Mateo 4; Lucas 4–5

Dapita ang mga estudyante sa paghunahuna mahitungod sa mga tintasyon nga kasamtangan nilang giatubang. Dayon hatagi ang mga estudyante og higayon nga makapamalandong kon sa unsang paagi kadtong mga tintasyon nakaapekto sa ilang mga kinabuhi.

• Ngano nga importane alang kanato nga makasabot nga si Jesukristo nakasinati sa samang matang sa mga tintasyon nga atong giatubang karon? (tan-awa sa Mga Herbreohanon 2:17–18; 4:15–16).

Ipasabot nga ang Mateo 4:1–11, uban sa Hubad ni Joseph Smith niining mga bersikulo, nagtanyag kanato og importanteng mga leksiyon gikan sa kinabuhi sa Manluluwas mahitungod kon unsaon sa pagbatok sa tintasyon. (Kon gikinahanglan, ipakita sa mga estudyante kon unsaon sa pagpangita sa Mateo 4 diha sa Apendiks sa Hubad ni Joseph Smith sa mga Tabang sa Pagtuon sa Librarya sa Ebanghelyo [tan-awa sa “Gamit ang Kasulatan sa Pagpahiuli sa Pagsabot sa Biblia” sa Mga Kahanas sa Pagtuon sa Ebanghelyo].)

Dapita ang mga estudyante nga magtuon sa Mateo 4:1–11 ug ang may kalabotan nga mga bersikulo sa Hubad ni Joseph Smith, nga mangita kon sa unsang paagi ang pagsunod sa ehempo sa Manluluwas makapadugang sa atong abilidad sa pagbatok sa tintasyon. Human sa pagtugot og panahon alang sa personal nga pagtuon, hunahunaa ang pagpakita sa mosunod nga mga pangutana ug dapita ang mga estudyante sa paghisgot niini diha sa ginagmay nga mga grupo:

• Sa unsang paagi ang Hubad ni Joseph Smith niining mga bersikulo nakaimpluwensiya sa imong pagsabot sa kasinatian sa Manluluwas?

• Sa unsang paagi si Satanas nagtinguha sa pagtintal sa Manluluwas?

• Unsa ang gibuhat ni Jesus aron sa pagbatok sa mga tintasyon ni Satanas?

Dapita ang mga estudyante sa pagpakigbahin kon unsay ilang nakat-onan gikan sa ilang panaghisgotan sa grupo. Mahimo nimong isulat ang ilang mga panabot diha sa pisara. Ang mga pangutana sama sa mosunod makatabang nga mapalawman ang ilang pagkat-on:

• Giunsa paggamit ni Satanas kining samang paagi sa atong panahon?

• Sa unsang paagi ang pagsunod sa ehemplo sa Manluluwas nakatabang kanimo sa pagbatok sa tintasyon? (Awhaga ang mga estudyante sa pagpakigbahin og mga kasinatian gikan sa ilang kaugalingong mga kinabuhi.)

Ikonsiderar ang pagtapos sa inyong panaghisgotan pinaagi sa pagtan-aw sa “Temptation Fades as We Seek Christ in Every Thought” (2:57).

2:58

Dapita ang mga estudyante sa pagrekord og butang nga ilang mabuhat niining semanaha aron madugangan ang ilang abilidad sa pagbatok sa tintasyon.

Makahisgot ka sa makadiyot og lainlaing mga paagi nga ang Langitnong Amahan ug si Jesukristo makahatag og mga pagdapit ngari kanato. Dayon ipakita ug hangyoa ang mga estudyante sa pagpamalandong sa mosunod nga mga pangutana:

• Unsa nga mga imbitasyon ang gihatag sa Langitnong Amahan ug ni Jesukristo ngari kanako?

• Giunsa man nako sa pagtubag niining mga pagdapit?

Human matugotan ang mga estudyante nga makapamalandong sa hilom, dapita ang mga estudyante sa pagbasa sa Mateo 4:18–22 o motan-aw sa “Follow Me, and I Will Make You Fishers of Men” (1:55). Awhaga sila sa pagtan-aw kon giunsa sa pagtubag nilang Pedro, Andres, Santiago, ug Juan ngadto sa pagdapit sa Manluluwas. (Pahinumdom: Diha-diha dayon nagpasabot sa pagbuhat dayon, sa walay paglangay.)

1:56

• Ngano kaha nga nahimo man nga lisod para niining kalalakin-an ang pagbiya sa ilang mga pukot?

Ikonsiderar ang paghisgot sa mosunod nga pamahayag ni Edler Joseph B. Wirthlin, kinsa mitumbok sa mga pukot sa mga disipulo isip usa ka metapora:

Ang mga pukot [net] sa kinatibuk-an nagpasabot og mga galamiton sa pagdakop og butang. Sa mas limitado apan mas importante nga panabot, mahimong atong ipasabot ang pukot isip bisan unsa nga butang nga modani o mopugong kanato sa pagsunod sa tawag ni Jesukristo, ang Anak sa buhing Dios.

Ang mga pukot niini nga konteksto mahimo nga mao ang atong buhat, atong mga kalingawan, atong kahimut-an, ug, labaw sa tanan, atong mga tintasyon ug mga sala. Sa laktod nga pagkasulti, ang pukot mahimong mao ang bisan unsang butang nga mobira kanato palayo gikan sa atong relasyon sa atong Langitnong Amahan o sa Iyang gipahiuli nga Simbahan. (“Follow Me,” Ensign, May 2002, 15)

• Unsa ang atong makat-onan kabahin sa Manluluwas gikan sa mga aksiyon ni Pedro, Andres, Santiago, ug Juan? (Tabangi ang mga estudyante nga maila ang usa ka kamatuoran sama sa mosunod: Kita kinahanglan gayod nga andam mohimo og mga sakripisyo ug biyaan ang atong “mga pukot” kon kita magtinguha sa pagsunod sa Manluluwas.)

• Unsa ang pipila sa mga ehemplo sa “mga pukot” nga kita gihangyo sa pagbiya aron mosunod sa Manluluwas? Ngano mang mahimong lisod sa pagbiya sa atong “mga pukot” kon ang Manluluwas motawag?

Hatagi ang mga estudyante og panahon aron mamalandong og usa ka “pukot” nga ang Manluluwas mahimong gusto nga ilang hunungon aron sila mas hingpit nga makasunod Kaniya. Ikonsiderar ang pagpakita sa “Your Day for a Mission” (3:31), nga gipakigbahin ang istorya bahin ni Sid Going, kinsa gihunong ang butang nga importante ngadto kaniya aron mosunod sa Ginoo. Dayon dapita ang mga estudyante sa paghunahuna mahitungod kon unsa ang gibiyaan ni Sid aron moserbisyo og usa ka misyon.

3:32

Balik ngadto sa “Mga Opsiyon sa Kalihokan sa Pagkat-on.”

Mahimo ka nga makasugod niining bahina sa panaghisgotan pinaagi sa pagpakita ug pagdapit sa mga estudyante nga mag-uban sa paghisgot sa mosunod nga mga pangutana:

• Unsaon ninyo pagpasabot ang balaan nga misyon sa Manluluwas ngadto sa usa ka siyete anyos nga bata? Unsa ang imong ikasulti kaniya kabahin kon nganong ang misyon sa Manluluwas importante kaayo nganha kanimo?

Ikonsiderar ang pagpakita sa kalakip nga imahe. Ipasabot nga samtang nagbasa gikan sa mga pulong ni Isaias ngadto sa mga Hudeo diha sa sinaguga sa Iyang natawhan sa Nazaret, si Jesus mipahibalo sa Iyang balaan nga misyon.

Dapita ang mga estudyante sa pagbasa sa Lucas 4:16–22 o tan-awa ang “ Jesus Declares He Is the Messiah ” (gikan sa time code 0:00 hangtod 2:12), nga mangita kon unsa ang atong makat-onan mahitungod sa balaan nga misyon sa Manluluwas.

3:24

• Unsa ang gitudlo kanato sa bersikulo 18 kabahin sa balaan nga misyon ni Jesus? (Tabangi ang mga estudyante sa pag-ila sa kamatuoran nga ang Langitnong Amahan midihog ni Jesus sa pagsangyaw sa ebanghelyo ngadto sa kabos, pag-ayo sa masulob-on nga kasingkasing, pagsangyaw og katubsanan ngadto sa mga binihag, paghatag og panan-aw ngadto sa buta, ug pagpalingkawas niadtong kinsa gidaugdaog.)

Makapili ang mga estudyante og usa sa mga pulong o mga hugpong sa mga pulong nga naghulagway sa misyon sa Ginoo nga labing makapainteres kanila. Makagamit sila og usa ka diksiyonaryo, ang Gibatbat nga feature diha sa Librarya sa Ebanghelyo, mga footnote, ang Giya ngadto sa mga Kasulatan, o ang Bible Dictionary aron makat-on pa og dugang kabahin niini (tan-awa sa “Pagpangita sa Kahulogan sa mga Pulong ug mga Hugpong sa mga Pulong,” Mga Kahanas sa Pagtuon sa Kasulatan alang sa dugang nga impormasyon niining hilisgotan sa pagkat-on).

Aron imodelo kining kahanas, makaadto kamo sa Giya ngadto sa mga Kasulatan ug mobasa sa sulod nga “Usa nga Dinihogan” aron makakat-on kon sa unsang paagi ang “dinihogan” magamit ngadto ni Jesukristo.

Human ang mga estudyante adunay igong panahon sa pagtuon, dapita sila sa pagpakigbahin sa unsay ilang nakat-onan kabahin sa pulong o hugpong sa mga pulong nga ilang gipili. Samtang sila mopakigbahin, mahimo nimong isal-ot ang ilang pulong o hugpong sa mga pulong ngadto sa usa o dugang pa sa mosunod nga mga pangutana:

• Sa unsang paagi si Jesus sa atong panahon? (Pananglitan: Sa unsang paagi si Jesus mitakda sa kalingkawasan sa dinaugdaog sa atong panahon?)

• Kanus-a man nimo nasaksihan ang Manluluwas ?

• Sa unsang paagi ikaw napanalanginan pinaagi sa abilidad sa Manluluwas sa ?

Aron sa pagpasabot kon sa unsang paagi ang tahas sa Manluluwas may kalabotan kanato karon, hunahunaa ang pagpakigbahin sa mosunod nga pamahayag ni Elder Gerrit W. Gong:

Buhi Siya—dili lang kaniadto, apan karon, dili para sa uban, apan para sa tanan. Mianhi Siya ug moanhi aron sa pag-ayo sa nasakitan, paghaw-as sa mga nabilanggo, pag-ayo sa mga buta, ug paghatag og kagawasan sa mga dinaugdaog. [Tan-awa sa Lucas 4:18.] Kana para sa matag usa kanato. Ang iyang makatubos nga mga saad magamit, bisan unsa pay atong kagahapon, atong karon, o mga kabalaka sa atong umaabot. (“Hosana ug Aleluya—Ang Buhi nga si Jesukristo: Ang Pinakaimportanting Bahin sa Pagpahiuli ug Pasko sa Pagkabanhaw,” Liahona, Mayo 2020, 53)

Dapita ang mga estudyante sa pagpili og usa sa “makatubos nga mga saad” sa Manluluwas nga adunay espesyal nga kahulogan ngadto kanila. Hatagi sila og panahon nga makarekord sa ilang mga hunahuna ug mga panabot mahitungod niini.

Balik ngadto sa “Mga Opsiyon sa Kalihokan sa Pagkat-on.”

Depende sa kahibalo ug panabot sa imong mga estudyante, mahimo nimong buhaton ang usa sa mosunod: (1) mopakita sa gilakip nga litrato ug ipa-summarize sa usa ka estudyante ang istorya sa lalaki nga paralisado, (2) ipakita ang litrato ug magdungan sa pagbasa sa Lucas 5:17–26, o (3) motan-aw sa “, Jesus Forgives Sins and Heals a Man Stricken with Palsy ” (2:57).

2:57

• Sa unsa nga mga paagi ang Manluluwas miayo niining tawo? (Tabangi ang mga estudyante sa pag-ila og usa ka kamatuoran nga susama sa mosunod: Si Jesukristo adunay gahom sa pag-ayo kanato sa atong pisikal nga mga hagit ug mopasaylo sa atong mga sala.)

• Nganong importante man ang pagsabot nga ang Manluluwas gustong moayo kanato sa pisikal ug espirituhanong paagi?

Ikonsiderar nga mag-uban sa pagbasa sa mosunod nga pamahayag ni Elder Craig A. Cardon:

Ang Manluluwas nasayod nga daghang mga tawo ang misunod Kaniya tungod sa Iyang dagkong mga milagro. …

Apan niining paralisado nga tawo, ang Ginoo mipili sa pagpakita og ebidensya sa disipulo ug sa kaaway sa Iyang talagsaong tahas isip Manluluwas sa kalibotan. …

Pinaagi niining milagroso nga pisikal nga pagkaayo, ang Manluluwas mimatuod kanatong tanan niining walay kataposang mas gamhanan nga espirituhanong kamatuoran: ang Anak sa Tawo mopasaylo og mga sala! Craig A.( “Ang Manluluwas Gusto nga Mopasaylo,” Liahona, Mayo 2013, 15)

Dapita ang mga estudyante sa pagrekord sa bisan unsa nga impresyon nga moabot samtang sila mamalandong kon nganong ang pagpasaylo sa mga sala mao ang usa ka “walay kinutuban nga mas gamhanang espirituhanong kamatuoran” kay sa “milagroso nga pisikal nga [mga] pagpang-ayo sa Ginoo.” Sila makapamalandong usab sa ilang kaugalingong hugot nga pagtuo diha sa abilidad sa Ginoo sa pag-ayo ug pagpasaylo kanila.

Aron matabangan ang mga estudyante nga makagamit niiing mga kamatuoran, ikonsiderar ang pagpangutana:

• Unsay imong nahibaloan mahitungod sa gahom sa Manluluwas sa pag-ayo ug pagpasaylo kanato? (Makatan-aw kamo sa “The Savior Wants to Forgive” (5:50), nga maglakip sa mga pulong gikan sa pakigpulong ni Elder Cardon.)

  

  5:50

• Unsa ang imong buhaton o unsa ang imong mabuhat aron mapakita sa Ginoo ang imong tinguha sa pagdawat sa makaayo nga gahom sa kapasayloan?

Balik ngadto sa “Mga Opsiyon sa Kalihokan sa Pagkat-on.”

Itudlo nga ang mga tawo kasagaran nga mogamit og mga ngalan ug mga ilhanan aron mohulagway sa ilang kaugalingon o sa uban. Ihatag ang “mga “Paghingalan” nga handout, ug hangyoa ang mga estudyante sa pagsulat niini.

Dapita ang mga estudyante sa pagbasa sa Lucas 5:27–30 ug mangita sa mga paghingalan nga gigamit niining tudling.

• Unsa ang gipasabot sa mga paghingalan nga mga “maniningil sa buhis ug sa mga makasasala”? (tan-awa sa “Lucas 5:27–30. Nganong ang mga maniningil sa buhis gikasilagan sa mga Hudeo?” diha sa Mga Tabang sa Kasulatan: Bag-ong Tugon Alang sa dugang nga impormasyon).

• Ngano kaha nga ang mga escriba ug mga Pariseo misaway ni Jesus tungod sa pakigpangaon uban sa mga maniningil sa buhis ug sa mga makasasala?

• Unsa man ang gipasabot sa mga paghingalan nga imong gigamit sa paghulagway sa imong kaugalingon ug sa uban? (Ang mga estudyante makarebyo kon unsa ang ilang gisulat diha sa lamesa.) Sa unsang paagi nga ang uban niining mga paghingalan makaapekto nimo sa negatibong paagi o niadtong anaa sa imong palibot? Unsa nga mga estratihiya ang imong magamit sa pagtangtang sa negatibo o sayop nga mga paghingalan gikan sa imong kinabuhi? (Mahimo nimong hatagan ang mga estudyante og panahon sa pagrekord kon unsa ang ilang buhaton.)

Aron matabangan ang mga estudyante sa paghunahuna og mas lawom kabahin sa mga paghingalan nga ilang gamiton, mahimo ninyong basahon o mag-uban sa pagtan-aw sa mosunod nga pamahayag ni Presidente Russell M. Nelson (gikan sa time code 17:33 hangtod 19:09):

31:24

Ang kaaway nagmaya sa mga timaan tungod kay kini nagbahin kanato ug nagpugong sa paagi nga kita maghunahuna mahitungod sa atong kaugalingon ug sa usag usa. Pagkaguol kon kita mopasidungog sa mga paghingalan kay sa kita mopasidungog sa usag usa.

Ang mga paghingalan mahimong mosangpot ngadto sa pagpanghukom ug kaligutgot. Ang bisan unsang pag-abuso o pagpihig ngadto sa laing tawo tungod sa nasyonalidad, kaliwat, sekswal nga kahilig, gender, naabot sa edukasyon, kultura, o ubang mahinungdanon nga mga timailhan makapasilo sa atong Tiglalang! Ang kana nga pagmaltrato makaingon nga kita magpuyo ubos sa atong gidak-on isip Iyang pakigsaad nga mga anak nga lalaki ug mga anak nga babaye!

Adunay nagkadaiyang timaan nga mahimong importante kaayo kaninyo, siyempre. Palihog ayaw ko saypa sa pagsabot. Wala ako nagsulti nga ang ubang mga titulo ug mga timailhan dili mahinungdanon. Ako nag-ingon lamang nga kinahanglan walay timailhan ang motangtang, mohulip, o mag-una sa prayoridad niining tulo ka malahutayon nga mga titulo: “anak sa Dios,” “anak sa pakigsaad,” ug “disipulo ni Jesukristo.” (“Mga Pagpili alang sa Kahangtoran,” Library sa Ebanghelo)

Ikonsiderar ang pagrebyo uban sa mga estudyante Lucas 5:29–32, nga mangita sa mensahe sa Manluluwas bahin sa paglaom alang tanan.

• Sa unsang paagi ang kamatuoran nga si Jesukristo nangalagad sa tanan kinsa nagkinahanglan nga maayo makatabang niadtong kinsa mobati nga gihinganlan, gipalain, o dili takos?

• Nganong kini nga kamatuoran sama ka importante alang sa mga eskriba ug mga Pariseo ingon man alang sa mga maniningil sa buhis ug mga makasasala? Unsa nga kalabotan ang anaa niining kamatuoran alang kanimo? (Kon gikinahanglan, makabasa kamo sa Mga Taga-Roma 3:23 ug 1 Juan 1:8.)

Mahimo nimong taposon pinaagi sa pagpakigbahin sa imong pagpamatuod sa atong indibidwal nga panginahanglan nga mamaayo ug matabangan ni Jesukristo, ang Bantogan nga Mananambal.

Balik ngadto sa “Mga Opsiyon sa Kalihokan sa Pagkat-on.”