1 Mga Taga-Corinto 1–7

Isulat ang mosunod nga mga pulong diha sa pisara: ward (o branch), pamilya, mga kauban sa trabaho, mga kauban sa kuwarto, ug social media. Dapita ang mga estudyante nga makigtinabangay sa usa ka pares sa pagpili og usa sa mga pulong diha sa pisara ug dayon hisgotan uban sa ilang pares kon sa unsang paagi nga ang pagkabahin-bahin ug panagbingkil mahimong mahitabo niana nga kahimtang.

Ipakita ang mosunod nga pamahayag ni Presidente Russell M. Nelson:

Si Jesukristo mipahayag nga kadtong kinsa adunay “espiritu sa panagbingkil” dili gikan Kaniya [3 Nephi 11:29]. … Kadtong kinsa nag-awhag og panagbingkil naghimo sa samang butang nga gihimo ni Satanas, nakaamgo man sila o wala. (“Gikinahanglan ang mga Tigpasiugda og Kalinaw,” Liahona, Mayo 2023, 99)

Pahinumdomi ang mga estudyante nga si Apostol Pablo, sama ni Presidente Nelson, nabalaka mahitungod sa mga pagkabahin-bahin ug panagbingkil taliwala sa mga Santos sa iyang panahon. Dapita ang mga estudyante sa pagbasa sa 1 Mga Taga-Corinto 1:9–17 (tan-awa usab sa 1 Mga Taga-Corinto 3:3–5; 4:6–7; 6:6–8), nga mangita kon unsa ang gisulti ni Pablo mahitungod sa mga pagkabahin-bahin ug panagbingkil ug unsaon sa pagbuntog niini. (Mahimo usab nimong basahon ang “1 Mga Taga-Corinto 1:10–17: Nganong adunay mga pagkabahin-bahin taliwala sa mga Santos sa Corinto?” diha sa Mga Tabang sa Kasulatan: Bag-ong Tugon alang sa dugang nga konteksto.)

Ikonsiderar ang paghisgot sa mosunod nga mga pangutana:

• Unsa ang inyong nakita niini nga mga bersikulo nga mahimong makatabang kanato sa pagbuntog sa mga pagkabahin-bahin ug panagbingkil? (Ang mga estudyante mahimong moila og usa ka baroganan sama sa mosunod gikan sa 1 Mga Taga-Corinto 1:9–10: Samtang kita nagtinguha og pakigdait uban ni Jesukristo, kita makabuntog sa mga pagkabahin-bahin ug panagbingkil ug mahimong magkahiusa.)

• Unsa sa imong hunahuna ang gipasabot nga makabaton og pakigdait ni Jesukristo? (Ang pakigdait nagpasabot og usa ka suod nga panag-uban.)

• Sa unsang paagi ang pagtinguha og pakigdait ni Jesukristo makatabang kanimo aron mahiusa sa ubang mga miyembro sa Simbahan sa Manluluwas?

Basaha og dungan ang mosunod nga pamahayag ni Presidente Russell M. Nelson:

Sa mga sitwasyon nga emosyonal kaayo ug napuno sa panagbingkil, ako modapit kaninyo sa paghinumdom ni Jesukristo. …

… Karon ako modapit kaninyo sa pagsusi sa inyong pagkadisipulo sa konteksto sa paagi sa inyong pagtagad sa uban. Ako mopanalangin kaninyo sa paghimo og bisan unsa nga mga kausaban nga tingali gikinahanglan aron nga ang inyong kinaiya maligdong, matinahoron, ug representante sa tinuod nga sumusunod ni Jesukristo. (“Gikinahanglan ang mga Tigpasiugda og Kalinaw,” Liahona, Mayo 2023, 101)

Aron matabangan ang mga estudyante sa pagsusi kon unsay ilang mahimo sa pagbuntog sa pagkabahin-bahin ug panagbingkil, dapita sila sa pagkompleto sa handout nga “Pagbuntog sa mga Pagkabahin-bahin ug Panagbingkil”:

Kon itugot sa panahon, mahimo nimong hangyoon ang pipila ka estudyante sa pagpakigbahin og mensahe nga ilang nakit-an diha sa pakigpulong sa kinatibuk-ang komperenisya nga ilang gitun-an. Awhaga sila sa pagpakigbahin kon unsay ilang buhaton tungod sa unsay ilang nakat-onan.

Balik ngadto sa “Mga Opsiyon sa Kalihokan sa Pagkat-on.”

Mahimo nimong sugdan pinaagi sa pagpakigbahin sa mosunod nga sitwasyon:

Dapita ang mga estudyante sa pagsiksik sa 1 Mga Taga-Corinto 2:9–16, mangita og mga panabot nga makatabang ni Matt nga makasabot kon unsaon niya sa pagkahibalo nga si Joseph Smith usa gayod ka propeta sa Dios. Ikonsiderar ang pagpangutana sa pipila sa mosunod nga mga pangutana samtang ang mga estudyante mopakigbahin sa unsay ilang nadiskobrehan:

• Unsa nga mensahe gikan niini nga mga bersikulo ang mahimong makatabang ni Matt sa pag-usab kon giunsa niya pagsabot ang mga panan-awon, mga anghel, ug ang paghubad sa Basahon ni Mormon? (Ang mga estudyante mahimong moila og usa ka kamatuoran sama sa mosunod: Kita masayod ug makasabot sa mga butang sa Dios pinaagi sa Iyang Espiritu.)

• Unsa nga mga kamatuoran ang inyong nasayran pinaagi sa Espiritu Santo? Sa unsang paagi nga ang pagkat-on pinaagi sa Espiritu nakaimpluwensiya sa inyong hugot nga pagtuo diha ni Jesukristo? Unsa ang inyong nakat-onan pinaagi sa Espiritu mahitungod sa misyon ni Propeta Joseph Smith?

• Unsay inyong nakat-onan mahitungod sa impluwensiya sa “tawo nga kalibotanon” (bersikulo 14) sa atong mga paningkamot sa pagkat-on sa espirituhanon nga mga kamatuoran? (Kon makatabang, mahimo ninyong rebyohon ang “1 Mga Taga-Corinto 2:14–16. Unsa ang tawo nga kalibotanon?” diha sa Mga Tabang sa Kasulatan: Bag-ong Tugon.)

Ipakigbahin ang mosunod nga pamahayag gikan ni Presidente Russell M. Nelson, ug awhaga ang mga estudyante sa pagpangita og dugang nga mga panabot mahitungod kon sa unsang paagi ang Dios nagtudlo kanato sa kamatuoran:

Samtang mamalandong ka ug mag-ampo mahitungod sa doktrinal nga mga baroganan, ang Espiritu Santo mosulti diha sa imong hunahuna ug sa imong kasingkasing [tan-awa sa Doktrina ug mga Pakigsaad 8:2]. Gikan sa mga hitabo nga gipakita sa mga kasulatan, moabot ang bag-ong mga panabot ug ang mga baroganan nga may kalabotan sa imong sitwasyon motuhop sa imong kasingkasing.

Makaugmad ka og ingon niana nga mapanagnaon nga mga kasinatian pinaagi sa pagpakabuhi segun sa kahayag nga gihatag na kanimo ug pinaagi sa pagsiksik sa mga kasulatan uban ang lunsay nga mga tuyo—uban sa tinuod nga katuyoan sa “pagduol kang Kristo” [Jacob 1:7; Omni 1:26; Moroni 10:30, 32]. Samtang maningkamot ka sa ingon, ang imong pagsalig “mosamot pagkalig-on diha sa atubangan sa Dios,” ug ang Espiritu Santo mao ang imong kauban sa kanunay [Doktrina ug mga Pakigsaad 121: 45–46]. (“Living by Scriptural Guidance,” Liahona, Nov. 2000, 18)

Mahimo nimong dapiton ang mga estudyante sa pagpakigbahin sa ilang labing gihatagan og bili sa pamahayag ni Presidente Nelson.

Ikonsiderar ang pagdapit sa mga estudyante sa pagpamalandong sa mga kasinatian nga anaa sila sa dihang gitudloan sila sa mga butang sa Dios pinaagi sa Espiritu Santo. Mahimo nimong isugyot nga pilion nila ang pagbuhat sa usa o daghan pa sa mosunod nga mga kalihokan o paghimo og ilang kaugalingon nga aplikasyon nga ideya.

• Ipakigbahin sa usa ka tawo sa personal o sa social media kon giunsa nimo pagkahibalo sa mga butang sa Dios pinaagi sa Espiritu Santo.

• Paghimo og plano nga makatabang kanimo nga mas makasabot sa mga butang sa Dios pinaagi sa Espiritu Santo.

• Pag-eskedyul og panahon sa pagbasa sa pakigpulong ni Presidente Russell M. Nelson nga “Pagpadayag alang sa Simbahan, Pagpadayag alang sa Atong mga Kinabuhi” (Liahona,Mayo 2018, 93–96).

Balik ngadto sa “Mga Opsiyon sa Kalihokan sa Pagkat-on.”

Mahimo nimong sugdan pinaagi sa pagpakita og pipila ka hulagway sa mga templo ug sa pagbasa sa “Templo, Balay sa Ginoo” diha sa Giya ngadto sa mga Kasulatan (Librarya sa Ebanghelyo).

• Unsay nakahimo sa templo nga usa ka balaan ug sagrado nga dapit?

• Unsa ang inyong mabuhat sa pagpakita nga ang templo usa ka sagrado nga dapit alang kaninyo?

Ipasabot nga si Pablo migamit og paghulagway sa usa ka templo aron sa paghisgot sa sala sa sekswal nga imoralidad, nga usa ka pakigbisog alang sa pipila ka miyembro sa simbahan sa Corinto (tan-awa sa 1 Mga Taga-Corinto 6:9–17; tan-awa usab sa unang parapo sa “1 Mga Taga-Corinto 6:13–19. Unsay gisulti ni Pablo mahitungod sa sekswal nga imoralidad?” diha sa Mga Tabang sa Kasulatan: Bag-ong Tugon).

Dapita ang mga estudyante sa pagbasa sa 1 Mga Taga-Corinto 6:18–20, mangita kon giunsa ni Pablo paggamit ang simbolismo sa templo aron sa pagtudlo sa kaimportante sa sekswal nga kaputli.

• Unsa ang mahinungdanon mahitungod sa pagtandi sa atong mga lawas ngadto sa usa ka templo?

• Unsay ipasabot nga kamo “dili na inyo sa inyong kaugalingon” kay “gipalit na kamo sa usa ka bili”?

Kon makatabang, mahimo kang mogahin og panahon sa pagpalawom sa pagsabot sa mga estudyante sa kantidad nga gibayad ni Jesukristo aron sa pagpalit kanato. Mahimo nimong isulat ang pulong nga tubson diha sa pisara ug ipasabot nga ang usa ka kahulogan niini nga pulong mao ang “pagpalit og balik.” Bahina ang pisara sa katunga, ug hangyoa ang mga estudyante sa paglista sa tanan nga ilang mahunahunaan nga si Jesukristo mitubos o mipalit kanila og balik (sama pananglit sa, sala, kamatayon, pag-antos, mga kasaypanan, mga kahuyang, ug uban pa.) Dayon sa pikas nga bahin sa pisara, dapita sila sa pagsulat sa bili nga gibayad sa Manluluwas aron sa pagpalit kanila og balik gikan sa tanan niadto nga mga butang. (Mahimo nimong basahon ang 1 Pedro 1:18–19 ug ang Doktrina ug mga Pakigsaad 19:16–19.)

• Sa unsang paagi ang pagkahibalo kon unsa ang gibayad ni Jesukristo aron sa pagtubos kaninyo makaapekto kon giunsa ninyo pagtan-aw ug pagtratar ang inyong lawas? (Ang mga estudyante mahimong moila og usa ka kamatuoran sama sa mosunod: Kita kinahanglan nga mohimaya sa Dios gamit ang atong mga lawas tungod kay kini mao ang templo sa Espiritu Santo ug kita gipalit uban sa bili sa Pag-ula sa Manluluwas.)

• Sa unsang paagi ang pagkahibalo niini nga mga kamatuoran nakaimpluwensiya sa paagi sa inyong pagtan-aw ug pagtratar sa inyong lawas?

Aron matabangan ang mga estudyante sa paggamit sa unsay ilang nakat-onan, mahimo kang maghimo og duha ka kolum diha sa pisara. Butangi og ngalan ang unang kolum nga Kalibotanong mga Pagtuo, mga Kinaiya, ug mga Pangagpas mahitungod sa Atong mga Lawas. Butangi og ngalan ang ikaduhang kolum nga Mga Kamatuoran nga Gipadayag sa Dios mahitungod sa Atong mga Lawas.

Han-aya ang mga estudyante ngadto sa ginagmay nga mga grupo. Dapita sila sa pagpakigbahin sa pipila ka ideya sa kalibotan mahitungod sa lawas, ug isulat ang ilang mga tubag diha sa unang kolum diha sa pisara. Dayon ipahisgot sa mga estudyante diha sa ilang mga grupo ang pipila ka gipadayag nga mga kamatuoran mahitungod sa atong mga lawas, base sa unsay ilang nakat-onan gikan ni Pablo. Kon makatabang, mahimo silang mangita og dugang nga mga kamatuoran sa mga kapanguhaan sa Simbahan sama sa mosunod:

• “Ang Inyong Lawas Sagrado,” sa Alang sa Kalig-on sa mga Kabatan-onan: Usa ka Giya sa Paghimo og mga Pagpili (2022)

• “Chastity” diha sa Topics and Questions (Gospel Library)

• Ang bidyo nga “God’s Greatest Creation” (2:51)

  

  2:48

• Mga pakigpulong sa kinatibuk-ang komperensiya o mga artikulo sa mga magasin sa Simbahan (mahimong gamiton sa mga estudyante ang search nga function sa Librarya sa Ebangheyo aron sa pagpangita og may kalabotan nga mga pakigpulong o mga artikulo)

Ang gitugahan nga mga miyembro mahimo usab nga mokonsiderar kon sa unsang paagi ang pagsul-ob sa garment sa templo makatabang kanila sa pagpakita og pagtahod sa ilang mga lawas ug paghinumdom sa Manluluwas sa ilang kinabuhi. Mahimo silang mangita sa mga kamatuoran diha sa mga kapanguhaan sa Simbahan sama sa mosunod:

• “Garments” diha sa Topics and Questions

• “Pagsul-ob sa Garment sa Templo,” seksiyon 26.3.3.2 diha sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw (Librarya sa Ebangheyo)

Human ang mga estudyante matapos sa pagtuon, dapita sila sa pagpakigbahin sa unsay ilang nakat-onan gikan sa ilang mga panaghisgotan sa grupo. Samtang mopakigbahin ang mga estudyante, mahimo nimong isulat diha sa ikaduha nga kolum sa pisara.

Sa pagtapos sa inyong panaghisgot, ikonsiderar ang pagbasa sa mosunod nga pamahayag ni Presidente Russell M. Nelson:

Kada higayon nga motan-aw kamo sa samin, tan-awa ang inyong lawas isip inyong templo. Kana nga kamatuoran—angayng pasalamatan kada adlaw—positibong makaimpluwensiya sa inyong mga desisyon unsaon ninyo sa pag-atiman sa inyong lawas ug unsaon ninyo kini sa paggamit. Ug kadto nga mga desisyon motino sa inyong destinasyon. (“Mga Desisyon alang sa Kahangtoran,” Liahona, Nob. 2013, 107)

• Sa pagkahibalo kon giunsa pagtan-aw sa Langitnong Amahan ug ni Jesukristo ang inyong lawas isip usa ka templo, unsay inyong buhaton sa lahi nga paagi? (Hatagi og panahon nga ang mga estudyante nga makarekord sa ilang mga hunahuna ug mga impresyon.)

Balik ngadto sa “Mga Opsiyon sa Kalihokan sa Pagkat-on.”