Mateo 3; Marcos 1; Lucas 3

Ikonsiderar ang pagdapit sa mga estudyante sa pagpakigbahin og lain-laing mga kinaiya sa mga young adult sa ilang komunidad mahitungod sa paghinulsol ug bunyag.

Human sa pagpahimutang sa mga estudyante ngadto sa gagmayng grupo, dapita sila sa paggamit sa Mateo 3:1–12; Hubad ni Joseph Smith, Mateo 3:34–36, 38–40 aron makaandam og usa ka makapadasig nga mensahe sa pagtabang sa usa ka tawo nga motan-aw kon sa unsang paagi ang paghinulsol ug bunyag makapanalangin sa ilang kinabuhi. Ang mosunod nga mga handout makatabang sa mga estudyante samtang sila mag-andam sa ilang mensahe. Kon gikinahanglan, ipaila ang may kalabot nga mga kahanas sama sa “Pagkaplag sa Kahulogan sa mga Pulong ug mga Hugpong sa mga Pulong” ug “Gamit ang mga Pagtulun-an sa mga Lider sa Simbahan sa Pagsabot sa mga Kasulatan” diha sa Mga Kahanas sa Pagtuon sa Kasulatan.

Human sa igong panahon, dapita ang mga grupo sa pagpakigbahin sa ilang mga mensahe kabahin sa paghinulsol ug bunyag. Awhaga sila sa pagpakigbahin og personal nga mga kasinatian kalabot sa unsang paagi ang paghinulsol, bunyag, ug ang bunyag sa kalayo (ang gasa sa Espiritu Santo) motabang kanato nga mas mahisama sa Manluluwas.

Kon ang mga estudyante dili sigurado mahitungod sa kahulogan sa hugpong sa mga pulong nga bunyag sa kalayo, tan-awa ang “The Baptism of Fire” (1:41), o magbasa og dungan ug maghisgot sa mosunod nga pamahayag ni Elder David A. Bednar:

1:42

Kita gimandoan ug gitudloan nga magpakabuhi nga ang atong nalaglag nga kinaiya mausab pinaagi sa balaanong gahom sa Espiritu Santo. Si Presidente Marion G. Romney nagtudlo nga ang bunyag sa kalayo pinaagi sa Espiritu Santo “nag-usab [kanato] gikan sa pagkatawhanon ngadto sa pagkaespirituhanon. Kini naglimpyo, nag-ayo, ug nagputli sa kalag. … Sa pagdawat [niining bunyag sa kalayo] mao ang paghugas sa sapot pinaagi sa maulaong dugo ni Jesukristo” (Learning for the Eternities, comp. George J. Romney [1977], 133; tan-awa usab sa 3 Nephi 27:19–20).

Busa, kon kita matawo pag-usab ug maningkamot nga kanunay makabaton sa Iyang Espiritu nga mag-uban kanato, ang Espiritu Santo maglimpyo ug maglunsay sa atong mga kalag sama sa kalayo (tan-awa sa 2 Nephi 31:13–14, 17). Sa kataposan, kita mobarog nga walay lama diha sa atubangan sa Dios. (“Limpyo nga mga Kamot ug Putli nga Kasingkasing,” Liahona, Nob. 2007, 81)

Hatagi ang mga estudyante og pipila ka minutos aron makapamalandong sa ilang mga kinaiya ngadto sa paghinulsol ug bunyag. O makarekord sila kon unsa ang ilang mahimo aron mas hingpit nga modapit sa makapabalaan nga impluwensiya sa Espiritu Santo.

Balik ngadto sa “Mga Opsiyon sa Kalihokan sa Pagkat-on.”

Mahimo nimong ipakigbahin ang mosunod nga kahimtang:

Paghangyo og pipila ka estudyante sa pagpakigbahin kon unsaon kaha nila sa pagtubag ang batan-ong lalaki. Dayon magdungan sa pagbasa sa Mateo 3:13–15, nga mangita kon giunsa sa pagpasabot sa Manluluwas ang Iyang rason nga gustong bunyagan Siya ni Juan.

Mahimo nimong isulat ang mosunod nga pamahayag nga dili kompleto diha sa pisara: Pinaagi sa Iyang bunyag, si Jesukristo mituman sa tanang pagkamatarong pinaagi sa … Dayon dapita ang mga estudyante nga magpares aron sa mubo nga paagi mohisgot kon unsaon nila sa paghuman ang kapahayag.

Dapita ang parisan sa mga estudyante nga magdungan sa pagbasa sa 2 Nephi 31:4–9 aron madiskobrehan kon unsa ang gitudlo ni Nephi mahitungod sa mga paagi si Jesus mituman sa tanan nga pagkamatarong pinaagi sa pagpabunyag. (Sila mahimong moila sa pipila sa mosunod nga mga paagi sa paghimo og usa ka kompletong pamahayag: Pinaagi sa Iyang bunyag, si Jesukristo mituman sa tanan nga pagkamatarong pinaagi sa pagpakita og usa ka ehemplo. Pinaagi sa Iyang bunyag, si Jesukristo mituman sa tanan nga pagkamatarong pinaagi sa pagpakita sa ganghaan diin kita mosulod sa dalan sa pakigsaad ngadto sa celestial nga gingharian. Pinaagi sa Iyang bunyag, si Jesukristo mituman sa tanang pagkamatarong pinaagi sa mapaubsanong pagtugyan ngadto sa kabubut-on sa Langitnong Amahan. Pinaagi sa Iyang bunyag, si Jesukristo mituman sa tanan nga pagkamatarong pinaagi sa pagpakita nga Siya nagmasulundon ngadto sa mga kasugoan.)

Aron mapalawoman ang panaghisgotan sa mga estudyante, kamo makapakita o mangutana og usa o duha sa mosunod nga mga pangutana:

• Unsay inyong nakat-onan kabahin sa kinaiya ni Jesukristo gikan sa Iyang bunyag?

• Unsaon ninyo nga makapadayon sa pagsunod sa ehemplo sa Manluluwas o mas masunod ang Iyang kinaiya?

Ang mga estudyante makapakigbahin sa unsay labing ganahan nila karon mahitungod ni Jesukristo ug sa Iyang bunyag. O mahimo ka nga magdapit kanila sa paghinumdom sa ilang kaugalingong bunyag samtang sila motan-aw sa “Baptism” (3:13).

3:13

Pahinumdom: Depende sa mga panginahanglan sa mga estudyante, makagahin ka og pipila ka minutos sa paghisgot kon sa unsang paagi ang bunyag ni Jesukristo nagpakita nga ang Dios nga Kapangulohan naglangkob og tulo ka managlahi nga binuhat. Ipakita ang bidyo nga “The Baptism of Jesus” (3:10) o rebyoha ang Mateo 3:13–17, ug dapita ang mga estudyante sa pagpatan-aw kon sa unsang paagi ang Dios nga Kapangulohan managlahi nga giila niini nga panghitabo (tan-awa usab sa Juan 17:1, 21–22; Mga Buhat 7:55–56; Doktrina ug mga Pakigsaad 130:22–23; Joseph Smith—Kasaysayan 1:17).

3:10

Ikonsiderar ang pagpakigbahin sa mosunod nga pamahayag gikan ni Presidente Jeffrey R. Holland:

Kita mamahayag nga kini klaro bisan walay lain pang pruweba gikan sa mga kasulatan nga ang Amahan, ang Anak, ug ang Espiritu Santo managlahi nga mga tawo, tulo ka balaanong mga binuhat, ug motawag sa pagtagad sa dili masaypan ug klaro nga mga ehemplo niini nga kamatuoran sama sa mahinungdanon nga Mapangaliyupoong Pag-ampo sa Manluluwas … , ang Iyang bunyag sa mga kamot ni Juan, ang kasinatian sa Bukid sa Transpigurasyon, ug ang pagkamatay ni Esteban—sa paghingalan og upat lamang. (“Sa Bugtong Tinuod nga Dios ug kang Jesukristo nga Iyang Pinadala,” Liahona, Nob. 2007, 40)

Balik ngadto sa “Mga Opsiyon sa Kalihokan sa Pagkat-on.”

Mahimo nimong hangyoon ang mga estudyante sa pagkompleto sa mosunod nga pagtimbang-timbang sa kaugalingon.

Gradohi ang imong kaugalingon gikan sa 1 hangtod 5 (1 = dili gayod uyon; 5 = dakong uyon):

1. Kanunay kong mobati nga naugtas tungod sa ka-busy sa akong kinabuhi.

2. Kanunay kong mobati nga naugtas tungod sa trabaho, eskwela, o mga responsibilidad sa Simbahan.

3. Kanunay kong mobati nga naugtas tungod sa mga relasyon.

4. Kanunay ko mobati og kakapoy ug kaluya tungod sa makaugtas nga mga sitwasyon.

Human ang mga estudyante nakahimo sa pagtimbang-timbang sa kaugalingon, hisgoti sa makadiyot ang mga hagit nga moabot gikan sa pagkaugtas, kakapoy, ug kaluya.

Ipasabot nga samtang nagkadako ang pakailado sa Manluluwas, mibati gayod Siya sa nagkabug-at sa Iyang pagpangalagad samtang ang mga tawo midugok ngadto Kaniya. Ang mga estudyante mahimong magtinabangay diha sa ginagmay nga mga grupo ug mokompleto sa mosunod nga listahan sa pagdiskobre og butang nga gibuhat sa Manluluwas samtang nagkadako ang panginahanglan sa Iyang pagpangalagad.

Dapita ang mga estudyante sa pagpakigbahin sa unsay gihimo sa Manluluwas niining lisod nga mga kahimtang ug sa unsang paagi kining pagpili magamit ngadto kanila.

Mahimo nimong ipakigbahin ang mosunod nga pamahayag ni Presidente M. Russell Ballard:

Si Jesus, ang atong ehemplo, sa kasagaran “miadto siya sa kamingawan, ug nag-ampo” (Lucas 5:16). Kinahanglan kitang mohimo sa samang butang usahay aron mabag-o ang atong kaugalingon sa espirituhanong paagi sama sa Manluluwas. (“Keeping Life’s Demands in Balance,” Ensign, May 1987, 14)

Aron matabangan ang mga estudyante nga magamit ang ehemplo sa Manluluwas sa ilang kinabuhi, mahimo nimong ipangutana ang mosunod:

• Sa unsang paagi ikaw mapanalanginan pinaagi sa paggahin og panahon nga mag-inusara kauban ang Langitnong Amahan? (Ang mga estudyante mahimong moila og usa ka baroganan sama sa mosunod: Mahimo kitang mabag-o sa espirituhanong paagi samtang mangita kita og panahon nga mag-inusara kauban ang Langitnong Amahan.)

• Asa ka moadto, o asa ka makaadto, aron makauban ang Dios? Unsay nahimo niining kalainan, o unsa ang kalainan nga mahimo niini?

Ikonsiderar ang pagtan-aw sa “Increase Energy” (2:36).

2:36

Hatagi ang mga estudyante og pipila ka minutos sa pagrebyo sa survery atol sa sinugdanan niining kalihokan sa pagkat-on ug mamalandong sa mga butang nga nakapaugtas kanila, nakapaluya, ug nakapakapoy. Awhaga sila sa pagpamalandong kon unsa ang ilang mahimo aron kanunayng magtakda og panahon nga makauban ang Langitnong Amahan. Ikonsiderar kon unsaon nimo sa pag-follow-up ug tugotan ang mga estudyante sa pag-report sa ilang kasinatian sa sunod nimong klase.

Sa pagtapos, mahimo nimong ipasalida ang bidyo ni Sissel nga nagkanta og “Slow Down” (6:06) uban sa The Tabernacle Choir ug Orchestra sa Temple Square.

6:7

Balik ngadto sa “Mga Opsiyon sa Kalihokan sa Pagkat-on.”