Mga Taga-Roma 1–6

Dapita ang mga estudyante sa pagsulat diha sa pisara sa mga rason nga ang usa ka tawo mahimong maulaw nga sila mga sumusunod ni Jesukristo o usa ka miyembro sa Iyang Simbahan.

• Sa unsang paagi nga ang mga pagbati og kaulaw makaimpluwensiya sa paagi sa atong pagsunod sa ebanghelyo?

Ipasabot nga si Apostol Pablo miatubang og daghang mga kritiko ug daghang pagsupak atol sa iyang pangalagad. Bisan pa niana, maisogon niyang gipahayag sa sinugdanan sa iyang sulat ngadto sa mga Taga-Roma nga “wala [niya] ikaulaw ang Maayong Balita” (Mga Taga-Roma 1:16). Basaha og dungan ang Mga Taga-Roma 1:1–17, mangita sa posibleng mga rason kon nganong wala gikaulaw ni Pablo ang ebanghelyo sa Manluluwas.

• Unsay gibati ni Pablo mahitungod ni Jesukristo? Unsay iyang gibati mahitungod sa iyang tawag isip usa ka Apostol?

• Unsa ang atong makat-onan gikan ni Pablo mahitungod sa pagpakigbahin sa ebanghelyo? (Mahimo nimong ipakigbahin ang mosunod nga baroganan nga gikuha ni Elder Dieter F. Ucthdorf gikan sa bersikulo 16: “Tungod kay ‘ang ebanghelyo ni Kristo … mao ang gahom sa Dios alang sa kaluwasan’ [Mga Taga-Roma 1:16], mahimo kamong masaligon, maisogon, ug mapaubsanon samtang mopaambit niini” [“Misyonaryo nga Buhat: Pagpakigbahin sa Unsay Anaa sa Inyong Kasingkasing,” Liahona, Mayo 2019, 17].)

• Sa unsa nga paagi nga ang pagsinati sa gahom sa ebanghelyo sa Manluluwas mismo sa imong kaugalingon makaimpluwensiya kon unsaon nimo kini sa pagpakigbahin?

Aron matabangan ang mga estudyante nga mas maghunahuna og lawom mahitungod sa Mga Taga-Roma 1:16, mahimo silang mobuhat nga mag-inusara o adunay pares ug mogamit sa himan sa pagpangita diha sa Librarya sa Ebanghelyo o sa Scripture Citation Index (scriptures.byu.edu) aron makat-on unsay gisulti sa mga lider sa Simbahan mahitungod sa Mga Taga-Roma 1:16. (Kon ang mga estudyante nagkinahanglan og tabang gamit ang bisan hain niining mga tinubdan, makarebyo ka uban nila “Gamit ang mga Pagtulun-an sa mga Lider sa Simbahan aron Masabtan ang mga Kasulatan” diha sa Mga Kahanas sa Pagtuon sa Kasulatan.) Human ang mga estudyante nakagahin na og panahon sa pagtuon, hangyoa sila sa pagpakigbahin sa ilang nakat-onan.

Sa pagtapos, dapita ang mga estudyante sa pagtimbang-timbang kon unsa ka maayo ang ilang gibuhat sa pagpakita nga wala nila gikaulaw si Jesukristo ug ang Iyang ebanghelyo. Dapita usab sila sa paghunahuna kon unsa ang ilang mabuhat aron mahimong mas maisogon sa pagsaksi sa Manluluwas. Ikonsiderar ang paghatag sa mga estudyante og panahon sa pagrekord sa ilang mga hunahuna ug impresyon gikan sa Espiritu Santo.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagpakigbahin sa mosunod nga kasinatian nga gisulti ni Elder D. Todd Christofferson:

Dugay na, usa ka tawo kinsa nahimong miyembro sa Simbahan sulod sa daghang katuigan nangutana nako, “Nganong magkinahanglan man ko ni Jesukristo? Gituman nako ang mga kasugoan; usa ko ka maayong tawo. Nganong magkinahanglan ko og Manluluwas?” Moingon gyod ko nga kining [mga pangutana] sa miyembro… nakapahingangha kanako. (“Why We Need Jesus Christ,” Ensign, Dec. 2020, 19–20)

• Makapatingala ba usab kini kanimo? Ngano o nganong dili?

Ipasabot nga sa Mga Taga-Roma 2–6, gihisgotan ni Pablo ang pagtuo nga gihuptan sa pipila ka mga Hudeo nga ang mga Kristiyano nga ang mga Hentil kinahanglan gayod nga motuman sa balaod ni Moises aron maluwas (tan-awa ang Mga Taga-Roma 2:25–29; 4:9–12). Nakatutok sa pagsunod sa balaod ni Moises, kini nga mga miyembro sa Simbahan hingpit nga napakyas sa pagsabot sa mahinungdanong tahas ni Jesukristo sa ilang kaluwasan.

Isulat diha sa pisara ang mosunod nga kamatuoran:

• Mga Taga-Roma 3:10–12, 23–25; 5:1–2, 8–11, 20–21; 6:23. Tan-awa usab sa 2 Nephi 2:5–8.

Dapita ang mga estudyante sa pagtinabangay diha sa gagmay nga mga grupo, sa pagpangita dinhi niini nga mga bersikulo alang sa mga tubag sa pangutana nga “Nganong nagkinahanglan kita og usa ka Manluluwas?”

Pahinumdom: Kini nga mga bersikulo mahimong adunay mga pulong nga dili pamilyar sa imong mga estudyante. Awhaga sila sa paggamit sa mga kapanguhaan nga nalista diha sa “Pagpangita sa Kahulogan sa mga Pulong ug mga Hugpong sa mga Pulong” diha sa Mga Kahanas sa Pagtuon sa Kasulatan aron sa pagdiskobre kon unsay gipasabot sa mga pulong. Ikonsiderar ang pagmodelo niini nga kahanas pinaagi sa pagpasabot nga tungod kay si Pablo kanunay nga nagtumong sa “grasya” niini nga mga bersikulo (tan-awa sa Mga Taga-Roma 3:24; 5:2, 20–21), importante nga masabtan kon unsa ang gipasabot niini. Dapita ang mga estudyante sa pagpangita sa “grasya” diha sa Giya ngadto sa mga Kasulatan o sa mga Hilisgotan ug mga Pangutana (Librarya sa Ebanghelyo) alang sa katin-awan.

Human sa panahon alang sa pagtuon ug panaghisgot sa gagmay nga grupo, dapita ang mga estudyante sa pagpakigbahin sa ilang nakat-onan nga makatubag sa pangutana nga “Nganong nagkinahanglan kita og usa ka Manluluwas?” Ang mga estudyante mahimong mopakigbahin og mga kamatuoran sama sa mosunod: Kitang tanan nakasala ug nakabsan sa himaya sa Dios. Pinaagi lamang sa matinud-anong pagdawat kang Jesukristo ug sa Iyang Pag-ula nga makadawat kita sa Iyang grasya aron mahatagan og kaangayan ug maluwas.

Samtang ang mga estudyante mopakigbahin sa ilang mga panabot, ikonsiderar ang paghisgot sa mosunod nga mga pangutana aron masukod ang ilang pagsabot sa mga pagtulun-an ni Pablo:

• Unsay inyong nakat-onan mahitungod sa relasyon tali sa hugot nga pagtuo diha kang Jesukristo, sa atong mga buhat, ug sa grasya sa Manluluwas? (Kon ang mga estudyante naglisod sa pagtubag niini nga pangutana, ikonsiderar ang paggamit sa senaryo nga makita sa kataposan niini nga kalihokan sa pagkat-on.)

• Unsa ang imong mga pagbati kang Jesukristo, nasayod nga tungod sa Iyang grasya ikaw mahimong maluwas?

Hunahunaa ang pagbuhat sa usa sa mosunod aron matabangan ang mga estudyante nga mobati og mas lawom sa ilang panginahanglan alang sa Manluluwas:

• Tan-awa ang “Why We Need a Savior” (2:16) o “There Is No Limit to God’s Love | HIs Grace” (5:38). Dapita ang mga estudyante sa pagrekord sa ilang kaugalingong mga rason kon nganong sila nagkinahanglan sa Manluluwas.

  

  2:15
  

  5:37

• Dapita ang mga estudyante sa pagpakigbahin og mga ehemplo kon sa unsang paagi sila natabangan sa Manluluwas ug sa Iyang grasya.

• Dapita ang mga estudyante sa pagpakigbahin kon sa unsang paagi ang pagsabot sa ilang panginahanglan sa Manluluwas ug sa Iyang grasya makaapekto kon giunsa nila sa pagpuyo ang ilang kinabuhi.

Opsyonal nga Senaryo:

Aron matabangan ang mga estudyante nga makasabot sa relasyon tali sa hugot nga pagtuo diha ni Jesukristo, sa atong mga buhat, ug sa grasya sa Manluluwas, ipakita o drowinga ang mosunod nga hulagway diha sa pisara:

Dapita ang mga estudyante sa paghanduraw nga sila anaa sa usa ka disyerto ug himatyon sa kauhaw. Sa duol nga bungtod nakakita sila og botelya nga adunay tubig.

• Hain sa mosunod ang moluwas kaninyo: (a) ang inyong pagtuo nga ang tubig makaluwas kaninyo, (b) ang inyong paningkamot aron sa pagkuha sa tubig ug moinom niini, o (c) ang tubig mismo?

• Sa unsa nga paagi nga ang tubig niini nga analohiya sama kang Jesukristo ug sa Iyang Pag-ula?

• Unsaon nimo sa paggamit kini nga analohiya sa paghulagway sa relasyon tali sa hugot nga pagtuo diha ni Jesukristo, sa atong mga buhat, ug sa grasya sa Manluluwas? (Ang mga estudyante mahimong makigtinabangay uban sa usa ka kapares ug magbansay sa paggamit sa analohiya sa pagtudlo mahitungod sa hugot nga pagtuo, mga buhat, ug grasya.)

Balik ngadto sa “Mga Opsiyon sa Kalihokan sa Pagkat-on.”

Mahimo nimong sugdan pinaagi sa pagsulat sa mosunod nga mga ulohan diha sa pisara: Mga pagsulay o kalisdanan nga atong nasinati sa kinabuhi ug Kasagaran nga mga tubag sa mga pagsulay o kalisdanan. Dapita ang mga estudyante sa pagpakigbahin og mga ehemplo sa unsa kahay mohaom ubos sa matag ulohan.

Mahimo usab nimong hangyoon ang mga estudyante sa paghunahuna mahitungod sa usa ka pagsulay o kalisdanan nga tingali ilang nasinati sa ilang kaugalingong mga kinabuhi. Awhaga sila samtang sila nagtuon sa paghatag og pagtagad sa espirituhanong pag-aghat gikan sa Espiritu Santo nga makatabang kanila sa ilang personal nga mga kahimtang.

Ipasabot nga sama kanato, ang mga Santos nga Taga-Roma nakasinati og daghang pagsulay. Dapita ang mga estudyante sa pagbasa sa Mga Taga-Roma 5:1–5, mangita sa mga pagtulun-an nga makatabang kanato sa panahon sa atong mga pagsulay o kalisdanan.

• Nganong importante man ang pagdangop ngadto sa Manluluwas kon kita mag-atubang og mga pagsulay? (Ang mga estudyante mahimong moila og usa ka baroganan sama sa mosunod: Kon atong makab-ot ang grasya sa Manluluwas pinaagi sa hugot nga pagtuo, kita makabaton og pailob, kasinatian, ug paglaom pinaagi sa atong mga kalisdanan.)

• Sa unsang paagi nga ang grasya sa Manluluwas makatabang kanato nga molambo diha sa pailob, kasinatian, ug paglaom samtang mag-atubang kita og mga pagsulay? (Kon gikinahanglan, basaha og dungan ang “Grasya” diha sa Giya ngadto sa mga Kasulatan.)

• Kanus-a ang grasya sa Manluluwas nakatabang kanimo o sa usa ka tawo nga imong kaila latas sa usa ka lisod nga kasinatian?

Aron matabangan ang mga estudyante sa paghunahuna og maayo mahitungod kon sa unsang paagi ang grasya sa Manluluwas makatabang kanato karon kon kita mag-atubang og mga hagit, ikonsiderar ang pagpakigbahin sa mosunod nga senaryo:

• Unsa kaha ang wala masabti ni Mary mahitungod sa tabang o grasya sa Manluluwas?

• Unsa man ang gusto nimong masabtan ni Mary mahitungod sa kinaiya sa Manluluwas?

Ikonsiderar ang pagpakigbahin sa pamahayag ni Brother Bradley R. Wilcox, Unang Magtatambag sa Kinatibuk-ang Kapangulohan sa Young Men, ug hangyoa ang mga estudyante sa paggamit niini ngadto sa senaryo:

Hinumdomi nga ang Dios ug si Kristo andam nga motabang kanato dinhi mismo ug karon. …

… Ang Iyang grasya dili lang usa ka premyo alang sa mga takos. Kini mao ang “balaang panabang” nga Iyang gihatag nga motabang kanato nga mahimong takos. Dili lang kini usa ka ganti alang sa mga matarong. Kini mao ang “gasa sa kalig-on” nga Iyang gihatag nga motabang kanato nga mahimong matarong. Dili lamang kita naglakaw padulong sa Dios ug ni Kristo. Kita naglakaw uban Kanila. (“Ang Pagkatakos Dili ang Pagkawalay Tatsa,” Liahona, Nob. 2021, 67)

Mahimo nimong hangyoon ang mga estudyante sa pagpamalandong sa pagsulay o kalisdanan nga ilang nailhan sa sinugdanan niining kalihokan sa pagkat-on. Dapita sila sa pagkonsiderar kon sa unsang paagi ang pagtinguha sa grasya sa Manluluwas karon makatabang kanila nga molambo samtang sila mag-atubang sa ilang pagsulay.

Balik ngadto sa “Mga Opsiyon sa Kalihokan sa Pagkat-on.”

Mahimo nimong sugdan kini nga kalihokan pinaagi sa paghangyo sa mga estudyante nga magporma og gagmayng grupo ug hatagi sila og handout nga “Mga Taga-Roma 6:1–12”:

• Human sa panahon alang sa panaghisgotan diha sa gagmayng grupo, dapita ang mga estudyante sa pagpakigbahin sa kamatuoran nga ilang napalgan ug kon sa unsang paagi kini magamit ngadto ni Felix. Sila mahimong moila sa mga kamatuoran sama sa mosunod: Kon mopili kita sa pagsunod ni Jesukristo, kita naningkamot sa pagbiya sa atong mga sala ug naglakaw diha sa bag-o nga kinabuhi. Ang bunyag nagsimbolo sa atong kamatayon sa sala ug sa bag-o natong kinabuhi diha kang Kristo.

• Sa unsang paagi nga ang imong kinabuhi napanalanginan pinaagi sa pagpaningkamot sa pagbiya sa sala ug mahimong bag-ong tawo pinaagi ni Jesukristo? (Mahimong makatabang kini ang pagtudlo sa mga estudyante ngadto sa 2 Mga Taga-Corinto 5:17 ug Mosiah 27:23–26 isip dugang nga mga kapanguhaan sa kasulatan.)

• Unsa ang mahimong mahitabo kon kita panagsa lang diha sa atong mga paningkamot sa pagsunod kang Jesukristo?

Ikonsiderar ang pagtan-aw sa “Newness of Life” (1:18) o ang pagbasa og dungan ug paghisgot sa mosunod nga pamahayag ni Elder David A. Bednar:

1:18

Human kita mohaw-as gikan sa mga tubig sa bunyag, ang atong mga kalag kinahanglang [padayong] ihumol ug ipatuhop sa kamatuoran ug sa kahayag sa ebanghelyo sa Manluluwas. Panagsa ug mabaw nga pagkahumol diha sa doktrina ni Kristo ug parsyal nga pag-apil sa Iyang gipahiuli nga Simbahan dili makahatag sa espiritwal nga kausaban nga makahimo kanato sa paglakaw og bag-ong kinabuhi. …

Ang hingpit nga paghumol ug pagtuhop sa ebanghelyo sa Manluluwas importante nga mga lakang sa proseso sa pagpakatawo pag-usab. (“Kinahanglang Matawo Kamo Pag-usab,” Liahona, Mayo 2007, 21)

Ikonsiderar ang pagpakita sa mosunod nga mga natad. Dapita ang mga estudyante sa paghunahuna kon asa man nila ibutang ang ilang kaugalingon niini. Dapita sila sa pagrekord unsa nga mga kausaban ang ilang mahimo aron mas mahumol pa sa ebanghelyo sa Manluluwas aron sila mahimong mas mahisama Kaniya.

Balik ngadto sa “Mga Opsiyon sa Kalihokan sa Pagkat-on.”