1 Mga Taga-Corinto 8–13

Mahimo nimong sugdan pinaagi sa pagpakigbahin sa mosunod nga senaryo:

• Unsa ang makatabang ni Maurice nga mas makasabot unsa ang gipasabot sa pagbatok ug pagbuntog sa tentasyon?

Ipasabot nga sa 1 Mga Taga-Corinto 10:1–14, si Pablo mihisgot sa pipila sa mga kasinatian sa karaang Israel sa pagtudlo sa mga Santos nga mga taga-Corinto sa importante nga mga leksiyon mahitungod sa pagbatok sa tentasyon. Aron makat-on pa og dugang sa background niini nga mga bersikulo, ang mga estudyante mahimong mobasa sa “1 Mga Taga-Corinto 10:1–11. Unsa ang gusto ni Pablo nga mahibaloan sa mga Santos nga taga-Corinto mahitungod sa istorya sa Exodo?” sa Mga Tabang sa Kasulatan: Bag-ong Tugon.

Basaha pagdungan ang 1 Mga Taga-Corinto 10:1–4, ug pangutana:

• Unsay inyong nakat-onan mahitungod ni Jesukristo gikan niini nga mga bersikulo?

• Sa unsang paagi nga ang pagkahibalo nga si Jesukristo mao ang inyong “espirituhanong Bato” maghatag ninyo og paglaom nga mabuntog ninyo ang tentasyon?

Mahimong makigtambayayong ang mga estudyante sa usa ka kauban ug magbasa pagdungan sa mga bersikulo 5–14, mangita alang sa unsay ilang makat-onan sa pagbuntog sa tentasyon.

• Unsay inyong nakat-onan gikan sa bersikulo 13 mahitungod sa pagbuntog sa tentasyon?

Human matubag sa mga estudyante ang pangutana, mahimo nimong ipasabot nga ang Alma 13:28 mao ang kauban nga bersikulo sa 1 Mga Taga-Corinto 10:13. Dapita ang mga estudyante sa pagbasa sa Alma 13:28 ug ipakonsiderar ang pagtandi niining duha ka tudling.

• Unsa nga mga baroganan sa ebanghelyo ang inyong makita gikan niini nga mga tudling? (Tingali ang mga estudyante makaila og mga kamatuoran sama sa mosunod: Ang Dios mohatag og usa ka paagi alang kanato aron makalingkawas sa tentasyon, apan kita gikinahanglang mopili nga mopalayo sa atong mga kaugalingon gikan sa tentasyon. Kon magpaubos kita ug magbantay ug mag-ampo kanunay, dili kita matental labaw sa atong masagubang.)

• Unsa ang pipila sa mga paagi nga ang Dios maghatag og usa ka paagi alang nato sa paglingkawas sa tentasyon?

• Kon aduna pay panahon, mahimong motan-aw ang mga estudyante sa lista sa “Pagtintal, Tintal” sa Giya ngadto sa mga Kasulatan (Librarya sa Ebanghelyo) aron sa pagpangita og dugang nga mga tudling sa kasulatan mahitungod sa pagbuntog o pagbatok sa tentasyon (tan-awa sa “Searching in the Scriptures and in Gospel Library” sa Scripture Study Skills). Dapita ang mga estudyante sa pagpakigbahin sa usa ka kauban unsay ilang nakat-onan.

Hatagi ang mga estudyante og pipila ka minuto sa pagrekord og piho nga mga lakang nga ilang himoon aron sa pagdugang sa ilang kapasidad sa pagbatok sa tentasyon.

Balik ngadto sa “Mga Opsiyon nga Kalihokan sa Pagkat-on.”

Ipakita ang mosunod nga pamahayag ni Presidente Dallin H. Oaks:

Ang ordinansa sa sakramento makahimo sa miting sa sakramento nga labing sagrado ug importante nga miting sa Simbahan. (“Ang Miting sa Sakramento ug ang Sakramento,” Liahona, Nob. 2008, 17)

Dapita ang mga estudyante sa pagpamalandong sa mosunod:

• Gitratar ba ninyo ang panagtigom alang sa sakramento nga labing sagrado ug importante nga miting sa Simbahan?

• Unsaon ninyo pagpangandam alang sa panagtigom alang sa sakramento?

Dapita ang mga estudyante sa pagbasa sa 1 Mga Taga-Corinto 11:23–29, mangita sa tambag gikan ni Pablo nga makatabang nila sa pag-andam alang sa sakramento:

• Unsa sa inyong hunahuna ang gipasabot sa pagsusi sa imong kaugalingon?

• Ngano kaha nga importante ang pagsusi sa imong kaugalingon samtang mag-andam ka sa pag-ambit sa sakramento?

Ikonsiderar ang pagpakigbahin sa mosunod nga mga pamahayag ni Elder Larry R. Lawrence, emeritus nga Kinatibuk-ang Awtoridad nga Seventy, ug ni Brother Milton Camargo, Unang Magtatambag sa Kinatibuk-ang Kapangulohan sa Sunday School:

Ang tukmang panahon nga mangutana og, “Unsa pa may akong kulang?” mao ang panahon nga moambit kita sa sakramento. Si Apostol Pablo mitudlo nga panahon kini sa matag usa nato sa pagsusi sa atong kaugalingon. Niining hilom nga palibot, samtang padulong sa langit ang atong mga hunahuna, sa kalumo mosulti ang Ginoo kanato unsay sunod natong buhaton. (“Unsa Pa May Akong Kulang?,” Liahona, Nob. 2015, 34)

Ang pagbag-o sa atong mga pakigsaad atol sa sakramento matag Dominggo usa ka dako nga oportunidad aron sa pagsusi sa atong kaugalingon ug magpunting pag-usab sa atong kinabuhi ngadto kang Jesukristo. Pinaagi sa pag-ambit sa sakramento, kita mopahayag nga kita “kanunay mohinumdom kaniya.” [Moroni 4:3; 5:2]. (“Magpunting kang Jesukristo,” Liahona, Mayo 2023, 65)

• Sa unsa nga paagi nga ang pagsusi sa atong mga kaugalingon makapalambo sa atong kasinatian sa sakramento? (Ang mga estudyante mahimong moila og usa ka kamatuoran sama sa mosunod: Pinaagi sa pagsusi sa atong mga kaugalingon agig pagpangandam alang sa sakramento makatutok kita pag-usab sa atong mga kinabuhi ngadto ni Jesukristo ug magiyahan unsaon sa pagpalambo.)

• Unsa nahisama ang inyong kasinatian sa sakramento sa dihang nakatutok kamo sa Manluluwas?

• Unsa ang makatabang ninyo sa pag-andam alang sa sakramento?

Dapita ang mga estudyante sa paghimo og yanong plano sa unsay ilang buhaton sa pagsusi sa ilang mga kaugalingon agig pagpangandam alang sa sakramento niining umaabot nga Dominggo.

Kon adunay mga pangutana ang mga estudyante mahitungod sa unsay gipasabot nga moambit sa sakramento sa takos nga paagi, mahimo nimong ipakigbahin ug hisgotan ang mosunod nga pamahayag ni Elder John H. Groberg, emeritus nga Kinatibuk-ang Awtoridad nga Seventy:

Kon nagtinguha kita nga molambo (nga mao ang paghinulsol) ug walay mga restriksiyon sa pagkamiyembro o pagbakwi sa pagkamiyembro], nan, sa akong hunahuna, kita takos. Hinuon, kon, kita walay tinguhang molambo, kon kita walay intensyon nga mosunod sa giya sa Espiritu, kinahanglan nga mangutana kita: Takos ba kitang moambit, o giyama-yamaan ra ba nato ang mahinungdanong katuyoan sa sakramento, nga mao ang buhat isip usa ka pagpasiugda sa personal nga paghinulsol ug kalamboan? (“The Beauty and Importance of the Sacrament,” Ensign, May 1989, 38)

Balik ngadto sa “Mga Opsiyon nga Kalihokan sa Pagkat-on.”

Ikonsiderar ang pagpakita sa mosunod nga pamahayag ni Sister Michelle D. Craig, kanhi Unang Magtatambag sa Kinatibuk-ang Kapangulohan sa Young Women:

Ang Dios naghatag sa matag usa kanato og mga gasa. Tingale wala kamo mobati nga may talento, apan kamo adunay espirituhanong mga gasa gikan sa Dios aron kamo makapanalangin sa uban ug mas mapaduol ngadto Kaniya.

Unsang mga gasa ang gihatag sa Dios kaninyo? (“Dili kaayo Makita nga mga Gasa” [Debosyonal sa Pasko sa Unang Kapangulohan, Dis. 5, 2021], Librarya sa Ebanghelyo)

Dapita ang mga estudyante sa pagrekord unsa nga mga gasa nga ilang gibati nga gihatag sa Dios kanila.

Ipasabot nga si Pablo mitudlo sa mga Taga-Corinto sa kaimportante ug sa katuyoan sa espirituhanong mga gasa. Dapita ang mga estudyante sa pagbasa sa 1 Mga Taga-Corinto 12:4–11 ug hatagi og importansya ang mga gasa nga ilang makaplagan. Mahimo nimong isulat diha sa pisara ang mga gasa nga ilang makaplagan ug mangutana:

• Unsa nga tambag ang nagpatigbabaw diha kaninyo? Ngano man?

• Nganong ang Ginoo naghatag man kanato og espirituhanong mga gasa? (Ang mga estudyante mahimong moila og usa ka kamatuoran sama sa mosunod: Ang Ginoo naghatag og espirituhanong mga gasa sa matag miyembro sa Iyang Simbahan aron sila makapanalangin sa uban.)

Itudlo nga ang lista ni Pablo sa mga gasa dili kompleto. Aron makakaplag og dugang nga mga gasa, dapita ang pipila ka estudyante sa pagsiksik sa Moroni 10:8–18; ang uban mahimong mosiksik sa Doktrina ug mga Pakigsaad 46:11–26, ug ang uban mahimong mosiksik sa handout sa “Dili kaayo Makita nga mga Gasa.” Dapita ang mga estudyante sa pagsulat niini diha sa pisara sa bisan unsa nga dugang nga mga gasa nga ilang nakaplagan.

• Ngano nga importante ang pagkahibalo sa bili sa tanang espirituhanong mga gasa lakip niadtong dili kaayo makita?

• Kanus-a kamo nakasinati og usa niini nga mga gasa alang sa inyong kaugalingon o napanalanginan sa usa ka tawo nga adunay usa niini nga mga gasa?

• Unsa ang inyong gibati mahitungod sa Langitnong Amahan ug ni Jesukristo nga nakahibalo nga Sila mipanalangin nato sa nagkalain-lain espirituhanong mga gasa?

Dapita ang mga estudyante sa pagrekord unsaon nila sa pagtubag ang pangutana ni Sister Craig,“Unsa nga mga gasa ang gihatag sa Dios kaninyo?” Aron matabangan ang mga estudyante nga makaila sa ilang mga gasa, mahimo ninyong basahon ang mosunod nga pamahayag ni Elder John C. Pingree Jr.:

Unsaon nato sa pagkahibalo sa atong mga gasa? Makahimo kita sa pagbasa sa atong patriyarkal nga panalangin, mangutana niadtong kinsa labing nakaila kaayo kanato, ug sa personal moila unsa gayod ang maayo ug makalingaw nato. Ang labing importante, makapangutana kita sa Dios (tan-awa sa Santiago 1:5; D&P 112:10). Nakahibalo Siya sa atong mga gasa, tungod kay Siya ang mihatag niini ngari kanato (tan-awa sa D&P 46:26). (“Ako Adunay Buhat alang Kanimo,” Liahona, Nob. 2017, 33)

Aron matabangan ang mga estudyante nga makakita ngano nga ang matag usa kanato ug ang atong espirituhanong mga gasa gikinahanglan sa Simbahan sa Ginoo, basaha pagdungan ang 1 Mga Taga-Corinto 12:12–27.

• Unsa man ang nakapadani ninyo mahitungod sa mensahe ni Pablo?

• Sa unsang paagi nga ang mensahe ni Pablo magamit sa mosunod nga mga pamahayag?

  • “Wala akoy ikatanyag sa akong ward; dili lang gyod kaayo ko talentado.”

  • “Si Sister Brown usa ka mas maayo kaayo nga lider; dili gayod ako makatupong unsay iyang gibuhat.”

  • “Bag-o kaayo ko sa Simbahan ug walay kasinatian nga wala koy daghan nga ikasalmot sa akong ward.”

Kon makatabang, mahimo ninyong tan-awon ang “Is There a Place for Me?” (3:59). Dayon mahimo ninyong dapiton ang mga estudyante sa pagpamalandong sa mosunod nga pangutana:

4:0

• Sa unsa nga paagi kaha nga Ginoo gusto nga inyong gamiton ang inyong espirituhanong mga gasa ug mga talento sa pagpanalangin niadtong anaa sa inyong ward, branch, o pamilya?

Balik ngadto sa “Mga Opsiyon nga Kalihokan sa Pagkat-on.”

Mahimo ninyong sugdan pinaagi sa pagdapit sa mga estudyante sa pagpakigbahin og pipila ka ehemplo kon giunsa ni Jesukristo pagpakita og gugma atol sa Iyang mortal nga pangalagad. Kon makatabang, mahimo kamong mopakita og pipila ka litrato sa Manluluwas nga nagpakita sa Iyang gugma.

• Sa unsang paagi nga ang gugma sa Manluluwas adunay epekto niadtong Iyang gipangalagaran?

• Sa unsang paagi nga ang Iyang gugma nakaapekto kaninyo?

Itudlo nga sa mga kasulatan ang pulong gugma nga putli sa kasagaran gigamit sa paghulagway “sa tiunay nga gugma ni Kristo” (Moroni 7:47). Dapita ang mga estudyante sa pagbasa sa 1 Mga Taga-Corinto 13:1–3, mangita kon unsay importansiya ang gihatag ni Pablo sa gugma nga putli.

• Unsa ang mensahe ni Pablo mahitungod sa gugma nga putli?

Ikonsiderar ang pagbasa og dungan sa mosunod nga pamahayag ni Presidente Dieter F. Uchtdorf, kanhi usa ka sakop sa Unang Kapangulohan:

Ang tinuod nga gugma nagkinahanglan og lihok. Mahimo kitang mamulong mahitungod sa gugma sa tibuok adlaw—mahimo kitang magsulat o mga balak nga namahayag niini, makakanta og mga awit nga nagdayeg niini, ug makasangyaw og mga wali nga nag-awhag niini—apan hangtod nga atong mapakita kana nga gugma pinaagi sa lihok, ang atong mga pulong walay pulos apan “masaba nga agong, o piyangpiyang nga nagatagingting” [1 Mga Taga-Corinto 13:1].

Si Kristo wala lamang mamulong mahitungod sa gugma; Iya kining gipakita matag adlaw sa Iyang kinabuhi. (“Kamo ang Akong mga Kamot,” Liahona, Mayo 2010, 70)

Ipasabot nga sa 1 Mga Taga-Corinto 13:4–7, si Pablo naghatag og importante nga panabot mahitungod sa kinaiya sa gugma nga putli. Ang mga estudyante mahimong mogamit sa handout “Gugma nga Putli: Ang Tiunay nga Gugma ni Kristo” sa pagpalawom sa ilang pagsabot sa gugma nga putli. Dapita ang mga estudyante sa pagpili og duha o tulo ka aspeto sa gugma nga putli nga gusto nilang mas masabtan pag-ayo. Hatagi og gibug-aton nga ang labing maayong paagi sa pagsabot sa gugma nga putli mao ang pagkat-on gikan sa ehemplo ni Jesukristo.

Human mohatag og panahon sa mga estudyante sa pagtuon, papormaha sila og gamay nga grupo. Dapita ang matag estudyante sa pagpili og usa ka pulong o hugpong sa mga pulong nga ilang tutokan ug ipakigbahin unsa ang ilang nakat-onan gikan sa ilang pagtuon. Awhaga sila sa pagtutok unsay ilang nakat-onan gikan sa ehemplo ni Jesukristo.

Mahimo ninyong taposon ang klase pinaagi sa pagdapit sa mga estudyante sa pagpakigbahin og mga ehemplo kon sa unsang paagi sila nakasinati sa Kristohanong gugma. Mahimo usab ninyong tan-awon ang “Pure Love of Christ [Tiunay nga Gugma ni Kristo]” (2:07).

2:8

Dapita ang mga estudyante sa pagbuhat sa bisan unsa nga mga pag-aghat nga ilang madawat.

Balik ngadto sa “Mga Opsiyon nga Kalihokan sa Pagkat-on.”