Pinadayag 15–22

Mahimo kamong mokanta, maminaw, o mobasa sa bersikulo 1 sa “Israel, Israel, Dios Nagtawag” (Mga Himno, nu. 7) ug bersikulo 1 sa “Kamong Elder sa Israel” (Mga Himno, nu. 198). Dayon ipabasa sa mga estudyante ang Pinadayag 18:1–4 ug Doktrina ug mga Pakigsaad 133:5.

• Nganong kini nga mga bersikulo naghisgot bahin sa mga tawo sa atong panahon nga nakagawas sa Babelonia, sa dihang ang siyudad sa Babelonia nalaglag liboan ka tuig na ang milabay?

Ipasabot nga aron masabtan ang simbolismo sa Babelonia diha sa pagpadayag ni Juan ug sa ubang mga kasulatan, makatabang kini nga masabtan ang konteksto sa kasaysayan sa Babelonia sa karaang kalibotan (tan-awa ang kahanas nga “Pagsabot sa mga Kasulatan diha sa Konteksto” sa Mga Kahanas sa Pagtuon sa Kasulatan). Mahimong basahon sa mga estudyante ang “Pinadayag 17–18. Ngano nga ang Babelonia usa ka simbolo sa pagkadaotan?” sa Mga Tabang sa Kasulatan: Bag-ong Tugon aron mas masabtan ang konteksto sa kasaysayan alang sa Babelonia.

Uban niini nga konteksto sa hunahuna, dapita ang mga estudyante sa pagbasa sa Pinadayag 17:1–7, 12–14 ug pag-ila sa mga simbolo nga nagpakita sa pagkadaotan sa Babelonia.

• Unsa ang imong nakat-onan mahitungod sa Babelonia gikan niini nga mga simbolo? (Kon ang mga estudyante nagkinahanglan og tabang sa paghanduraw sa Babelonia isip tigbaligya og dungog, mahimo silang mobasa sa “Pinadayag 17:4–5. Nganong gihulagway ni Juan ang Babelonia isip ‘ang inahan sa mga daotan nga babaye’?” diha sa Mga Tabang sa Kasulatan: Bag-ong Tugon.)

Dapita ang mga estudyante sa paghunahuna mahitungod sa mga ehemplo sa Babelonia nga ania sa atong panahon o nga sila nagsaksi sa kanunay.

• Unsa ang inyong makat-onan mahitungod sa Manluluwas gikan sa mga titulo nga gisulat ni Juan sa bersikulo 14? (Gikan niini nga bersikulo, ang mga estudyante mahimong makaila og kamatuoran sama sa mosunod: Si Jesukristo—ang Kordero sa Dios, ang Ginoo sa mga ginoo, ang Hari sa mga hari—nagbuntog sa tanang kadaotan nga girepresentar sa Babelonia.)

• Sa inyong hunahuna sa unsang paagi kini nga kamatuoran makatabang kaninyo sa pagbuntog sa kadaotan nga inyong giatubang?

Pahinumdomi ang mga estudyante sa mga himno ug mga bersikulo nga inyong gibasa sa sinugdanan sa klase mahitungod sa pagbiya sa Babelonia ug sa pag-adto sa Zion. (Kon gikinahanglan, mahimo nimong ipasabot nga ang Zion mao ang sukwahi sa kasulatan sa Babelonia. Ang Zion mao “ang putli og kasingkasing” [Doktrina ug mga Pakigsaad 97:21] ingon man usa ka heyograpikanhong dapit.)

Aron matabangan ang mga estudyante nga magtuon ug mas makasabot sa direksyon sa Manluluwas sa pagbiya sa Babelonia (tan-awa sa Pinadayag 18:4; Doktrina ug mga Pakigsaad 133:5), hunahunaa ang pagpakigbahin sa mosunod nga pamahayag ni Elder D. Todd Christofferson. Mahimo nimong bahinon ang mga estudyante ngadto sa gagmay nga mga grupo aron sa pagbasa sa pamahayag ug sa paghisgot sa nagsunod nga pangutana.

Sa pag-adto sa Zion, dili kini igo alang kanimo o kanako nga mora og buotan og gamay kay sa uban. Kita kinahanglan nga dili lamang mahimong buotan apan balaan nga mga lalaki ug mga babaye. Sa paghinumdom sa mga pulong ni Elder Neal A. Maxwell, sa makausa pa atong ipalambo ang Zion sa atong mga panimalay ug isalikway ang ting-init nga pinuy-anan sa Babelonia. (“Dali na Diri sa Zion,” Liahona, Nob. 2008, 39)

• Unsa sa inyong hunahuna ang gipasabot ni Elder Maxwell sa dihang iyang gipasabot ang pag-establisar sa atong pinuy-anan sa Zion ug ang pagsalikway sa “ang ting-init nga pinuy-anan sa Babelonia”?

Human maghisgot og dungan ang mga estudyante, mahimo nimong hatagan sila og panahon sa pagpamalandong sa ilang kaugalingon kon unsaon nila sa pagmentinar ang usa ka ting-init nga pinuy-anan sa Babelonia—sa laing pagkasulti, kon sa unsang paagi sila makatutok pag-ayo sa kalibotanong mga butang.

Human mahatagan og panahon ang mga estudyante sa pagpamalandong, mahimo nimong dapiton sila nga matinahuron nga mamalandong kon unsaon nila nga mas hingpit nga maestablisar ang ilang pinuy-anan sa Zion.

Balik ngadto sa “Mga Opsiyon nga Kalihokan sa Pagkat-on.”

Mahimo nimong sugdan pinaagi sa pagpakita sa mosunod nga senaryo:

• Unsa nga mga dili pagsinabtanay ang mahimong anaa ni Joel mahitungod sa Kataposang Paghukom?

Dapita ang mga estudyante sa paggamit sa handout nga “Pagsabot sa Kataposang Paghukom” aron mas masabtan ang Kataposang Paghukom. Kini nga kalihokan makatabang sa mga estudyante sa pagpraktis sa kahanas nga “Pagmentinar sa Doktrina nga Balanse” diha sa Mga Kahanas sa Pagtuon sa Kasulatan.

Human mahatagan og panahon ang mga estudyante sa pagtuon, dapita sila sa pag-andam og mubo nga mensahe nga makahatag ni Joel og mas kompleto, balanse, ug malaomon nga pagsabot bahin sa Kataposang Paghukom. Dayon dapita sila nga magpuli-puli sa pagpakigbahin sa mensahe nga ilang giandam alang kang Joel. Mahimo nila kining himoon diha sa gagmay nga mga grupo o isip usa ka klase.

Human mapakigbahin sa mga estudyante ang ilang mga mensahe, mahimo nimong hisgotan ang mosunod nga mga pangutana isip usa ka klase:

• Unsa nga mga kamatuoran sa ebanghelyo ang nakatabang ninyo nga mas masabtan ang Kataposan nga Paghukom? (Ang mga estudyante mahimong makaila sa mga kamatuoran sama sa mosunod: Ang matag usa kanato pagahukman ni Jesukristo. Pagahukman kita sumala sa atong mga binuhatan ug sa mga tinguha sa atong mga kasingkasing. Ang Kataposan nga Paghukom mopadayag sa epekto sa atong mga binuhatan ug mga hunahuna—kon unsa kita nahimo. Si Jesukristo usa ka matarong nga maghuhukom.)

• Ngano nga makasalig kamo nga si Jesukristo mao ang inyong maghuhukom?

• Sa unsa nga paagi ang pagbaton og mas kompleto ug balanse nga pagsabot sa Kataposan nga Paghukom makapadasig ninyo sa paghinulsol ug paghimo og mas maayo?

Mahimo nimong hatagan og panahon ang mga estudyante sa pagpamalandong kon unsa nga matang sa tawo nga sila mamahimo. Ang mga estudyante mahimong maghunahuna og usa ka butang nga ilang sugdan o hunongon sa pagbuhat aron sila mamahimong matang sa tawo nga gusto sa Ginoo nga sila mamahimo.

Balik ngadto sa “Mga Opsiyon nga Kalihokan sa Pagkat-on.”

Mahimo usab nimong ipakita ang mosunod nga hulagway:

• Sa unsang paagi kini nga hulagway mahimong usa ka simbolo sa imong kinabuhi?

• Unsa ang wala mahibaloi mahitungod sa imong kaugmaon?

• Sa unsang paagi ang pagkabalaka bahin sa umaabot makaimpluwensya sa imong inadlaw nga kinabuhi?

Ipasabot nga nakita ni Juan diha sa panan-awon ang madaogon nga padulngan sa gingharian sa Dios. Mahimo nimong ipakita ang mosunod nga summary ug maghatag og mubo nga kinatibuk-ang pagpasabot niini nga mga panghitabo.

Dapita ang mga estudyante sa pagbasa sa Pinadayag; 22:1–5 sa ilang kaugalingon o uban sa usa ka partner, mohunong aron sa paghisgot sa mga bersikulo nga makapainteres kanila. Ipamarka sa mga estudyante ang mga hugpong sa mga pulong, mga panghitabo, o mga kamatuoran nga nagtudlo kon unsa ang atong mahibaloan nga segurado mahitungod sa umaabot.

Human mahatagan og panahon ang mga estudyante sa pagpangita, dapita sila sa pagpakigbahin sa unsay ilang nakit-an. Human mapakigbahin sa mga estudyante ang ilang mga panabot, ikonsiderar ang pagpangutana:

• Base sa panan-awon ni Juan, unsa ang gusto sa Ginoo nga inyong mahibaloan mahitungod sa inyong umaabot? (Ang mga estudyante mahimong moila og usa ka kamatuoran sama sa mosunod: Kon ako masulundon ug matinud-anon kang Jesukristo, ako mapanalanginan og celestial nga himaya.)

• Sa unsang paagi nga ang pagkahibalo niini nga kamatuoran makaimpluwensya sa imong mga pagbati mahitungod sa umaabot?

• Sa unsang paagi si Jesukristo makatabang nimo nga magmatinud-anon samtang nag-atubang ka sa umaabot?

Ikonsiderar ang pagpakigbahin sa mosunod nga pamahayag ni Presidente Jeffrey R. Holland:

Ang kaugmaon niini nga kalibotan dugay nang gipahayag; ang kataposang sangpotanan tali sa maayo ug daotan nahibaloan na. Wala gayoy pangutana kon kinsa ang modaog tungod kay ang kadaogan nabutang na sa scoreboard. Ang katingad-an lamang nga butang sa tanan niini mao nga ania pa kita dinhi sa dulaanan naningkamot sa pagdesisyon kon unsa nga jersey sa team ang gusto natong isul-ob!(sa John Bytheway, When Times Are Tough: 5 Scriptures That Will Help You Get through Almost Anything [2004], 30–31, gikutlo sa Amy Carlin, “Put On the Jersey,” The Daily [podcast], Aug. 13, 2024, ChurchofJesusChrist.org)

• Unsa kaha ang gipasabot ni Presidente Holland sa mga jersey sa team? (Tabangi ang mga estudyante nga makasabot nga ang jersey nga atong gisul-ob mahimong simbolo sa atong mga pasalig ug mga prayoridad.)

• Unsa ang pipila ka ehemplo sa mga jersey sa team nga isul-ob sa mga young adult?

• Unsaon ninyo pagkahibalo kon gihimo ba ninyo nga labing taas nga prayoridad nga maanaa sa team sa Ginoo?

Dapita ang mga estudyante sa pagpamalandong kon sa unsang paagi nila mahimo nga ang Manluluwas ilang labing taas nga prayoridad. Mahimo silang mokigbahin sa mga panalangin ug mga hagit nga miabot tungod sa pagpili nga mahimong usa ka disipulo ni Jesukristo. Mahimo ka nga mopamatuod nga makab-ot nato ang celestial nga himaya kon maningkamot kita nga magmatinud-anon kang Jesukristo.

Balik ngadto sa “Mga Opsiyon nga Kalihokan sa Pagkat-on.”