tugon.)

Ikonsiderar ang pagdapit sa mga estudyante sa paghisgot sa mosunod nga mga pangutana diha sa gagmay nga mga grupo:

• Nganong ang atong mga motibo sa pagserbisyo ug pagsimba sa Ginoo importante? Sa unsang paagi ang atong mga motibo sa pagserbisyo ug pagsimba Kaniya moimpluwensiya sa atong kasinatian?

• Unsa ang atong makat-onan gikan sa ehemplo sa Manluluwas kabahin sa pagbaton og matarong nga mga motibo kon kita moserbisyo sa Dios ug sa uban?

Aron madasig ang mga estudyante sa pagpangita og personal nga inspirasyon, mahimo nimo silang dapiton sa pagrekord sa ilang mga hunahuna kabahin sa mosunod nga mga pangutana:

• Usa ang inyong makat-onan kabahin sa inyong kaugalingon pinaagi sa pagsukod kon nganong moapil diha sa relihiyoso nga mga buhat sa pagserbisyo ug pagsimba?

• Unsa ang inyong mabuhat sa paghimo sa imong personal nga mga buhat sa debosyon nga mas sinsero ug Kristohanon?

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagpakita sa mosunod nga mga pangutana gikan ni Elder Joseph B. Wirthlin:

Ang inyo bang mga pag-ampo ingon og nagbalik-balik ug bation ninyo nga parehas ra? Nakaampo ba kamo sukad nga dili sinsero, ang mga pulong nga gilitok naingon sa demakina? Laayan ba kamo usahay samtang kamo nag-ampo? (“Improving Our Prayers,” Ensign, Mar. 2004, 26)

Dapita ang mga estudyante sa pagpamalandong kon unsaon nila sa pagtubag ang mga pangutana ni Elder Wirthlin.

• Unsay atong makat-onan kabahin sa pag-ampo gikan sa kinabuhi ug ehemplo ni Jesukristo?

Mahimo nimong ipakita ang mosunod nga dili kompleto nga pamahayag: Ako makahimo nga mas Kristohanon ug makahuluganon ang akong mga pag-ampo pinaagi sa …

Dapita ang mga estudyante sa pagbasa og hilom sa 3 Nephi 6:5–13; 7:7–8, nga mangita sa mga pulong nga mokompleto sa pamahayag diha sa pisara.

Human sa pagtugot og panahon alang sa mga estudyante sa pagtuon, dapita sila sa pagpakigbahin og lain-laing paagi nga ilang mahimo sa pagkompleto sa pamahayag. (Kini mahimong maglakip og pipila sa mosunod nga mga baroganan ug mga buhat: Ako makahimo sa akong mga pag-ampo nga mas Kristohanon ug makahuloganon pinaagi sa pag-ampo diha sa pribado nga dapit; maglikay sa kawang nga pagbalik-balik sa pagsulti; pagpakita og balaang pagtahod ngadto sa Langitnong Amahan; pagtinguha sa pagkahibalo sa kabubut-on sa Ginoo; pagpangayo sa mga butang nga akong gikinahanglan; pagpangayo og pasaylo; pagpangayo og tabang sa pagbuntog sa tintasyon.)

Ang mga estudyante makapili og usa ka pamahayag ug mopakigbahin sa klase o sa ginagmay nga mga grupo kon sa unsang paagi ang paggamit niining kamatuoran nakatabang kanila nga makabaton og mas makahuluganon nga mga pag-ampo uban sa Langitnong Amahan.

Isip kabahin sa inyong panaghisgotan, mahimong importante ang makig-istorya kabahin kon sa unsang paagi kita makapakita og balaan nga pagtahod ngadto sa Langitnong Amahan diha sa atong mga pag-ampo. Ikonsiderar ang pagpangutana sa mosunod nga mga pangutana:

• Unsa ang atong makat-onan kabahin sa balaan nga pagtahod gikan sa pag-ampo sa Manluluwas?

• Sa unsang paagi kita makapakita og dugang nga balaang pagtahod alang sa Langitnong Amahan sa atong mga pag-ampo? (Mahimo kamong motan-aw sa “Face to Face with President Eyring and Elder Holland” gikan sa time code 37:45 to 44:35 alang sa mga ideya.)

  

  96:16

Tingali makatabang ang pagpakigbahin sa mosunod nga pamahayag gikan ni Presidente Dallin H. Oaks:

Sa paghalad og mga pag-ampo, ang mga miyembro sa atong Simbahan dili mosangpit sa atong Langitnong Amahan gamit ang samang pulong nga atong gamiton sa pagpakig-istorya ngadto sa katrabaho, ngadto sa tig-empleyo, o ngadto sa usa ka manindahay sa merkado. Kita mogamit og espesyal nga mga pulong nga gibalaan pinaagi sa paggamit og dinasig nga komunikasyon. …

Si Presidente Spencer W. Kimball (1895–1985) miingon, “Sa tanan natong pag-ampo, maayo nga gamiton ang pronoun nga thee, thou, thy, ug thine imbis you, your, ug yours basta kini adunay pagpakita og pagtahod.” (“The Special Language of Prayer,” New Era, Jan. 2006, 3)

Isip kabahin sa inyong panaghisgotan, dapita ang mga estudyante sa pagpili og usa ka baroganan o buhat nga ilang gibati nga labing makatabang kanila nga molambo ang ilang mga pag-ampo sa Langitnong Amahan. Hatagi ang mga estudyante og panahon sa pagrekord kon unsa ang ilang buhaton nga mas maayo sa pagsunod niana nga baroganan.

Balik ngadto sa “Mga Opsiyon sa Kalihokan sa Pagkat-on.”

Ipasabot nga sa higayon nga kita makasugod sa atong mga prayoridad, kini mogiya sa atong mga paghimo og desisyon. Mahimo na dayon nimong ipakita ang mosunod nga kahimtang o pipila nga tingali mas adunay kalabotan sa imong estudyante. Sa mubo nga paagi hisgoti kon sa unsang paagi ang mga prayoridad sa tawo mahimong makaimpluwensiya kon unsaon nila pagtubag kining mga kahimtang.

• Moserbisyo ba ako og misyon? Adunay daghan pang uban nga mga maayong butang nga mahimo nakong buhaton.

• Wala ko kahibalo kon angay ba ako nga mopadayon sa pagminyo sa dili pa makompleto ang akong edukasyon.

• Modawat ba ko og usa ka calling kon kini mura og lisod o hadlok?

• Motuo ko nga ang mga kasulatan importante, apan lisod ang makakita og panahon alang sa makahuluganon nga pagtuon sa ebanghelyo.

Dapita ang mga estudyante sa pagbasa sa Mateo 6:19–24, 31–34, nga mangita kon unsay gitudlo sa Manluluwas sa Iyang mga disipulo. Itugot ang higayon alang sa pagtuon ug panaghisgotan. Dayon dapita ang mga estudyante sa pagpakigbahin sa unsay ilang nakit-an. Ikonsiderar ang paghisgot og pipila sa mosunod nga mga pangutana aron mapalawman ang nakat-onan sa mga estudyante:

• Sa unsa nga paagi ang mga bahandi sa atong mga kasingkasing mobutyag sa atong mga prayoridad? Unsaon man nato sa pagtino kon unsa ang atong gibahandi og maayo? (Mahimo nimong hatagan ang mga estudyante og panahon alang sa kinaugalingong pagpamalandong.)

• Unsa ang gipasabot sa pagbaton og “bug-os nga tinguha ngadto sa himaya sa Dios”? (Hubad ni Joseph Smith, Mateo 6:22 [diha sa Mateo 6:22, footnote b]). (Tingali makatabang ang pagrebyo sa “Mateo 6:22. Unsa ang kahulogan sa ‘kon maayo ang imong mata’?” sa Mga Tabang sa Kasulatan: Bag-ong Tugon.) Unsa ang atong makat-onan gikan sa kinabuhi sa Manluluwas kabahin sa pagbaton og usa ka mata nga “bug-os nga tinguha ngadto sa himaya sa Dios”?

• Unsa ang gitudlo ni Jesus nga kinahanglang mahimo natong labing taas nga prayoridad? Sa unsang paagi kita mapanalanginan kon sundon nato ang tambag? (Tabangi ang mga estudyante sa pag-ila og usa ka baroganan sama sa mosunod: Kon kita magtinguha sa pagtukod og una sa gingharian sa Dios, Siya mopanalangin kanato sa unsay atong gikinahanglan.)

• Unsa kaha ang gipasabot sa tinguhaa og una ang pagtukod sa gingharian sa Dios?

Ikonsiderar ang pagpakigbahin sa mosunod nga pamahayag ni Presidente Ezra Taft Benson:

Kinahanglan nga ibutang nato ang Dios diha sa kinaunahan sa tanang butang sa atong kinabuhi. …

Kon atong unahon ang Dios, ang tanang ubang butang mapahimutang sa tukma nilang dapit o mawala kini sa atong kinabuhi. Ang atong gugma sa Ginoo modumala sa mga tinguha sa atong pagbati, sa mga gipangayo sa atong panahon, sa mga interes nga atong gitinguha, ug sa han-ay sa atong mga prayoridad.

Kinahanglang unahon nato ang Dios kay ni bisan kinsa pa sa atong kinabuhi. (“The Great Commandment—Love the Lord,” Ensign, May 1988, 4)

• Ngano kaha nga ang usa ka tawo mobati og kabalaka kabahin sa pag-una sa Dios diha sa ilang kinabuhi? Unsaon man nato sa pagbuntog niini nga kabalaka? (Pahinumdom: Tingali makatabang ang pagpasabot nga sa Mateo 6:25–34, ang hugpong sa mga pulong nga “ayaw kabalaka,” o ang lahi nga pagkasulti niini, gihisgotan og pipila ka higayon. Kini nga hugpong sa mga pulong nagpasabot nga dili mabalaka pag-ayo [tan-awa sa “Mateo 6:25, 34. Unsay ipasabot sa ‘ayaw kabalaka’?” sa Mga Tabang sa Kasulatan: Bag-ong Tugon].)

• Unsa nga mga panalangin ang inyong nasinati o mahimo ninyong masinati pinaagi sa pagpaningkamot sa pagbutang og una sa Dios diha sa inyong kinabuhi?

Ikonsiderar ang pagrebyo sa mga kahimtang nga imong gipakita sa sinugdanan niining kalihokan sa pagkat-on. Mahimo nimong dapiton ang mga estudyante sa pagpakigbahin kon sa unsang paagi ang mga pagtulun-an sa Manluluwas ug ni Presidente Benson makatabang sa mga estudyante sa pagbutang og una sa Dios. Mahimo usab nimong dapiton ang mga estudyante sa pag-ila og dugang nga paningkamot nga ilang mahimo aron unahon og butang ang Dios diha sa ilang kinabuhi.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagsulat sa mosunod nga mga pangutana diha sa pisara:

• Unsa nga mga butang nga angay natong hukman?

• Unsa nga mga butang ang dili nato angay nga hukman?

Ipares-pares ang klase o igrupo. Tahasi ang matag paresan o grupo og usa ka pangutana aron maghisgot og dapiton sila sa paglista og pipila sa ilang mga tubag diha sa pisara.

Dapita ang mga estudyane sa pagbasa sa Mateo 7:1–2 ug hunahunaon ang kahulogan sa mga pagtulun-an sa Manluluwas. Pahinumdomi ang mga estudyante nga ang Pagpahiuli sa kasulatan kasagaran makatabang sa paghatag og katin-awan sa mga pagtulun-an sa Biblia. Dapita ang mga estudyante sa pagbansay gamit ang Gipahiuli nga kasulatan aron mas masabtan ang Mateo 7:1–2 pinaagi sa mga footnote alang sa mga tudling nga mohatag og katin-awan sa mga pagtulun-an sa Manluluwas. Kon gikinahanglan, itudlo ngadto sa mga estudyanteang Hubad ni Joseph Smith, Mateo 7:1–2 (Librarya sa Ebanghelyo) ug Alma 41:14–15.

• Unsay dugang nga mga panabot atong naangkon gikan niining mga tudling sa Gipahiuli nga kasulatan?

• Unsa ang gihangyo sa Manluluwas nga itudlo sa Iyang mga disipulo ngadto sa mga tawo? (Ang mga estudyante mahimong moila sa mga kamatuoran sama sa mosunod: Kon kita maglikay sa paghimo og dili matarong nga mga paghukom, ang Dios molugway sa samang kalooy ug kaangayan ngari kanato. Kita gisugo sa paghimo og matarong nga mga paghukom.)

• Unsa ang pipila sa mga ehemplo sa dili matarong nga mga paghukom nga lagmit natong himoon? Sa unsang paagi nga kita ug ang uban maapektohan kon kita mohukom og dili matarong?

Aron matabangan ang mga estudyante nga mas masabtan ang kalahinan tali sa matarong ug dili matarong nga mga paghukom, makapakita ka og baga nga piraso sa kahoy (troso) ug usa ka gamay nga tinagsip o lugas (puling). O makapakita ka sa mosunod nga mga imahe sa troso ug usa ka puling. (Pahinumdom: Ang pakisayran sa Manluluwas sa troso ug puling mao ang usa ka ehemplo sa pasulabi, usa ka panultihon nga naggamit og pagpasobra og sulti aron sa pagpasabot og usa ka punto.)

Dapita ang mga estudyante sa pagbasa sa Mateo 7:3–5 ug mangita sa mensahe sa Ginoo kabahin sa paghukom.

• Sa inyong hunahuna unsa kaha ang analohiya nga gitudlo sa Manluluwas ngari kanato kabahin sa paghukom?

Mahimo ninyong basahon ug hisgotan ang mosunod nga pamahayag ni Dieter F. Uchtdorf, kanhi sakop sa Unang Kapangulohan:

Kini nga istorya kabahin sa mga troso ug mga puling ingon og konektado kaayo sa dili nato klaro nga pagtan-aw sa atong kaugalingon. Dili ko sigurado nganong maayo kaayo kitang mamantay ug mosugyot og mga solusyon sa mga sayop sa ubang tawo, samtang kasagaran maglisod kita sa pagkakita sa kaugalingon natong mga sayop. (“Ginoo, Ako Ba?,” Liahona, Nob. 2014, 56)

Dapita ang mga estudyante sa pagrebyo sa ilang listahan sa mga butang nga angay natong hukman ug dili hukman diha sa pisara ug maghisgot og kadali bahin sa bisan unsang kausaban nga ilang himoon.

Tabangi ang mga estudyante sa pagpadayon og hunahuna kabahin sa unsay kahulogan sa paghimo og matarong nga mga paghukom. Makahimo ka niini pinaagi sa pagdapit kanila sa pagtuon sa ang pamahayag ni Presidente Dallin H. Oaks nga makit-an sa Mga Tabang sa Kasulatan: Bag-ong Tugon ubos sa ulohan sa “Mateo 7:1. Unsa ang gipasabot sa ‘ayaw paghukom’?” Dapita ang mga estudyante sa pagkonsiderar sa pag-highlight sa bisan unsang hugpong sa mga pulong nga ilang masuta nga makatabang.

Dapita ang mga estudyante sa paghimo sa ilang kaugalingong og yano nga pamahayag kon sa unsang paagi nila gusto nga mas mopuyo sa baroganan sa matarong nga paghukom. Mahimo nimo silang awhagon sa pagbutang sa ilang pamahayag, apil sa bisan kinsa nga ilang nakita nga makatabang, sa ilang himan, samin, o papel nga ilang madala sa ilang bulsa isip inadlaw-adlaw nga pahinumdom.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagpakita og pipila ka prutas o uban nga mga imahe nga prutas. Dapita ang mga estudyante sa pagpakigbahin kon unsaon nila sa pag-ila sa kalainan tali sa maayo ug daotan nga prutas.

Dapita ang mga estudyante sa pagbasa sa Mateo 7:15–20, nga mangita kon unsay gitudlo sa Manluluwas gamit ang analohiya sa prutas|.

• Sa unsang paagi ang Manluluwas nagtudlo kanato sa pagpanalipod sa atong kaugalingon gikan sa katawhan kinsa kon tan-awon dili makadaot (karnero) apan sa pagkatinuod makuyaw (nga mga lubo)? (Kon gikinahanglan, ipasabot nga ang mga “bunga” mahimong nagrepresentar sa usa ka pagtulun-an sa tawo, mga buhat, ug mga ideya.)

• Sa unsang paagi ang bunga sa usa ka tawo makatabang kanato nga makahibalo kon kinsa gayod sila? (Si Presidente M. Russell Ballard nagtudlo nga ang mga bunga “mao ang mga resulta” nga migawas pinaagi sa “paagi sa pagpakabuhi” [“Hugot nga Pagtuo, Pamilya, mga Kamatuoran, ug mga Bunga,” Liahona, Nob. 2007, 26].)

• Sa unsang paagi kini nga kamatuoran mahimong magamit ngadto sa atong panaghigalaay, sa atong pagpangita og kapikas, sa atong trabaho sa kinabuhi, sa mga kapanguhaan diha sa internet, o sa social media?

Ipasabot nga ang pagpagawas sa bunga nagkinahanglan kanato nga dili lang maghisgot kabahin sa ebanghelyo apan mosunod usab niini (tan-awa sa Mateo 7:21–23; Lucas 6:46). Dapita ang mga estudyante sa pagbasa sa Mateo 7:21, 24–27 ug ipakigbahin unsa ang ilang makit-an. Mahimo nimong isulat ang ilang mga komentaryo diha sa pisara. (Ang mga estudyante mahimong mopakigbahin sa mga kamatuoran sama sa mosunod: Kita motukod sa atong mga pundasyon diha ni Jesukristo kon kita makadungog ug mobuhat unsay Iyang gihangyo. Ang pagtukod ibabaw sa bato ni Kristo nagtugot kanato nga masagubang sa mga unos sa kinabuhi ug sa pagsulod sa Iyang gingharian.)

• Sa unsang paagi ang pagkadungog ug pagsunod sa mga pagtulun-an sa Ginoo makatabang kanimo sa paghimo ni Kristo nga imong pundasyon?

• Unsaon nimo sa paglambo sa dili lang pagdungog o pagkahibalo unsa ang gusto sa Ginoo nga imong buhaton apan usab sa sinsero nga paglihok nianang kahibalo? (Mahimo nimong hatagan ang mga estudyante og panahon sa pagrekord sa mga butang nga mahimo nila nga mas maayo.)

• Sa unsang paagi ang pagtukod diha sa bato ni Kristo makatabang kanimo sa pagsagubang sa mga unos sa kinabuhi? (Mahimo nimong dapiton ang mga estudyante sa pagbasa sa Helaman 5:12 ug motan-aw sa “Spiritual Whirlwinds” [2:25].)

2:25

Balik ngadto sa “Mga Opsiyon sa Kalihokan sa Pagkat-on.”