Mga Taga-Filipos ug Mga Taga-Colosas

Makasugod kamo pinaagi sa pagdapit sa mga estudyante sa pagpakigahin og pipila ka kasinatian sa dihang nag-atubang sila og oposisyon samtang naningkamot sa paghimo sa buhat sa Ginoo.

• Kon mag-atubang kamo og oposisyon, sa unsang paagi nga ang inyong kinaiya makaapekto sa buhat sa Ginoo?

Ikonsiderar ang pagpakita sa mosunod nga litrato ug sa pagpasabot nga si Pablo misulat sa iyang sulat ngadto sa mga taga-Filipos samtang didto siya sa prisohan, labing seguro sa Roma (tan-awa sa Mga Taga-Filipos 1:7, 13, 16).

Dapita ang mga estudyante sa pagbasa sa Mga Taga-Filipos 1:12–14, 19–26, mangita unsay ilang makat-onan gikan ni Pablo mahitungod sa paghimo sa buhat sa Ginoo samtang nag-atubang og oposisyon. Mahimo kamong mangutana sama sa mosunod:

• Sa unsa nga paagi nga ang pagkabilanggo ni Pablo nakaapekto sa pagsangyaw sa ebanghelyo sa Manluluwas?

• Unsa kaha sa inyong hunahuna nga ang mga kinaiya ni Pablo sa iyang pagkabilanggo nakatabang sa pagpadayon sa buhat sa Ginoo? (Mahimong mopakigbahin ang mga estudyante sa usa ka kamatuoran sama sa mosunod: Samtang kita magpakabuhi inubanan sa hugot nga pagtuo, paglaom, ug pasalamat, ang Ginoo makapadayon sa kawsa sa ebanghelyo pinaagi kanato.)

• Kanus-a kamo nakakita og usa ka tawo sa hugot nga pagtuo, paglaom, ug pasalamat sa usa ka tawo nga samtang nag-atubang og oposisyon nakatabang sa pagpadayon sa buhat sa Ginoo?

Mahimo kang mopakigbahin og usa o daghan sa mosunod nga mga sitwasyon o pipila sa inyong kaugalingon. Dapita ang mga estudyante sa pagkonsiderar unsaon nila sa pagpadayon sa buhat sa Manluluwas inubanan sa hugot nga pagtuo, paglaom, ug pasalamat sa matag sitwasyon:

Hatagi ang mga estudyante og higayon sa paghunahuna mahitungod sa ilang bisan unsa nga mga oportunidad sa umaabot nga semana sa pag-atubang og oposisyon inubanan sa hugot nga pagtuo, paglaom, ug pasalamat. Human sa igong panahon, awhaga ang mga estudyante sa pagsunod sa ehemplo ni Pablo samtang sila magpadayon sa ilang semana.

Balik ngadto sa “Mga Opsiyon nga Kalihokan sa Pagkat-on.”

Isulat diha sa pisara ang mosunod nga kahulogan sa sakripisyo ni Elder Dieter F. Uchtdorf:

Ang pagsakripisyo nagpasabot sa paghunong sa usa ka butang alang sa butang nga mas bililhon. (“Kinasingkasing ang Tanan,” Liahona, Mayo 2022, 124)

Ipakita ang mosunod nga mga pangutana, ug hatagi ang mga estudyante og panahon sa pagpamalandong ug pagrekord sa ilang mga hunahuna:

• Kanus-a ang kataposang higayon nga gihangyo mo sa paghunong sa usa ka butang alang sa butang nga mas bililhon? Unsa ang mas bililhon nga butang? Mibati ba kamo nga kini bililhon? Unsa ang inyong mga hunahuna, mga pagbati, o mga kabalaka mahitungod sa pagsakripisyo alang sa Ginoo?

Ipasabot nga si Pablo mitudlo og mga baroganan nga makatabang nato sa atong mga pangutana ug mga kabalaka mahitungod sa sakripisyo. Basaha ang Mga Taga-Filipos 3:4–15 mangita unsay gitudlo ni Pablo mahitungod sa sakripisyo. (Mahimo ninyong ipasabot nga ang pulong “mahisama” sa bersikulo 10 nagpasabot og mauyonan, ang hugpong sa mga pulong nga “nagpadayon ako sa pagpaningkamot” sa bersikulo 12 nagpasabot og padayon sa unahan, ang pulong nga “pagkab-ot” sa bersikulo 12 nagpasabot og pag-angkon.)

• Unsa ang gisakripisyo ni Pablo aron madawat ang ebanghelyo ni Jesukristo sa iyang kinabuhi?

• Unsa ang “ganti” (bersikulo 14) nga ihatag sa Manluluwas ngadto niadtong mosakripisyo sa pagsunod Kaniya?

• Unsa nga baroganan ang atong makat-onan mahitungod sa sakripisyo gikan niini nga mga bersikulo? (Ang mga estudyante mahimong moila sa usa ka kamatuoran sama sa mosunod: Samtang andam kita mosunod ni Jesukristo, makaila kita Kaniya ug mangandam sa pagdawat og kinabuhing dayon.)

Basaha pagdungan ang nahibilin nga pamahayag ni Elder Uchtdorf bahin sa sakripisyo:

Ang pagsakripisyo nagpasabot sa paghunong sa usa ka butang alang sa butang nga mas bililhon. … Sa tibuok kasaysayan, ang matinud-anong mga Santos misakripisyo sa personal nga mga tinguha, mga kaharuhay, ug gani sa ilang kinabuhi alang sa Manluluwas.

Kitang tanan adunay mga butang, dagko ug gagmay, nga kinahanglan nga atong isakripisyo aron mas makasunod sa hingpit ni Jesukristo. Ang atong mga sakripisyo nagpakita kon unsay tinud-anay nga gihatagan nato og bili. Ang mga sakripisyo sagrado ug gipasidunggan sa Manluluwas. (“Kinasingkasing ang Tanan,” Liahona, Mayo 2022, 124)

• Unsa ang pipila ka butang nga gisakripisyo ninyo, sa inyong pamilya, o mga higala sa pagsunod ni Jesukristo?

• Unsa nga mga panalangin ang miabot tungod sa paghimo niini nga mga sakripisyo alang sa Manluluwas?

Ipakita ang mosunod nga dili kompleto nga mga kapahayag ug dapita ang mga estudyante sa pagkompeto niini ug sa pagbuhat sa bisan unsa nga mga impresyon nga ilang madawat:

Balik ngadto sa “Mga Opsiyon nga Kalihokan sa Pagkat-on.”

Isulat diha sa pisara ang mosunod nga mga tudling, ug dapita ang mga estudyante sa pagsiksik niini, mangita alang sa komon nga tema:

• Unsa kaha sa inyong hunahuna ang gipasabot sa “[mag]malig-on” diha sa Ginoo?

Ikonsiderar ang pabasa sa mosunod nga pamahayag ni Elder Ulisses Soares:

Ang pagtinguha kang Kristo sa matag hunahuna ug pagsunod Kaniya sa tibuok natong kasingkasing nagkinahanglan nga kita mopahiangay sa atong pangisip ug mga tinguha sa Iya. Ang mga kasulatan nagtudlo niini nga pagpahiangay isip nga “paglig-on diha sa Ginoo” [Mga Taga-Filipos 4:1]. Kini nga binuhatan nagpasabot nga kanunay kitang magpakabuhi subay sa ebanghelyo ni Kristo ug motutok matag adlaw sa tanang butang nga maayo. (“Pagtinguha kang Kristo sa Matag Hunahuna,” Liahona, Nob. 2020, 83–84)

• Unsay makahimo niini nga mahagiton alang sa mga young adult sa paglig-on diha sa Ginoo?

Dapita ang mga estudyante sa pagbasa sa Mga Taga-Filipos 4:4–13, mangita sa mga baroganan nga makatabang sa usa ka tawo nga malig-on o mahisubay sa Ginoo. Dayon ipakita ang mosunod nga mga instruksiyon:

• Pilia ang baroganan sa Mga Taga-Filipos 4:4–13 nga labing nakapaikag kaninyo.

• Pag-andam og mubo nga mensahe (mga 3 ka minuto) mahitungod kon sa unsang paagi kini nga baroganan makatabang sa usa ka tawo nga malig-on diha sa Ginoo.

  • Pangita og nagsuporta nga kasulatan o pamahayag gikan sa usa ka lider sa Simbahan nga gamiton sa imong mensahe.

  • Pakigbahin og kasulatan o personal nga ehemplo kon unsaon nga kini magamit sa atong mga kinabuhi.

Human adunay panahon ang mga estudyante sa pag-andam sa ilang mga mensahe, ipahimo sa matag estudyante nga magtrabaho uban sa laing kauban ug ang matag usa magpuli-puli sa pagpakigbahin sa ilang mensahe. Awhaga sila sa paghatag og pagpamatuod sa unsay ilang gitudlo.

Mahimo ninyong taposon pinaagi sa pagdapit og pipila ka estudyante nga mopakigbahin unsay ilang nakat-on gikan sa mensahe sa ilang kauban. Dapita sila nga buhaton unsay ilang nakat-onan gikan sa baroganan nga ilang gitudlo.

Balik ngadto sa “Mga Opsiyon nga Kalihokan sa Pagkat-on.”

Mahimo ninyong ipakita sa mga estudyante ang usa ka litrato sa usa ka tanom nga giibot gikan sa yuta. Hangyoa ang mga estudyante sa paghunahuna kon nakaila ba sila og tawo nga “nawad-an” sa ilang hugot nga pagtuo ni Jesukristo ug sa Iyang Simbahan. (Pahinumdom: Pagsensitibo nga ang pipila ka estudyante mahimong mobati nga ingon og sila nakasinati niini sa ilang mga kaugalingon.)

• Gikan sa inyong obserbasyon, unsay makaingon sa usa ka tawo nga mawad-an sa ilang hugot nga pagtuo?

Ipasabot nga sa iyang sulat ngadto sa mga taga-Colosa, si Pablo nabalaka sa espirituhanong mga gamot o pundayon sa mga Santos nga taga-Colosas. Ang mga miyembro sa Simbahan nabantang sa bakak nga mga pagtulun-an ug mga praktis (tan-awa sa Mga Taga-Colosas 2:4, 8, 16, 18, 20–23). Namiligro ang mga Santos nga mohangop niining bakak nga mga pagtulun-an.

Ipapangita sa mga estudyante sa Mga Taga-Colosas 1:21–23 ug sa 2:6–7 ang bisan unsa nga mga pulong nga naghulagway nga espirituhanong nakagamot, ug ipasulat nila diha sa pisara. (Sama pananglit, “dili matarog,” “lig-on,” “nakagamot,” “nakabarog”, ug “nalig-on.”) Dayon isulat diha sa pisara ang mosunod nga kamatuoran: Pinaagi sa pagka-dili matarog ug pagkalig-on diha kang Jesukristo, malikayan nato nga mapahisalaag sa bakak nga mga pagtulun-an.)

Bahina ang klase ngadto sa dili mominos sa upat ka grupo. I-assign sa matag grupo ang usa sa mosunod nga mga hut-ong sa kasulatan. Dapita ang mga estudyante sa pagmarka o pagsulat sa mga kamatuoran nga makatabang sa usa ka tawo nga makagamot diha ni Jesukristo.

• Mga Taga-Colosas 1:14–22

• Mga Taga-Colosas 2:8–15

• Mga Taga-Colosas 3:1–11

• Mga Taga-Colosas 3:12–17

Mahimo kang mopakita sa mosunod nga mga pangutana ug dapita ang mga estudyante sa paghisgot og usa o daghan niini sa ilang mga grupo:

• Unsa nga mga kamatuoran niini nga mga bersikulo ang makatabang ninyo nga magpabilin nga dili matarog o makagamot diha ni Jesukristo?

• Sa unsang paagi nga kining mga kamatuoran makatabang kaninyo nga makalikay nga malimbongan sa bakak nga mga pagtulun-an?

• Sa unsang paagi ang inyong pagpamatuod sa kamaturoan niini nga mga bersikulo nakatabang ninyo nga magpabiling matinud-anon kon nag-atubang og bakak nga mga pagtulun-an?

Human sa panahon sa panaghisgotan sa grupo, ipahimo sa pipila ka estudyante ang usa o daghan sa mosunod:

• Ipasabot ang mahitungod sa kamatuoran nga inyong nahisgotan karon nga nagtabang ninyo nga mobati nga mas nakagamot diha ni Jesukristo.

• Ihulagway ang panahon sa dihang ang inyong hugot nga pagtuo ug pagpamatuod kang Jesukristo nakatabang ninyo nga makalikay nga mahisalaag tungod sa bakak nga mga pagtulun-an.

Balik ngadto sa “Mga Opsiyon nga Kalihokan sa Pagkat-on.”