Mateo 21–23; Marcos 11; Lucas 19–20; Juan 12

Makasugod kamo pinaagi sa pagsulat diha sa pisara sa pulong nga debosyon. Ipasabot nga kini nga pulong nagpasabot og gugma alang sa, pagsalig diha sa, ug pagkamaunungon ug pagkamatinud-anon ngadto sa usa ka tawo o kawsa. Dapita ang mga estudyante sa pagpakigbahin kon sa unsa ang mga tawo sa atong panahon nahimong matinuuron.

• Unsa sa imong hunahuna kon sama sa unsa ang hitsura sa kinabuhi sa usa ka tawo kon siya may debosyon ngadto ni Jesukristo?

Hunahunaa ang pagpakita sa mga imahe sa ubos. Ipasabot nga sa wala pa ang Iyang madaugon nga pagsulod ngadto sa Jerusalem, mihunong si Jesukristo sa Betanya, diin gidihogan ni Maria ang Iyang mga tiil. Kini nga mga panghitabo makahatag kanato og importante nga panabot nahitungod kon unsaon sa pagpakita og debosyon ngadto sa Manluluwas sa pribado ug publiko nga paagi.

Ipakita ang mosunod nga mga kapilian nga kalihokan sa pagkat-on. Dapita ang mga estudyante sa pagtrabaho uban sa usa ka kauban o diha sa ginagmay nga grupo ug pagpili og usa sa mga kapilian sa ubos.

• Kapilian 1: Basaha ang Juan 12:1–8, ug hisgoti unsay ikatudlo sa mga lihok ni Maria kanato mahitungod sa debosyon. Makatuon usab kamo sa “Juan 12:1–8. Unsa ang mahinungdanon mahitungod sa pagdihog ni Maria ni Jesukristo?” diha sa Mga Tabang sa Kasulatan: Bag-ong Tugon.

• Kapilian 2: Basaha ang Mateo 21:1–11, ug hisgoti kon unsay ikatudlo niini nga panghitabo kanato mahitungod sa pagpakita og debosyon ngadto sa Manluluwas. Kamo makatuon usab sa “Mateo 21:1–11. Unsa ang mahinungdanon mahitungod sa madaugong pagsulod sa Manluluwas?” diha sa Mga Tabang sa Kasulatan: Bag-ong Tugon.

Human sa paghatag sa mga estudyante og igo nga oras sa pagkompleto sa ilang pinili nga kalihokan, dapita sila sa pagpakigbahin kon unsa ang ilang nakat-onan mahitungod sa debosyon ngadto sa Manluluwas. Samtang ang mga estudyante nakigbahin sa ilang mga panabot, hunahunaa kon bisan hain sa mosunod nga mga pangutana makatabang ba sa pagpalawom sa ilang pagsabot:

• Dinhi niini nga asoy, unsa ang gipadayag sa mga pulong ug mga lihok sa mga tawo mahitungod sa ilang mga pagbati alang sa Manluluwas? (Mahimong moila ang mga estudyante og usa ka kamatuoran sama sa mosunod: Kita makapakita sa atong gugma ug debosyon ngadto ni Jesukristo pinaagi sa mga pulong ug mga lihok.)

• Unsa ang pipila ka mga pulong ug mga lihok nga makapakita sa atong gugma ug debosyon ngadto sa Manluluwas?

• Unsa ang inyong gipamati kon kamo nakapahayag og gugma ug debosyon ngadto sa Manluluwas?

Hunahunaa ang paghatag sa mga estudyante og panahon sa paghunahuna sa usa ka butang nga ilang mabuhat sa pagpahayag og mas dako nga debosyon ngadto sa Manluluwas sa publiko ug sa pribado nga paagi.

Balik ngadto sa “Mga Kapilian nga Kalihokan sa Pagkat-on.”

Hunahunaa ang paghisgot sa mga hagit nga gi-presentar diha sa mosunod nga talan-awon:

Human maghisgot sa talan-awon uban sa mga estudyante, dapita sila sa pagbasa sa Mateo 22:34–40, mangita alang sa mga kamatuoran nga gitudlo sa Manluluwas nga mahimong motabang ni Maria. Hunahunaa ang pagpangutana og usa o mas daghan pa sa mosunod nga mga pangutana:

• Unsa nga mga kamatuoran ang gitudlo sa Manluluwas? Nganong mga importante kini? (Ang mga estudyante mahimong mopahayag og usa ka butang nga susama niining mosunod: Ang una ug dako nga sugo mao ang paghigugma sa Dios ug ang ikaduha mao ang paghigugma sa atong silingan.) Unsaon paggamit niini nga mga kamatuoran sa sitwasyon ni Maria?

• Ngano sa imong hunahuna nga sa tanang mga sugo diha sa mga kasulatan, ang Manluluwas nakahimo sa pagtawag niining duha nga ang labing dako?

• Unsa ang mahimong mahitabo kon atong unahon ang ikaduha nga sugo labaw sa unang sugo?

Mahimong bahinon nimo ang mga estudyante ngadto sa gagmay nga mga grupo ug hatagan sila sa handout “Paghigugma sa Dios ug sa Uban.” Ipakita nga kini nga panaghisgot mahimong mopaila sa pipila ka sensitibo nga mga hilisgotan. Kon gikinahanglan, ikaw makaribyu sa kahanas “Pakigbahin sa mga Kamatuoran sa Ebanghelyo uban sa Gugma ug Pagka-sensitibo” diha sa Mga Kahanas sa Pagtuon sa Kasulatan.

Hunahunaa ang paghatag sa mga estudyante og panahon sa pagpakigbahin kon unsay ilang nakat-onan gikan sa ilang mga panaghisgot sa grupo ug sa pagpangutana og dugang nga mga pangutana. Dapita ang mga estudyante sa pagpamalandong kon unsay ilang mabuhat sa paghigugma og mas maayo pa sa Dios ug sa ilang silingan.

Balik ngadto sa “Mga Kapilian nga Kalihokan sa Pagkat-on.”

Hunahunaa ang pagpakigbahin sa mosunod nga kasinatian:

• Unsa sa imong hunahuna ang paghatag ni Damon og bili sa kaugalingon?

Ipasabot nga diha sa Mateo 23, si Jesukristo namulong nga maisugon mahitungod sa espirituhanong mga sangpotanan sa pagpakaaron-ingnon (tan-awa sa “Mateo 23:13–33. Unsa ang usa ka tigpakaaron-ingnon?” diha sa mga Tabang sa Kasulatan: Bag-ong Tugon). Dapita ang mga estudyante sa pagporma og gagmay nga mga grupo, ug paghatag kanila og handout sa “Nagpasidaan ang Manluluwas mahitungod sa Pagpakaaron-ingnon” aron mapalawom nila ang ilang pagsabot sa unsay gitudlo sa Manluluwas.

Makadapit ka sa matag grupo sa pagsulat diha sa pisara og dili mokubos sa usa ka kamatuoran o panabot nga ilang nadiskobre. Ang pipila ka mga kamatuoran o mga panabot makalakip sa mosunod: Ang pagpakaaron-ingnon wala ibansay kon unsa ang atong gitudlo. Ang pagpakaaron-ingnon mao ang paggamit sa mga relihiyosong mga simbolo sa pagpakita nga mas maayo kay sa uban. Ang pagpakaaron-ingnon mao ang pagpunting sa mas minos nga mga butang sa paglikay sa pagbuhat sa mas importanting mga butang. Ang pagpakaaron-ingnon mao ang pagpaka-mas matarong kay sa kita mao. Ang pagpakaaron-ingnon mao ang pagbale-wala sa tinuod nga kahimtang sa atong mga kalag.

Hatagi ang mga estudyante og panahon sa pagpamalandong kon hain nga kamatuoran ang labing may kalabotan sa ilang mga kinabuhi ug sa paghunahuna kon unsaon nila sa paggamit niini. Dapita ang mga estudyante sa paghunahuna kon sa unsang paagi ang ehemplo sa Manluluwas makatabang kanila sa paglikay sa pagpakaaron-ingnon.

Dapita ang mga estudyante sa pagribyu sa talan-awon gikan sa sinugdanan sa kalihokan ug sa paghisgot kon si Damon husto ba sa paghatag og bili sa iyang kaugalingon. Mahimo nimong ipakigbahin ang mosunod nga pamahayag ni Brother Bradley R. Wilcox:

Dili ka hipokrito tungod kay ikaw adunay bati nga gawi nga imong gipaningkamotan nga mahunong. Ikaw hipokrito kon imo kining itago, mamakak bahin niini, o mosulay sa pagkombinsir sa imong kaugalingon nga ang Simbahan ang adunay problema sa pagpabilin sa ingon ka taas nga mga sumbanan. Ang pagkahimong matinuoron bahin sa imong mga lihok ug paghimo og mga lakang aron moabante dili pagkahimong hipokrito. Kini mao ang pagkahimo nga disipulo. (“Ang Pagkatakos Dili ang Pagkawalay Tatsa,” Liahona, Nob. 2021, 62)

Balik ngadto sa “Mga Kapilian nga Kalihokan sa Pagkat-on.”

Makasugod ka pinaagi sa pagpakita sa mosunod nga pamahayag ni Sister Carol F. McConkie kanhi Unang Magtatambag sa Kinatibuk-ang Kapangulohan sa Young Women. Sa daklit paghisgot kon kamo o usa ka tawo nga inyong nailhan mibati nga gihukman o wala maabiabi sa simbahan, sa eskwelahan, sa trabaho, o diha sa komunidad:

Nakaila ko og mga tawo nga magsimba kada Dominggo aron nga sila madasig ug mabayaw ug kinsa mobiya nga gibati nga gihukman ug wala higugmaa—wala kinahanglana, sama ra nga walay luna alang nila sa simbahan. (“Lifting Others” [bidyo], Librarya sa Ebanghelyo)

Ipakita nga diha sa Bag-ong Tugon, ang mga maniningil sa buhis sama ni Zaqueo gitan-aw nga ubos. (Sa pagkat-on pa og dugang mahitungod sa mga maniningil sa buhis, makaparibyo ka sa mga estudyante sa “Lucas 5:27–30. Nganong ang mga maniningil sa buhis gikasilagan sa mga Judeo?” diha sa Mga Tabang sa Kasulatan: Bag-ong Tugon.)

Dapita ang mga estudyante sa pagbasa sa Lucas 19:1–10, mangita kon giunsa si Jesus patagad ni Zaqueo. Sa pagpalawom sa pagsabot sa mga estudyante, hunahunaa ang pagpangutana sama sa mosunod:

• Unsa ang atong makat-onan gikan sa mga pulong ug sa mga lihok sa Manluluwas mahitungod kon unsaon pagtagad niadtong kinsa mibati nga gitamay, wala higugmaa, o gihukman?

• Kanus-a kamo nakakita og usa ka tawo nga nagtagad og lain nga tawo uban sa Kristohanong gugma? Unsay inyong gibati mahitungod sa unsay inyong nakita?

• Unsa ang atong makat-onan gikan ni Zaqueo mahitungod sa unsay buhaton kon kita wala mobati nga gihigugma o gidawat sa uban? (Tabangi ang mga estudyante sa pagsabot nga, walay pagsapayan sa atong sosyal nga kahimtang, kon kita mangita sa Manluluwas, atong madiskobre nga Siya nakaila kanato.)

Kamo makabasa ug makahisgot sa mosunod nga pamahayag gikan ni Sister Sharon Eubank, kanhi Unang Magtatambag sa Kinatibuk-ang Kapangulohan sa Relief Society:

Tungod sa nagkadaiyang rason, wala kita mobati nga gidawat o angayang dawaton. Ang Bag-ong Tugon nagpakita sa dakong mga paningkamot nga gihimo ni Jesus sa pagtabang sa tanang klase sa katawhan. … Sa hapit kada sugilanon, Siya mitabang sa usa ka tawo nga dili kasagaran gidawat sa katilingban. …

… Si Jesus mihatag sa sama nga pagdapit ngari kanato nga Iyang gihimo ngadto ni Zaqueo: “Tan-awa, nagatindog ako sa pultahan, ug nagatuktok: kon [ikaw] magapatalinghug sa akong tingog, ug moabli sa pultahan, kanimo mosulod ako ug makigsalo ako sa pagkaon uban [nimo], ug [ikaw] uban kanako” [Pinadayag 3:20]. Si Kristo nakakita kanato diha sa atong kahoy. (“Kristo: Ang Kahayag nga Nagdan-ag sa Kangitngit,” Liahona, Mayo 2019, 74)

Hunahunaa ang paghatag sa mga estudyante og panahon sa paghunahuna og usa ka tawo nga ilang kaila kinsa mibati nga wala dawata. Dapita ang mga estudyante sa paghunahuna kon unsay ilang mahimo sa pagtabang niini nga tawo nga makaamgo nga ang Manluluwas nakakita ug nakaila kaniya. O kon ang estudyante wala mobati nga gidawat sa uban, sila makahunahuna mahitungod sa unsay ilang mahimo sa pag-ila nga ang Manluluwas nakakita ug nakaila kanila.

Balik ngadto sa “Mga Kapilian nga Kalihokan sa Pagkat-on.”