Lucas 12–17; Juan 11

Hunahunaa ang pagsulat sa pulong nga Mga pasangil diha sa pisara. Ikaw makadapit og mga estudyante sa pag-anha diha sa pisara ug pagsulat og mga ehemplo sa mga pasangil nga ang mga tawo mahimong mohatag tungod sa wala pagsimba, pagtuman sa mga calling, o pagpangalagad ngadto sa uban.

Ipasabot nga si Jesus mipakigbahin sa sambingay sa dakong panihapon samtang nagkaon og pagkaon diha sa balay sa usa ka Pariseo. Ikaw makabasa sa sambingay diha sa Lucas 14:16–24 ug mohangyo sa mga estudyante sa pagpangita kon giunsa sa mga tawo pagtubag ang pagdapit sa usa ka tawo sa pagtambong sa panihapon. Dapita ang mga estudyante sa pagpakigbahin og mga leksiyon nga ilang nakat-unan gikan niini nga sambingay. Mahimo kang mangutana sama sa mosunod:

• Sa unsa nga paagi nga ang ebanghelyo ni Jesukristo sama sa dakong kumbira?

• Unsa ang atong makat-onan mahitungod sa atong mga kaugalingon gikan sa mga pasangil nga atong gihimo sa wala pagbuhat sa buluhaton sa Ginoo?

• Unsay gitudlo niini nga mga bersikulo mahitungod sa Langitnong Amahan ug ni Jesukristo?

Ipakita nga sa Lucas 14:25–33, gitudlo sa Ginoo ang unsay Iyang gipaabot sa Iyang mga disipulo—kadtong kinsa nakadawat sa imbitasyon sa pagtambong sa Iyang panihapon. Ikaw makabasa sa tanang mga bersikulo kon ikaw adunay panahon, o ikaw makabasa sa bersikulo 33 lamang. (Kon ang mga estudyante nakigbisog sa pagsabot sa Lucas 14:26,, ikaw makaribyu sa “Lucas 14;26. Unsa ang kahulogan sa pulong nga ‘pagdumot’?” diha sa Mga Tabang sa Kasulatan: Bag-ong Tugon.) Human sa pagbasa, ikaw makapakita sa mosunod nga baroganan: Isip mga disipulo ni Jesukristo, kinahanglan gayod nga kita andam sa pagbiya sa tanang mga butang sa pagsunod Kaniya.

• Unsa ang pipila ka mga ehemplo sa mga butang nga kita makabiya o makasakripisyo sa pagsunod ni Jesukristo?

• Unsa ang kasagaran nga mga pasangil nga makapugong kanato gikan sa pagsunod sa Manluluwas?

Dapita ang mga estudyante sa pagpamalandong kon unsa ang ilang mahimong makita nga malisod talikdan, o biyaan, kon ang Manluluwas mohangyo kanila sa pagbiya. Makadapit ka usab sa mga estudyante sa pagpakigbahin og mga ehemplo sa mga tawo kinsa nakahimo og mga sakripisyo alang sa Ginoo.

Sa pagtabang sa mga estudyante sa paggamit unsay ilang nakat-onan, dapita sila sa pagsulat mahitungod sa mosunod:

• Usa ka kasinatian sa dihang mihimo sila og sakripisyo sa pagsunod sa Manluluwas

• Usa ka kasinatian sa dihang sila mihimo og pasangil nga mipugong kanila gikan sa pagsunod sa Manluluwas

Awhaga ang mga estudyante sa paghunahuna mahitungod sa unsay ilang pagabuhaton kon ilang makaplagan ang ilang mga kaugalingon nga gustong mohimo og pasangil nga mopugong kanila gikan sa pagsunod sa Manluluwas.

Ikaw makasulat diha sa pisara sa mga pulong nga nahisalaag, napabayaan, nahimulag, ug nahikalimtan. Dapita ang mga estudyante sa daklit makigbahin og pipila ka mga rason ang mga tawo makapamati niini nga paagi. Awhaga ang mga estudyante sa paghunahuna og usa ka tawo nga ilang kaila, tingali lakip ang ilang mga kaugalingon, kinsa mahimong nagsinati niini nga mga pagbati. Dapita sila sa paghunahuna kon giunsa sa mga kamatuoran nga gitudlo diha sa mga sambingay sa nawala nga karnero ug sa nawala nga salapi pagtabang kanila o sa mga tawo nga ilang kaila.

Ipakita nga ang Manluluwas mipakigbahin niini nga mga sambingay sa dihang ang mga Pariseo misaway Kaniya tungod sa pagpakig-uban sa mga publikano ug sa mga makasasala—mga tawo nga ilang gitan-aw uban ang pagtamay ug gihunahuna nga espirituhanon nga nawala.

Sa pag-andam sa mga estudyante niini nga mga sambingay, hunahunaa ang pagpakita sa mosunod nga mga imahe:

Ang mga estudyante makatrabaho sa ginagmay nga mga grupo ug makabasa og dungan sa Lucas 15:4–10. Dapita sila sa pagpangita kon unsay ilang makat-onan mahitungod ni Jesukristo gikan niini nga mga sambingay.

2:20

• Unsa ang atong makat-onan gikan niini nga mga pagkasama ug mga kalainan tali niining duha ka mga sambingay?

• Unsa ang gitudlo kanato sa mga lihok sa magbalantay sa karnero ug sa babaye mahitungod ni Jesukristo? (Ang mga estudyante mahimong moila og usa ka kamatuoran ngadto sa mosunod: Si Jesukristo mangita kanato kon kita mawala.)

Sa pagtabang sa mga estudyante nga makakat-on og dugang mahitungod sa Manluluwas gikan niini nga mga sambingay, ipakita ug hisgoti ang mosunod nga pamahayag ni Presidente Dieter F. Uchtdorf:

Sa dugay nang panahon, kini nga sambingay sa tradisyon gihubad isip usa ka tawag alang kanato sa pagdala og balik sa nawala nga karnero ug sa pagtabang ngadto niadto kinsa nahisalaag. Samtang kini sa pagkatinuod angay ug maayo, naghunahuna ako kon aduna bay mas labaw pa niini.

Kini posible ba nga ang katuyoan ni Jesus, una ug labaw sa tanan, mao ang pagtudlo mahitungod sa buhat sa Maayong Magbalantay? …

Ang atong Manluluwas, ang Maayong Magbalantay, nakaila ug nahigugma kanato. Nakaila Siya ug nahigugma kaninyo.

Nasayod Siya kon ikaw nahisalaag, ug nasayod Siya kon hain ikaw. Nasayod Siya sa imong kasubo. Sa imong hilom nga mga pangamuyo. Sa imong mga kahadlok. Sa imong mga luha. …

Tungod kay nahigugma Siya kanimo, Siya mangita kanimo. Mopas-an Siya kanimo diha sa Iyang mga abaga, nagmalipayon. (“Pas-anon Ka Niya sa Iyang Abaga ug Dad-on Pauli,” Liahona, Mayo 2016, 102)

Hunahunaa ang pagdapit sa mga estudyante sa pagpakigbahin og mga kasinatian sa dihang gibati nila nga nahisalaag, napabayaan, nahimulag, o nahikalimtan ug ang Manluluwas mitabang kanila. Ipasabot nga ang Manluluwas kasagarang nagtabang kanato ug nagtubag sa atong mga pag-ampo pinaagi sa ubang mga tawo. Sa pagtapos, dapita ang mga estudyante sa pagpamalandong sa mosunod nga mga pangutana:

• Unsaon ko pagpakita ang akong pagpasalamat alang sa pagkaandam sa Manluluwas sa pagluwas kanako?

• Kinsa ang nagkinahanglan nga mobati sa gugma ug kabalaka sa Manluluwas pinaagi kanako karon?

Dapita ang mga estudyante sa pagpakigbahin kon sa unsang paagi sila mahimong mobati kon ang usa ka suod nga higala o sakop sa pamilya miingon ngadto kanila, “Human unsay akong nahimo, walay paagi ang Dios mahigugma pa kanako o gusto pa kanako nga mahibalik.” Dapita ang mga estudyante sa pagpangita alang sa mga kamatuoran diha sa sambingay sa mausikon nga anak nga makadala og balik sa paglaom ngadto sa usa ka tawo kinsa mibati niini nga paagi.

Isulat diha sa pisara ang mga pulong amahan, mausikon nga anak nga lalaki, ug igsoong lalaki. Dapita ang mga esrtudyante sa pagporma og mga grupo sa tulo ka tawo ug ngadto sa matag grupo pagpili og usa sa mga tawo nga nahisulat diha sa pisara. Ipabasa sa mga estudyante og dungan ang Lucas 15:11–32, nagtan-aw sa sambingay pinaagi sa mga mata sa tawo nga ilang napilian. Human mabasa sa mga estudyante, papulipuliha ang matag sakop sa grupo ug mopakigbahin sa ilang mga hunahuna mahitungod sa sambingay.

Itudlo nga dinhi niini nga sambingay, ang amahan nagrepresentar sa Langitnong Amahan. Hunahunaa ang pagpangutana sa mosunod nga mga pangutana:

• Unsa ang atong makat-onan mahitungod sa Langitnong Amahan pinaagi sa giunsa sa amahan diha sa sambingay pagtubag ngadto ang matag anak nga lalaki?

• Unsa ang inyong nakat-onan gikan niini nga sambingay nga makatabang niadtong kinsa mibati nga sila dili takos nga luwason? (Mahimong moila ang mga estudyante og usa ka kamatuoran sama sa mosunod: Ang Langitnong Amahan maloloy-ong nagmaya ug nagpasaylo sa tanan niadtong kinsa naghinulsol.)

Mahimo ninyong basahon ug hisgotan ang mosunod nga pamahayag ni Elder Dieter F. Uchtdorf:

Bisan unsa pay nahitabo sa inyong kinabuhi, ako mosubli ug mopahayag sa mga pulong sa akong minahal nga higala ug isig ka Apostol nga si Elder Jeffrey R. Holland: “Imposible nga ang mahangturong kahayag sa [pag-ula ni Kristo] dili moabot kaninyo” (“Ang mga Mamumuo sa Ubasan,” Liahona, May 2012, 33).

Bisan og ang mga pagpili nakapalayo kanimo gikan sa Manluluwas ug sa Iyang Simbahan, ang Gamhanan nga Tig-ayo nagbarog diha sa dalan nga mogiya ngadto sa panimalay, mag-abiabi kanimo. …

Kini ang akong pag-ampo nga ang matag usa kanato makadungog, niining lawom og epekto nga sambingay, sa tingog sa Amahan nga nagtawag kanato nga mosulod sa dalan nga makapabalik kanato sa Dios—nga kita unta makabaton sa kaisog nga maghinulsol, modawat og kapasayloan, ug mosunod sa dalan nga makapabalik kanato ngadto sa atong mapuanguron ug maloloy-on nga Dios. (“Ang Nahisalaag ug ang Dalan nga Makapabalik Kanato sa Dios,” Liahona, Nob. 2023, 88)

Kamo makahisgot kon giunsa niini nga sambingay nga mahimong usa ka mensahe sa paglaom alang sa usa ka tawo kinsa mibati nga sila dili na gayod higugmaon o madawat og balik sa Dios.

Tugoti ang mga estudyante sa pagrekord og mga hunahuna o espirituhanong mga pagbati nga sila aduna diha sa tibuok nga kalihokan sa pagkat-on. Dapita ang pipila sa mga estudyante sa pagpakigbahin kon unsay ilang nakat-onan o gibati mahitungod sa Langitnong Amahan atol sa inyong panaghisgot.

Mahimo nimong ipakita ang handout “ Kaugalingong Pagsusi sa Pagkamapasalamaton” o ihatag kini ngadto sa mga estudyante.

Dapita ang matag estudyante sa paghunahuna kon unsa ang ilang mabuhat nga mahimong usa ka mas mapasalamaton nga tawo samtang sila nagtuon sa istorya sa napulo ka sanlahon.

Ikaw makasugod pinaagi sa pagribyu sa daklit kon unsa ang sakit ug giunsa pagtambal ang mga sanlahon sa biblikanhong mga panahon (tan-awa sa Giya ngadto sa mga Kasulatan, “Sanla,” Librarya sa Ebanghelyo).

0:55

Dapita ang mga estudyante sa pagmatngon sa pagtuon sa Lucas 17:11–19 ug pangita alang sa relasyon tali sa pagpasalamat ug hugot nga pagtuo diha sa Dios. Awhaga sila sa pagrekord og usa ka baroganan nga nagmubo [summarize] kon unsa ang ilang gikat-onan.

Human sa paghatag og panahon alang sa pagtuon, dapita ang mga estudyante sa pagpakigbahin sa mga baroganan nga ilang girekord. (Mahimo silang moila og usa ka baroganan sama sa mosunod: Ang pagpahayag og pagpasalamat ngadto sa Langitnong Amahan ug ni Jesukristo usa ka importante nga paagi sa pagpakita sa atong hugot nga pagtuo diha Kanila.) Samtang ang mga estudyante nagpakigbahin sa ilang mga pamahayag, hunahunaa ang pagpangutana sa mosunod aron matabangan sa pagpalawom ang ilang pagsabot:

• Sa unsang paagi ang pagpahayag og pagpasalamat ngadto sa Langitnong Amahan ug ni Jesukristo naglig-on sa inyong hugot nga pagtuo diha Kanila? (Aron sa pagtabang sa mga estudyante nga makaila sa ubang mga paagi nga ang Dios makapanalangin kanila tungod sa pagpahayag og pasalamat, ikonsiderar ang pagtan-aw sa pipila ka o kinatibuk-ang bahin sa “Presidente Russell M. Nelson kabahin sa Makaayo nga Gahom sa Pasalamat” [11:38].)

  

  11:46

• Unsay makatabang kaninyo sa pagbati og mas daghang pagpasalamat alang sa Langitnong Amahan ug ni Jesukristo? Unsa ang mga paagi kamo makapakita sa inyong pagpasalamat ngadto Kanila?

Ikaw makadapit sa mga estudyante sa paggamit og pipila ka minuto sa matag adlaw sulod sa sunod semana sa pagrekord og dili mokubos sa usa ka paagi ang Langitnong Amahan ug si Jesukristo nakapanalangin kanila nianang adlawa. Ikaw makadapit sa mga estudyante sa pagpadala sa isig usa kanila og mga pahinumdom sulod sa semana. Kini mahimong makatabang sa paghatag og usa ka paagi alang kanila sa pagreport sa ilang kasinatian.

Hunahunaa ang pagpakita sa hulagway sa ubos ug dapita ang pipila sa mga estudyante sa pagpakigbahin og daklit sa mga hagit nga moabot kon ang usa ka minahal mamatay.

Mahimong imong ipakigbahin ang mosunod nga pamahayag ni Presidente Henry B. Eyring:

Ang matag usa kanato pagasulayan pinaagi sa pag-atubang sa kamatayon sa tawo nga atong gihigugma. Ang kinalisdang bahin niana nga pagsulay mao ang pagkahibalo kon unsay buhaton uban sa kasubo, sa pag-inusara, ug sa pagkawala nga bation sama nga ang usa ka bahin kanato nawala. Ang kasubo makapadayon sama sa naglaygay nga kasakit. Ug alang sa uban adunay mga pagbati sa kasauko o kawalay kaangayan. (“Face Life’s Tests with the Savior’s Help,” New Era, Apr 2019, 4)

Sa pag-andam sa mga estrudyante sa paghisgot og unsay atong makat-onan gikan sa Manluluwas mahitungod sa pag-atubang sa kamatayon ug kasubo, hunahunaa ang pagmubo sa mga panghitabo diha sa Juan 11. Makahimo ka niini pinaagi sa pagpabasa sa mga estudyante sa ulohan sa kapitulo alang sa Juan 11. O ikaw makadapit og usa ka estudyante kinsa sinati sa kapitulo sa pagmubo niini diha sa ilang kaugalingong mga pulong.

7:53

Bahina ang mga estudyante ngadto sa gagmay nga mga grupo. Dapita sila sa pagbasa sa usa sa mga kolom gikan sa handout “Unsa ang Atong Makat-onan gikan sa Manluluwas mahitungod sa Pag-atubang sa Kamatayon ug Kasubo?” Dayon dapita sila sa paghisgot kon unsay ilang nakat-onan gikan sa Manluluwas mahitungod sa kamatayon ug kasubo. (Diha sa kalihokan, ang mga estudyante giawhag sa pagbansay sa kahanas “Pagpaminaw uban sa Gugma” diha sa Mga Kahanas sa Pagtuon sa Kasulatan.)

Ikaw makadapit sa mga estudyante sa pagpakigbahin kon giunsa sa usa sa mga baroganan nga ilang nadiskobre nakahimo o makahimo sa pagtabang kanila o sa usa ka tawo nga ilang kaila kon mag-atubang sa kamatayon ug kasubo. Awhaga ang mga estudyante sa pagpakigbahin kon unsay ilang nakat-onan uban sa usa ka tawo nga ilang gimahal.