Juan 1

Mahimo nimong sugdan pinaagi sa pagpangutana sa mosunod nga mga pangutana:

• Sa inyong hunahuna, pila kaha ka titulo, mga ngalan, ug mga tahas nga aduna si Jesus? Unsa ang pipila sa Iyang mga titulo, mga ngalan, ug mga tahas? (Hatagi ang mga estudyante og pipila ka minuto sa pagpakigbahin o pagpangita og mga tubag. Mahimo nimo silang dapiton sa pagbasa sa “50 Names and Titles of Jesus Christ [50 ka Ngalan ug Titulo ni Jesukristo]” [ComeuntoChrist.org] aron makakita og mga ehemplo gikan sa Biblia.)

• Ngano kaha nga importante ang pagsuhid sa kahulogan sa mga titulo, mga ngalan, ug mga tahas ni Jesus?

Dapita ang mga estudyante sa pagrebyo sa Juan 1:1–14, 29, 34, 36, 41, 49, 51, mangita alang sa mga titulo, mga ngalan, ug mga tahas ni Jesus. Ang mga estudyante mahimong mobuhat niini diha sa mga grupo ug dayon mosulat diha sa pisara sa unsay ilang nakit-an. Mahimo dayon nimong dapiton ang usa o duha ka estudyante sa pagpakigbahin kon unsay labing nakapadani kanila mahitungod sa pipila sa mga titulo, mga ngalan, ug mga tahas ni Jesukristo nga gilista diha sa pisara.

Aron sa pagpalawom sa pagkat-on, mahimo dayon nimong dapiton ang mga estudyante nga makigtambayayong sa usa ka kauban ug mopili sa usa sa mga titulo, mga ngalan, o mga tahas ug magkat-on pa og dugang mahitungod niini.

Pahinumdom: Kon makatabang, ipakita sa mga estudyante ang pipila ka kapanguhaan o mga himan sama sa mosunod: ang Define [Hatagan og Kahulogan] nga feature diha sa Librarya sa Ebangheyo, mga footnote, o sa Giya ngadto sa mga Kasulatan (tan-awa sa “Pagpangita sa Kahulogan sa mga Pulong ug mga Hugpong sa mga Pulong” diha sa Mga Kahanas sa Pagtuon sa Kasulatan).

Mahimo dayon nimong ipakita ug dapiton ang mga estudyante sa pagtubag sa mosunod nga mga pangutana:

• Unsa ang inyong makat-onan mahitungod ni Jesukristo ug sa Iyang balaanon nga misyon gikan sa titulo, ngalan, o tahas nga inyong gipili?

• Sa unsang paagi nga ang pagkat-on niini mahitungod ni Jesukristo makadugang sa inyong hugot nga pagtuo diha Kaniya?

Human ang mga estudyante adunay panahon sa pagtuon, dapita ang pipila kanila sa pagpakigbahin ngadto sa klase kon unsay ilang nakat-onan o nabati samtang sila mitutok sa mga titulo, mga ngalan, o mga tahas sa Manluluwas.

Awhaga ang mga estudyante sa pagpadayon nga magbantay alang sa mga titulo, mga ngalan, ug mga tahas samtang sila magtuon sa Bag-ong Tugon.

Balik ngadto sa “Mga Opsiyon sa Kalihokan sa Pagkat-on.”

Dapita ang mga estudyante sa pagbasa sa Juan 1:18 ug hunahunaa kon unsa nga doktrinal nga problema ang gipakita niini nga bersikulo. Dayon itandi ang bersikulo sa Juan 6:46.

• Unsaon kaha nato sa pagsulbad sa unsay makita nga daw sukwahi diha sa Ebanghelyo ni Juan? (Pahinumdom: Ang mga estudyante mahimong mopasabot nga ubang mga tudling sa kasulatan nagpakita nga ang Dios mipakita sa mga tawo [sama pananglit, Exodo 33:11; Mga Buhat 7:55–56; Joseph Smith—Kasaysayan 1:17].)

Kon dili kini hisgotan sa mga estudyante, ipasabot nga ang Hubad ni Joseph Smith naghatag og katin-awan ngadto sa Juan 1:18 (tan-awa sa HJS 1:19, diha sa Ang Hubad ni Joseph Smith).

Pahinumdom: Kon ang imong mga estudyante dili pamilyar sa Hubad ni Joseph Smith sa Biblia, mahimo ninyong rebyohon og dungan ang “Hubad ni Joseph Smith (HJS)” diha sa Giya ngadto sa mga Kasulatan (Librarya sa Ebangheyo). Mahimo usab nimong ipasabot nga ang paggamit sa Hubad ni Joseph Smith ug ubang kasulatan sa Pagpahiuli makatabang kanato nga mas maayong makasabot sa Biblia (tan-awa sa “Paggamit sa Kasulatan sa Pagpahiuli aron sa Pagsabot sa Biblia” diha sa Mga Kahanas sa Pagtuon sa Kasulatan).

Ipakita sa mga estudyante kon unsaon sa pagpangita sa Hubad ni Joseph Smith sa Juan 1:19 diha sa Ang Hubad ni Joseph Smith diha sa Mga Tabang sa Pagtuon nga seksiyon sa Librarya sa Ebangheyo. Basaha kini og dungan ug ipasabot nga ang dinasig nga mga kausaban ni Propeta Joseph Smith gi-italicize aron maila kini gikan sa orihinal nga mga pulong nga makita diha sa King James nga Bersiyon sa Biblia. Dayon hisgoti kon sa unsang paagi ang dinasig nga mga gidugang ni Joseph diha sa Juan 1:19 motabang kanato nga mas makasabot pa mahitungod sa unsay ingon og usa ka pagsukwahi.

Dapita ang mga estudyante sa pagsuta pa og dugang sa Juan 1 diha sa Hubad ni Joseph Smith. Isip kabahin niini nga kalihokan, ang mga estudyante mahimong makigtambayayong sa usa ka kauban o diha sa gagmay nga mga grupo ug maghisgot sa mosunod nga mga pangutana:

• Unsa nga mga kausaban diha sa Hubad ni Joseph Smith ang nakit-an ninyo nga ilabihang makatabang?

• Unsa nga mga panabot ang inyong naangkon mahitungod ni Jesukristo gikan sa Hubad ni Joseph Smith?

Human magtugot og panahon alang sa panaghisgot sa grupo, dapita ang pipila ka estudyante sa pagpakigbahin kon unsay nakapadani kanila mahitungod sa Hubad ni Joseph Smith niini nga tudling. Awhaga ang mga estudyante nga magpadayon sa paggamit sa Hubad ni Joseph Smith sa ilang pagtuon sa Biblia.

Balik ngadto sa “Mga Opsiyon sa Kalihokan sa Pagkat-on.”

Ikonsiderar ang pagpangutana sa mga estudyante kon sa unsang paagi managlahi ang kalibotan ug ang Dios sa pagsukod sa kabantogan.

Ipakita ang usa ka litrato ni Juan Bautista. Hisgoti ang kalainan tali kon sa unsang paagi ang mga tawo tingali mitan-aw kaniya base sa paghulagway kaniya diha sa Marcos 1:6–7 ug kon sa unsang paagi ang Manluluwas mitan-aw kaniya sumala sa gihulagway diha sa Lucas 7:28.

Dapita ang mga estudyante sa pagpakigbahin kon unsay hunahuna nila nga nakahimo ni Juan Bautista nga usa sa labing bantogan nga mga propeta sa Ginoo.

Ang mga estudyante mahimong magtuon sa Juan 1:19–34, mangita alang sa unsay ilang makat-onan gikan sa pangalagad ni Juan Bautista.

• Unsa ang gitudlo niini nga mga bersikulo ngari kanato mahitungod sa tahas sa usa ka propeta? (Pahinumdom: Mahimong makatabang ang pagpasabot nga ang pakisayran ngadto ni Elias diha sa bersikulo 21 nagpasabot kang Elijah ug nga ang pakisayran ngado kang Esaias diha sa bersikulo 23 nagpasabot kang Isaias. Alang sa dugang nga impormasyon bahin sa ngalan ug titulo nga Elias, tan-awa sa “Juan 1:19–28. Kinsa si Elias” diha sa Scripture Helps: New Testament [Mga Tabang sa Kasulatan: Bag-ong Tugon].)

Human magtugot og panahon alang sa pagtuon, hunahunaa ang pagpangutana og sama sa mosunod:

• Unsa ang misyon ug mensahe ni Juan Bautista?

• Unsa ang matudlo kanato sa pagtutok ni Juan Bautista sa Manluluwas mahitungod sa mga propeta? (Ang mga estudyante mahimong moila og usa ka kamatuoran nga susama sa mosunod: Ang mga pulong sa mga propeta nagtudlo kanato ngadto kang Jesukristo. Mahimo nimong ipakigbahin usab ang mosunod nga pamahayag ni Elder Neil L. Andersen: “Ang labing importante nga tahas sa propeta sa Ginoo mao ang pagtudlo kanato bahin sa Manluluwas ug paggiya kanato ngadto Kaniya” [“Ang Propeta sa Dios,” Liahona, Mayo 2018, 25].)

• Sa unsang paagi ang mga pagtulun-an sa mga propeta ug mga apostoles bahin ni Jesukristo nakaimpluwensiya sa inyong mga pagbati alang Kaniya?

Ikonsiderar ang pagpakita sa bidyo nga “Living Apostles Testify of Jesus Christ [Buhi nga Apostoles Nagpamatuod ni Jesukristo]” (2:16). Awhaga ang mga estudyante sa pagrekord sa ilang mga hunahuna ug mga impresyon samtang maminaw sila niini nga mga pagpamatuod. Dapita sila sa pagpamalandong kinsa ilang mahimong pakigbahinan niini nga bidyo.

2:16

Balik ngadto sa “Mga Opsiyon sa Kalihokan sa Pagkat-on.”

Kon ang usa ka tawo diha sa imong klase napaila ngadto sa Simbahan pinaagi sa usa ka higala, dapita sila sa pagpakigbahin sa ilang kasinatian. O dapita ang mga estudyante sa paghunahuna sa usa ka panahon sa dihang usa ka tawo midapit kanila nga mas maayong mosunod sa Manluluwas. Mahimo usab nimong ipakigbahin ang imong kaugalingon nga kasinatian sa pagdapit sa usa ka tawo o sa usa ka tawo nga nagdapit kanimo nga moduol ngadto kang Kristo.

Ipasabot nga atol sa pangalagad ni Juan Bautista, daghang tawo ang nangita alang sa Mesiyas. (Kon gikinahangan, irebyo og kadiyot ang kahulogan sa pulong nga Mesiyas [tan-awa sa Giya ngadto sa mga Kasulatan, “Mesiyas,” Librarya sa Ebangheyo].) Hatagi ang mga estudyante sa mosunod nga handout ug dapita sila sa pagpangita kon giunsa ni Andres, Pedro, Felipe, ug Natanael sa pagkaplag sa tinuod nga Mesiyas.

Human makompleto sa mga estudyante ang handout, mahimo silang mopakigbahin sa usa ka kauban o diha sa gagmay nga mga grupo sa unsay ilang narekord. Dayon ikonsiderar ang pagpangutana sa mosunod:

• Sa unsang paagi kini nga mga kasinatian mahimong lahi kon si Juan Bautista, Andres, ug Felipe wala midapit sa ilang mga higala nga “dali ug tan-awa”? (Juan 1:39).

• Unsa nga baroganan ang atong makat-onan gikan niini nga mga kasinatian? (Tabangi ang mga estudyante nga makadiskobre sa mosunod nga kamatuoran: Samtang atong dapiton ang uban nga moduol ngadto kang Kristo, makadawat sila sa ilang kaugalingon nga saksi sa Iyang kabalaan.)

Mahimo nimong hangyoon ang mga estudyante sa pagpakigbahin og mga paagi nga sila midapit sa uban nga moduol ngadto kang Jesukristo. Aron sa pag-aghat og mga ideya, mahimo nimong tan-awon ang usa sa mosunod nga mga bidyo. Dapita ang mga estudyante sa pagkonsiderar kon kinsa ang ilang madapit nga “dali ug tan-awa” ang Manluluwas.

• “Inviting Others to ‘Come and See’ [Pagdapit sa uban nga “Dali ug Tan-awa”]” (1:17)

  

  1:22

• “Inviting All to Come unto Christ: Sharing the Gospel [Pagdapit sa Tanan nga Moduol ngadto kang Kristo: Pagpakigbahin sa Ebanghelyo]” (4:30)

  

  4:30

• “Paghigugma, Pagpaambit, Pagdapit” (13:03; tan-awa gikan sa time code 8:28 hangtod sa 9:42)

  

  13:3

Balik ngadto sa “Mga Opsiyon sa Kalihokan sa Pagkat-on.”